مخنوقة من البيت وربي مخنوقة ومحد حاس فيني بموت وربي

[bissan]

يسلمووووووووو على المرور
انا كل يوم اقرا قران قبل مااانام واستغفر وادعي ربي
ولو اقولكم شي ماتصدقوه انا صار لي 3سنين على هالحال
من يوم تخرجت من ثانوي وانا كل قاعدة بالبيت وطول هالسنين اقعد اصيح لربي واتوسل لربي
ادعو لي
انا ماكتبت هالموضوع الا لاني مليت من كل شي وكنت ابي احد يسمعني
لان صاحباتي مو فاضيين لي عشان كذا كتبته وقلت ابي اشوف ارائكم
تخيلوا لما اقول لابوي ابي اشتري لي ايفون يعصب علي هو وامي ويقولوا لي انتي انانية ومتكبرة وشايفة حالش
ياربي وش دخل التكبر والغرور وبعدين انا مجمعة له فلوس وجوالي كملت عليه 3سنين
وانا مو النوع الي كل شهر جوال عشان يقولوا اني متكبرة
وبطارية جوالي تنفذ بسرعة اكثر من مرة غيرتها ومافي فايدة
ويعصبوا علي ويهزاوني ولايبوني اخذ لي ايفون مو معقولة اشوف البنات كلهم عندهم الا انا
هالشي مضايقني حيل كاني يوم قلت لهم ابي اشتري ايفون كاني مرتكبة جريمة
واول ماقلت الى ابوي قال لي الي يطالع فوق تنكسر رقبته
مرة جرحني كلامه
الحين لان قلت ابي اشتري جوال صرت اطالع فوق اساسا حتى الفقارة عندهم ايفون

[bissan]

لاايفون راضيين ولابلاك بيري ولا اي جوال
رافضين فكرة اني اشتري جوال
اف قسم بالله مليت من هالحياة
والبارح صار هواش على هالسالفة

[Ŝǎ7ąβ]

هلـآ بـگ أخـتي "bissan" ..،

مـآحكذب عليگ بس أنـآ أول ما قريت الموضوع نقدت عليـگ ..،
لأن مآ أحب اللي تكون سوالفه للكل ..،

بس بعد تفكير وبعد وماتذكرت أن مآ عندگ خوآت قلت يحق لهآ تفضفض هنآ وتقول الي بخآطرهآ ..،

أحنآ هنآ خوآت نتقبل من الكل إن شاء الله ..،

بس عندي لگ طلب أتمنى تتقبلينه ..،

بمآ أن البنات الي ردوا عليگ هنا وحبوا انهم يساعدونگ أتخذي وحدة فيهم صديقة لگ تقولين لها كل شي على إنفراد ( عالخاص)..،

لو كنت انا إختيارگ فأنا أتشرف وربي ..،

هلـآ بـگ وعسى مـآ تذوقين الحزن يالغلـآ ..،

[واحد ماله مكرر]

انا اقوووولك اكثر بنات السعودية نفس حاااالتك

أشغلي نفسك في أي شئ

سوي لك جدول يومي من الصباح وحتى النوووووم وامشي على الجدول

يعني حطي وقت لـ t v وقت للانترنت وقت للعائلة وقت للقراءه واذا عندك هوووايات برضوا حطي لها وقت

اجلعي جلوووسك بالبيت كأنه الجنة ولا تجعلينه كأنه الجحيم فتزداد حياتك تعاااااسة

اتمنى لك التوووفيق من كل قلبي ..

[شبيــه آلــريح ،]

كل البنات مثلك
ما يطلعون من البيت الا في العزائم او للسوق .. الخ
وأغلب وقتهن بالبيت
حاولي تشغلين وقتك باشياء مفيدهـ
وتسجيلك بالجامعة ان شاء الله بخفف عنك الشي الكثير
/
وبعد كذا حسني علاقتك مع أبويكِ وبلا مشاكل معهم
والله ثم والله ما تسحين بقيمتهم الا اذا فقديتهم
هم زينة الحياة فـلا تزعلينهم

...

[ۅح ــيٌ .. !]

ياخيتي هين موضوع الايفون ولا هي نهاية الحياة ..

ولاحظت عليك انك تلومين كثير اهلك على اللي انتي فيه ..

ترى مهما صار يضلون هم عزوتك بـ ذي الحياة ومثل مافهمت ان مالك خوات ..

فـ حاولي تبرينهم كثر ماتقدرين وجاهدي نفسك على هـ الشيء ..

وتلطفي معهم بـ الكلام و المعامله ..

ذا بيكون ان شاءالله من اسباب ترقيق قلبهم ..

ولاتنسين انهم من اسباب دخولك للجنه بعد اذن لله ..

وادعي ان الله يصلح الحال بينك وبينهم ..

ولا تيأسي من فرج ربك ..

[مـ ع ـاند جروحه]

اسبوعين بس ..!

هونيهـا وتهون

ان الله اذا أحب عبد ابتــلاه ..

وادعي بهذا الدعـاء

" اللهم إني عبدك ابن عبدك ابن أمتك ناصيتي بيدك ، ماضِ في حكمك ، عدل في قضاؤك ، أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي "

" اللهم إني أعوذ بك من الهم والحزن ، والعجز والكسل والبخل والجبن ، وضلع الدين وغلبة الرجال "

[نوره | ~]

صح احيان ودك بيتكم يتكسر و تعيشين بالشارع تشوفين الناس و تروحين و تجين << ترى أنا كذا "

[(خالد)]

تعوذي من ابليس ..واشغلي وقتك باشياء تنفعك بدال الجلسه والحسره والالم .

الاهل معاهم حق يخافون على بناتهم والله ماحد يلومهم والسبب كثره المشاكل

ومايسمعونه وماتطالعهم به الصحافه كل يوم اصبحوا يحسبون لكل شيء الف حساب

اجلسي معهم وبالتفاهم راح تحلون كل الاشكاليات ..

[الفراق الصعب]

ههههههههههههههههههه. طيب قولي الحمد لله انك بخير غيرك مايبي طلعه. يبي العافيه