[ النظام الأفتراضي ] : شرح النقاط المهمه في الآله الحاسبة

[Lotus Flower]

تسلم هاليدين ..
ويجزاك ربي خير
ما قصرتي على هالمجهود

[al-hanof]

ماشاء الله يعطيك العافيه يارب

ياليت تقول لنا يسمحون لنا بالألات الحاسبه هاذي بالامتحان ؟
ولا بيخلون بس الألآت العاديه تدخل ؟

وبعرف شنو النظام اللي اخلي عليه آلتي وشكرا

[نداء العلم]

[caution]
بنات لقيتلكم شرح روعة لايجاد المصفوفات... ضرب المصفوفات وايجاد المحددة
اعتبروها اضافة للشرح الي حطتة نصرون تفضلو :

http://www.youtube.com/watch?v=j8ge10HsGFs


http://www.youtube.com/watch?v=nHnK-Qh7uGQ



والي تسال عن النظام الاساسي اظغطي mode بعدين اختاري comp الي هي رقم 1 وبيتعدل النظام عندك وهذا النظام الاساسي
[/caution]

[بدون أسم4]

مافيه y و N بالالة الحاسبه؟

نقدر ندخلها الاختبار معنا؟

[خطوة بخطوة]

الله يجزاك خيررر

[l a v e n d e r]

ما شاء الله تباركـ الله ..
الموضوع نقلته عضوة للإدارة بفيصل ..
يستحق 5 ستارز ..
أناقة وشرح واضح وممتع ..

سلمتي ..

[حوريه الشهري]

الله يجزيك الجنةةةةةةةةةةة
والله ماتعلمتها الا على يدك بعد الله سبحانه
شششكرا من كل قلبي
انتظر مواضيعك بـ شوق :)

[Dr. nsroon]

[ALIGN=CENTER][TABLE1="width:95%;background-image:url('http://www.ckfu.org/pic4u/uploads/ckfu1386625921011.png');"][CELL="filter:;"][ALIGN=center]

شروحات للالة 991




log
mode + 1
بعدين log وجنبها مربعين مو log الثانية
بعدين تحطوا الارقام المطلوب حسابها بعدين يساوي
ولكن log لازم ترجعوا له للمذاكرة مو كل المسائل بالالة ..


الجذر

فيه زرين / والجذر الثاني مايحتاج اذكره
الزر الاول HEX
وبعدين الخيار الثاني shIft
.. HEX


المعادلات

المعادلة كانت :
3x+y=10
x-2y=1

أولا: نضغط على زر ( MODE SETUP )
ثانيا: نضغط علئ رقم ( 5 )
ثالثا: نضغط علئ رقم ( 1 )
رابعا: نكتب بالفراغ الاول ، معامل x الي هو 3 .. ننتقل بإشارة ( = ) للانتقال للفراغ الثاني . ونكتب معامل y الي هو 1 .. وبعدين يساوي للانتقال للفراغ الثالث .. ونكتب رقم 10 ، بكذا عبينا اول 3 فراغات للمعادلة الاولئ ..
نضغط ( = ) عشان ننتقل لاول فراغ في المعادلة الثانية ونكتب معامل x الي هو 1 .. ثم يساوي ونكتب معامل y الي هو 2- .. ثم يساوي ونكتب 1 .. نضغط يساوي مرة وراح يكون الرقم 1 .. نضغط يساوي مرة ثانية وراح نلقا مكتوب x=3 .. نضغط يساوي مرة ثانية عشان تطلع لنا قيمة الـ y .. وبيطلع y=1

وبكذا انحلت المعادلة بالطريقة هذي

ملاحظة : عشان نرجع للنظام الطبيعي في الآلةة ..
نضغط MODE SETUP .. وبعدين رقم 1

ملاحظة : الطريقة كمان تصلح لطريقة الحل بالحذف

لبعض مسائل المتتابعات فقط اللي نفس الشكل اللي فوق log
SHIFT+log اللي جنبها مربعين
تكتبي الارقام بعدين يساوي


اكمال المربع والتحليل والعامل المشترك ولا المعادلات اللي وحده مو ثنتين فوق بعض

اضغط mode setup
بعدين رقم 5
بعدين رقم 3


المصفوفات

ناخذ أول معادلة بالفصل السابع ( صفحة 3 ) المثال الأول في [ جمع المصفوفات وطرحها ] ..
عشان نحل المصفوفة بالآلة الحاسبةة ..

أولا : نضغط زر MODE SETUP .. نضغط الخيار [MATRIX ] الي هو رقم 6 .. نضغط زر 6
تجينا 3 خيارات .. الخيار الأول الي هو " المصفوفة A " .. الخيار الثاني " المصفوفة B " .. الخيار الثالث " المصفوفة C " ..

احنا ذحين نشوف المعادلة ، مطلوب مننا A+B ..
نختار رقم 1 .. عشان ندخل قيم A ..
بيطلع لنا 6 خيارات .. وهذا يخص نوع المحددة الموجودة عندي بالمسألة ..
محددة المصفوفة A 2X2 .. الخيار هذا هو الخيار الخامس .. نضغط الزر 5
ظهرت لنا المصفوفة A .. نكتب القيم الموجودة بالمعادلة . [ وللإنتقال بين الفراغات نضغط = ] ..

- دحين نضغط SHIFT + 4
يطلع لنا خيارين .. نضغط الزر 2 .. [ Data ]

طلعت لنا 3 خيارات .. ولازم تعرفون بالضبط انتو ايش مطلوب منكم .
احنا خلصنا مصفوفة A .. يعني نبغا نكتب مصفوفة B ..
مصفوفة B هي رقم 2 [ MatB ] ..

والحين سؤال عن نوع محددة المصفوفة B .. نوعها بالمعادلة B 2X2 .. نضغط الزر 5 ..
ونكتب قيم المصفوفة B ..

بعدين نضغط زر [ AC ] .. ثم SHIFT ثم زر رقم 4 ..
بيطلع لنا اختيارات .. هنا ننتبه ..

احنا نبغا حاصل جمع المصفوفة A + المصفوفة B .. رقم المصفوفة A هو 3 .. نضغط زر 3
بيطلع لنا MataA .. ونضغط زر الجمع .. [ لأننا بنجمع ] .. ولو بنطرح نضغط طرح وإذا ضرب نضغط ضرب ..

بعدين نضغط SHIFT ثم 4 .. عشان نضيف المصفوفة B .. ورقمها 4 [ نضغط 4 ] ..
صارت الحين MatA + MatB ..
نضغط [ = ] ..
وبيطلع لنا حل المصفوفة


معكوس المصفوفات

نضغط mode setup
بعدين رقم 6
بعدين mata الي هو رقم 1
بتجيك انواع المصفوفات اختار رقم المصفوفه مثلا 2*2
بعدين بتجيك المصفوفه ودخل الارقام , بعد كل رقم =
بعد ماتضيف الارقام كلها .. اضغط في الاله ac +shift +4
بتجي خيارات اختار رقم 3 ( mata )
بعدين اضغط x-1 << موجود بالحاسبه
ويسساوي وبيطلع الناتج ..


حساب المحددات

نضغط mode setup
بعدين رقم 6
بعدين matA الي هو رقم 1
بتجيك انواع المصفوفات اختار رقم المصفوفه مثلا 2*2
بعدين بتجيك المصفوفه ودخل الارقام , بعد كل رقم =
بعد ماتضيف الارقام كلها .. اضغط في الاله AC +shift +4
بتجي خيارات اختار رقم 7 (det)
بعد الضغط عليه سيظهر بهذا الشكل det) اي ان القوس مفتوح
الان نضغط shift +4 حتى نجيب المصفوفة اللي ادخلنا وهي matA
نختارها ثم نقفل القوس بالضغط على زر القوس بالحاسبة


القيمة المطلقة
|3| =

نضغط shift + Hyp
بيطلع لنا رمز القيمه المطلقه
ندخل القيم فالآله وبعدها نضغط =
وبيطلع الناتج

طيب خلونا ناخذ مثال ثاني لو كانو عددين ؟



طريقة بالمصفوفات

انو كيف بنطلع حاصل جمع مصفوفتين .. كل مصفوفة مضروبة برقم ..
وقلت انزل شرح للطريقة ..

- عندنا المثال الأول بـ صفحة 3 ..
لما طلب مننا [ 3A + 2B ] ..
يعني أول شي راح نضرب المصفوفة A بالعدد 3 ,, والمصفوفة B بالعدد 2 ..
وناتج مصفوفة A راح نجمعو مع ناتج مصفوفة B .

طريقة الحل بالآلة ..
ندخل للزر العجيب حقنا

MODE SETUP .. نضغط الرقم الخاص بالمصفوفات الي هو 6 [ MATRIX ] ..
نضغط رقم 1 MATA .. ونختار نوع المحددة . بالمثال نوعها A = 2X2 .. يعني نختار رقم 5
ندخل القيم الموجودة بالمثال .. [ للانتقال بين الأرقام نضغط = ] ..

ثم .. SHIFT + 4 .. ونضغط رقم 2 .. نختار المصفوفة B الي هي MATB ورقمها 2 ..
نختار نوع المحددة .. بالمثال B = 2X2 .. يعني نختار رقم 5
ندخل القيم ..

بعد ماندخل القيم نضغط AC .. ثم SHIFT + 4 .. نطلع المصفوفة A الي هي MATA .. ورقمها 3
نضغط زر الضرب ... ونكتب 3 [ لأنو بالمثال الـ A مضروبة بـ 3 ] .. بعدين نحط علامة الجمع ..

بعدين نضغط SHIFT + 4 .. ونختار المصفوفة B الي هي MATB .. ورقمها 4
ونضغط زر الضرب .. ونكتب 2 [ لأن الـ B مضروبة بـ 2 في المثال ] ..

ثم [ = ] .. ويطلع لنا الناتج على طول


..

رد مهم للغاية لمبدعتنا العضوة مهريماه
منسوخ كما هو من : هنا

[/ALIGN][/CELL][/TABLE1][/ALIGN]

[عتاب الروح]

يعطيك العافية على الشرح
آلتي casio fx-991es plus
هل يوجد شي تاني مطلوب غير يلي بالشرح يعني هل احتاج الة غير

[ساره بوهميل]

جزيت خيرا