[ اسئلة اختبارات ] : رفع شكوى على بعض اسئلة اختبار موضوعات خاصة بالادارة

[الخفوووق]

الاسئله واضحه .. وماجاب شي خارجي
ومثل ماقالو الاخوان اذا فيه قصور فيكون منا احنا
والدكتور جزاه الله الف خير كان وااااضح في الآسئله
اتمنى التوفيق للجميع يارب

[taallaall]

المشاركة الأصلية كتبت بواسطة علي عبد المحسن

احسنتي
وش دخلنا في المصرية ؟
و طريقة اكمل الفراغ مضحكة
علماً انا و لله الحمد ان شاء الله a او +a
لكن يجب ان اقول كلمة حق وش دخلنا المصرية ^_^

هذا انا اتكلم عليه وانا بعد اتوقع a+ ان شاء الله
لكن حرام تروح درجات تنفعنا بعدين
وممكن اننا لو اشتكينا راح نرحم اللي يجي بعدنا ونكسب دعوة منهم تنفعنا يوم الدين

[amalghamdi]

صحيح الاسئله كانت سهله بس ما لاحظو جماعه نموذج a ان السؤال 31 اللي كان عن نسبه الشركات العائليه في السعوديه ماكان فيه الجواب الصحيح كانت الاجوبه 80 و 85 و 90 و95 والجواب الصحيح 50 % وما كان من ضمن الخيارات

[ميس زيزي]

مماعليش اخوي اسمحلي ولاتزعل مني
ماعندك سالفه
بكذا تتوبون الدكاتره يجيبون لكم اسئله واضحه وسهله لانكم مشتكيين مشتكين بكل الاحوال

والسؤال حق المرأه المصريه موجود في المنهج ماجابه ن مخه

[ندو@]

يالله الاسائلها يا جمعها

[أمير الكلمة]

ياغالي بالنسبه لسؤال المراة العاملة بمصر انا اول ما شفته قلت لنفسي بالله وش باستفيد من هذا السؤال
ايضا بعض الاسئلة كانت دقيقه لدرجة انها تحتاج الى حفظ كامل للتعريف حرفياً

لكن بشكل عام الدكتور ما قصر وجاب كثير من الاسئلة واضحه ومباشره وياليت كل الدكاتره يستخدمون نفس الاسلوب
لذلك لا يجب ان نركز على السلبيات القليلة جداً ونتجاهل الايجابيات الكثيره
عن نفسي لن اتقدم بشكوى قد اتسبب فيها بصعوبات للدفعات التي بعدنا

[jawad1394]

الف شكر للدكتور بصراحة ماقصر وفالنا البيرق ان شاء الله

[غزال العارضية]

المشاركة الأصلية كتبت بواسطة amalghamdi

صحيح الاسئله كانت سهله بس ما لاحظو جماعه نموذج a ان السؤال 31 اللي كان عن نسبه الشركات العائليه في السعوديه ماكان فيه الجواب الصحيح كانت الاجوبه 80 و 85 و 90 و95 والجواب الصحيح 50 % وما كان من ضمن الخيارات

الجواب الصحيح لشركات العائلية في السعودية 95%

[taallaall]

المشاركة الأصلية كتبت بواسطة غزال العارضية

الاسئلة مره سهله وكل شيء كان واضح

مو نتكاسل عن المذاكره ونجي نبي كل شيء سهل وعلى الجاهز
الاسئلة كانت منوعه من السهل للاسهل وفي بعض الاسئلة صعبة شوي لكن هذا الشيء ضروري عشان يبين اللي مذاكر واللي ماذاكر
هو حط اسئلة سهله للي يبي ينجح وهذا بحد ذاته شيء يشكر عليه
واسفه للاطالة

على العموم انا مقدم شكوى اللي يبي يجي معي فاهلا وسهلا
واللي مهي فارقه معه يا اخى شكرا على مرورك وابداء رأيك ونسأل الله لك التوفيق
انا ما تعبت في الدراسة وتفقعن عيوني وسهران واراجع من الصباح علشان يجيني يسألني عن المرأة المصرية
واحنا ايش نستفيد اذا عرفنا نسبته لا تقدم ولا تأخر ولا تزيد في علمنا ويمكن بعد النسبة تغيرت يعني الكلام اللي حفظته وتعلمته خطأ وغير صحيح
هذا بالاضافة على التركيز على تعاريف كلها متشابهة ولا يفرق بينها شيء
يعني لو اعتمد تعريف او تعريفين وسأل عنهم اقدر اقول لك خطأ مني لكن كلها متشابهة وكل محاضرة فيها ما لا يقل عن عشرة تعاريف فهذا ظلم وفوق كل هذا اسئلة كثيرة كانت من التعاريف والاجابة لا تقبل المعنى لازم تكون حفظ صم
انا ما جيت الجامعة علشان احفظ انا جيت افهم طيب ليه ما سألنا في المنهج نفسه ليه التعاريف بس

ما اقول الا الله المستعان

[fahad246]

المشاركة الأصلية كتبت بواسطة amalghamdi

صحيح الاسئله كانت سهله بس ما لاحظو جماعه نموذج a ان السؤال 31 اللي كان عن نسبه الشركات العائليه في السعوديه ماكان فيه الجواب الصحيح كانت الاجوبه 80 و 85 و 90 و95 والجواب الصحيح 50 % وما كان من ضمن الخيارات

الأجابة الصحيحة% 95
اللي أكثر من 50% هو تعريف الشركة العائلية والسؤال اللي جاء في الاختبار كم نسبة الشركات العائلية في السعودية