[ جميع التخصصات ] حق الطالبة في الخروج من بوابة الكلية (من غير تصريح)

[[ ذائقة فكر~]

المشاركة الأصلية كتبت بواسطة انسي بقرب ربي

ابدا
لان ياحبيبتي بتصير الجامعة فوضى
وكمان اهلنا يطمنون علينا اكثر
وتعرفين بنات سنة اولا ويمكن تتعرف على رفيقة سوء وتجرها الى ما لا يحمد عقباااه
12سنة في المدرسة مانطلع الا باثباتات حبكت على 4سنين ولا خمسة

[Broken Dream]

نعم وبشششدة ..

[AMWAJ.]

نعععععم وب اااشششد من الشده نفسها

[ليش يادنيا]

نعم وبشدة

ومثل ماقالوا البنات الي ناويه على الشر تسويه اي وقت

أحنا مالينا ذنب ننحكر لسبب غير مقنع

واذا على سنة أولى ماهم أطفال حتى تتعرف على رفيقة سوء وتنجر وياها

كل واحد عقله في راسه الي مايرضى بالغلط محد يقدر يأثر عليه لا رفيقة سوء ولا غيرها

نتمنى لو تنحل هالمشكله ونتحرر من سجن كلية الدمام

[الوردة السمراء]

وكمان اهلنا يطمنون علينا اكثر

طيب ولما الاهل يطمنو ع مجموعه البنات الي مخربين علينا

البنات هذول لو بيسوو شي يعرفو يسووه بعد الظهر اوو الصباح
واهلها متطمنين وما يدرون عنها


-هذه نقطه سلبية بسبب تطمن الاهل على بناتهم

[iRAW]

نعم وبشدة بس مين يسمع؟؟؟؟
اللي يقهر ان كل الكليات بواباتهم مفتوحة الا احنا وكلنا جامعة الدمام
واللي براسه شر بيسويه لو انه قاعد بين اربع جدران ومقفل عليه!!
احنا وان كان اصغر وحدة بالكلية عمرها ١٨ يعني خلاص المفروض يخلونا نتحمل مسؤولية انفسنا
ويارب توصل رسالتنا هذي للعميدة

[ı sαяαв•]

أبدا

(( مو كل البنات سوى في بنات اهلهن متشددين فجأه تجي الجامعه وكذا
خروج من غير تصريح وحاله بتصير السالفه دعوى للفساد مب جامعه
واللي تقول اللي براسها شر تسويه صح كلامج بس احيانا يكون في شي يمنعها
مب يصرح لها ويدعمها وفي بنات يأثرون على بنات حتى لو كانت عاقله ( كثر الدق يفك اللحام )
انا اشوف ان الخروج بتصريح افضل ومب صعب الا للي براسها شي و أأمن لاهل البنت

[انسي بقرب ربي]

المشاركة الأصلية كتبت بواسطة ı sαяαв•

أبدا

(( مو كل البنات سوى في بنات اهلهن متشددين فجأه تجي الجامعه وكذا
خروج من غير تصريح وحاله بتصير السالفه دعوى للفساد مب جامعه
واللي تقول اللي براسها شر تسويه صح كلامج بس احيانا يكون في شي يمنعها
مب يصرح لها ويدعمها وفي بنات يأثرون على بنات حتى لو كانت عاقله ( كثر الدق يفك اللحام )
انا اشوف ان الخروج بتصريح افضل ومب صعب الا للي براسها شي و أأمن لاهل البنت

كلاااااااااااااااااااااامك عيييييييييين العقل

[مارشوملز]

أصوت بنعم وبشدة

طيب سؤال وش الفرق بين الأسبوع اللي راح وبين هالأسبوع وبين 9ونص وبين 12 أحس معقدين السالفه وهي ماتستاهل ,,

وصدقت ● Chērry ~ εïз على سالفة هالمشوارين هذا غير صقعة الشمس ومشية من الجسر للباب

ولا ياليت عاد يوم يطبقون النظام على مكان سنع غرفة ياصغرها ومية ألف بنت داخله وطالعة وهذي

تفقص في ذي ويقولون نظام ..!!!!

وإذا على الفوضى ترى جامعة الملك فيصل بالحسا البنات يطلعون ويرجعون والبوابه طول الوقت مفتوحه

ومحد أشتكى من الفوضى وهذا وهي حرم جامعي يعني أكثر من كلية وكل كلية عدوا كم تخصص

فيها ,, الله المستعان تناقضات عجيبه ,, ماأقول غير ياصبر الأرض

[لعنبو الحظ]

الاسبوع اللي فات طلعت الساعه 11 كانت البوابة مفتوحه بدون تصريح أو سؤال .. يعني هذا مو دايم ؟ والا بس عشانه أول اسبوع دراسه !
ان شاء الله يكون مفتوح بكرا ولا يسوون سالفه وروحه وجيّه ..

وأنا أيضا أؤيد وبشده ..