الجامعة شفاطة الجيوب .. !!

[لينكس]

المشاركة الأصلية كتبت بواسطة حمود بن عثمان

ناقصتني 7 درجات في المحاسبة

المشاركة الأصلية كتبت بواسطة حمود بن عثمان

تدري البعض ناقصته فقط " درجة واحدة ، ودرجتين " وحملوا المادة


المهم اعمل حسابك لدفع الرسوم من جديد لتضاف إلى رصيد الجامعة

[ريميه سلطان]

انا بقول لكم وش صار معي .. طالعه من القانون ولا عرفت شيء خذيت درجه قويه
والاداره طالعه وانا اقول لامي عندي ثلاث اخطاء او اكثر بشوي وانخسفت بقوه

بس ليه كذا


الشيء اللي مريحني ان هناك رب اذا لي حق بياخذه بيوم لاينفع فيه لاوالد ولا ولد


افرحوا افرحوا ان بالدنيا رب لايعرف الظلم وأن طالت الدنيا او قصرت مصير حقوقنا بناخذها

[طيوفه2]

انا اتوقع والله العالم في تخبط ونوع من الظلم ..
لاني اذكر وحدة كانت في المنتدى الترم اللي راح
انها حملت نفس المادة ثلاث مرات وبنفس الدرجه !!!!!!
معقوولة صدف !!!
مااظن صراحة .
وبالتوفيق للكل

[adoooy]

والله ما اقول الا
الله ع كل ظالم

انا تعبت كل ترم اقول ان شالله هالمره احسن
تصير اخسف من الي قبلها

[ابو ليلى 100]

نتيجة الاختبار غير صحيحه وانا متأكد من اجاباتي جميع المواد النتيجة كارثة بكل ماتعنيه الكلمه من معنى بسبب المكافئات نكبونا في المعدل والله منتهى الظلم من معدل 4.7 الى معدل 4.3 تخيلوا نتيجة كل المواد c انا اعترضت على النتيجه ولا اتوقع استجابه ابدا لو كانوا متأكدين من طريقه تصحيح المواد ما نزلوا ايقونه الاعتراض لكن يكاد المريب يقول خذوني حسبي الله عليهم ونعم الوكيل انا اتمنى من الجميع يعترض على المكافأه مانبيها يردون لنا درجاتنا وشكرا لابارك الله لهم فيها

[Aliila]

اسعى للمعدل بتنجح

[Try The Best]

يعني بتقنعوني ان الجامعه ماتصحح الاوراق ؟؟؟؟؟؟؟؟؟؟؟




ياجماعة الخيرر .. انا بضرب مثال بسيط .. المشكله اننا لما نجي نذاكر من الاسئله حقت العام واللي قبله واللي قبل نلقاها محلوله بالموقع وكلها اجتهادات من شباب وبنات جزاهم الله خير لكن ليس بالضروره ان تكون حلولهم صحيحه ... وحنا نحل بالاختبار على ان الحل صح وبالنهايه يطلع غلط ..!!!!!!


لاني اكتشفت ان بعض الاسئله المحلوله بالموقع بعضها غلطططط وهذي اللي جابت بي العيد

[ود المحبه]

يعني كيف. من وين اذن نجيب اجوبه صحيحه. لو سبب بهبوط معدلات اختبار اجوبه تجارب اعوام سابقه

[أمورة نجد]

طريقة الحلول الصحيحة تدورها بنفسك ... مع الأسف حنا المستوى الأول ثلاث أرباع الماذج محلولة غلط عندنا والحمدلله الفهم عديت نفسي لكن الحفظ جبت العيد لأني مادرستها من قبل زاعتمدت أكثر شيء ع النماذج اضطرينا كل سؤال نخلي اللي عندهم كتب يصورون لنا ونتأكد من الحلول وفعلا طلعت حلول اللي حالين النماذج أغلبها غلط


ريميه تصدقين أنا بالقانون الإدارة طلعت قلت الله يوفقني وأعدي بالعافية جبت 25 سؤال صح .. القانون نتيجتي 92 والإدارة 88 ؟؟ أتوقع إن اللي قالوا لي حلولهم صح طلعت غلط واللي ألفته من مخي بدون مااعرف إجابته هو الصح ...


الله المستعان

[الحريقي]

المشاركة الأصلية كتبت بواسطة try the best

أنـآ لي تعليق بسسسيط وأبتكلم عن نفسي بصراحه عشششان محد يجينـي مطفي النوور ..


من الظلم بعد ياعزيزي إني مـآافتح ولا شي وأجي قبل الاختبار بيوم او نص يوم بعد وأقــول أبي أعدي بإمتياز !!! يعني أحمد ربي اني اعدّي وأنا مافتح الماده الا قبل الاختبار بيوم او يومين ..!



هذي ناحيه .. والناحيه الثانيه انا اعرف ناس ماشاء الله من قبل الاختبار بشهر وهو يبدا يذاكر وماشاء الله ماشاء الله ماشاء الله الله لايضرهم مانزل معدلهم عن 4.25 .. أكلم لك عن ناس اعرفهم




فمشكلتنا ياعزيزي او بالاصح دامني تكلمت عن نفسي .,, مشكلتي اني أبي النجاح وابي المعدل وابي أعدي بتقدير جيد جدا الى ممتاز باقل مجهود وهذا خطأ ..




أنا معك بأن هنـآك أخطـآء بدآئيه من الجامعه من ناحية التأخير بالنتائج ومن ناحية التضليل اللي يدوخ راسك وقت الاختبار وبس عشان تعبي البيانات يبيلك ثلث سااااعه .. يعني يبدا اختبارك وانت مفتر راسك من كثر ماتضلل




اتمنى لي ولك وللجميع التوفيق والنجاااح وعقبال مانشوف الجميع متخرررررررجين يارب




تقبـل مروري المتواضع ..

يا اخي الكريم هداك الله نحن لانتكلم عن التفوق او المذاكرة المبكرة
نحن نقول ان التصحيح فيه اخطاء انت توحي
انا حال الاسئلة كلها صح ومتاكد من حلي واخر شي يطلع نقص علي 8 درجات في الاختبار
هذا مؤشر على عدم الدقة في اداء العمل بعمادة التعليم ونخاف يصير معنا كذا في مواد كثير
يعني تدفع وتتعب وتهمل اعمالك الخاصة علشان تنجح واخر شي تجي النتيجة خرابيط
اقول روقنا يالحبيب كلينا الورق اكل وش تبينا نسوي اكثر من كذا