 |
|
||||||
| ملتقى طلاب وطالبات الكليات الصحية - جامعة الإمام عبدالرحمن ملتقى طلاب وطالبات الكليات الصحية التابعة لجامعة الإمام عبدالرحمن الدمام سابقاً |
 |
|
|
أدوات الموضوع |
2008- 8- 14
|
#11 |
|
مشرفة سابقة 
|
رد: دفعة 2009 كل مايختص بدراسة التمريض
الله يعافيج حياتي والله
واحرجتيني :c8: وان شاء الله لنا لقاااء في الجامعة 
|
|
|
2008- 8- 20
|
#12 |
|
أكـاديـمـي
|
رد: دفعة 2009 كل مايختص بدراسة التمريض
السلام عليكم ورحمة الله وبركاته
مشكوره ياريم على الجهود الرائعه عندي سؤال وهو هل مسموح تسجيل المحاضرات ؟هذا السؤال الاول والبالطو ابيض ولا رمادي ؟هل الدراسه صعبه ؟ اتا موشاطره بالانجليزي واجد يعني اقدر امشي ؟والسؤال الاخير هل المحاضرات احنا اللي انلخصها ولا شنو ؟ |
|
|
|
2008- 8- 24
|
#13 |
|
مشرفة سابقة
|
رد: دفعة 2009 كل مايختص بدراسة التمريض
العفو عزيزتي
بالنسبة لتسجيل المحاضرات تقصدين بأي اداة تسجيل كالمسجلات وغيره ؟؟؟ طبعاً ممنوع حبيبتي وبالنسبة للاب كوت فأهو لازم ابيض مثل الي يلبسونه الأطباء والدراسة بتكون سهلة للي يشد حيله وبالنسبة للأنجليزي طبعاً حاولي تقوين لغتج بقراية الكتب في الأجازة وبعدين سنة اولى اهيه تقوية للغة الانجليزية يعني لاتحاتين بهالخصوص بس شدي على عمرج ومرني لغتج الانجليزية ومع الوقت بتعتادين وآخر سؤال بالنسبة للمحاضرات الي يصير انه محاضرات الثقافة الأسلامية الدكتورة تشرح وتكتب على البورد وانتوا تكتبون في دفتر المحاضرات وغير جذي انه في مادة الأنترودكشن وجذي راح تطبعون اوراق المحاضرات من الكوبي سنتر وتذاكرون منهم وبالنسبة المواد الثانية راح يعطونكم اسماء الكتب الي تذاكرون منهم لاتحاتين بس تبدأ الدراسة بتفهمين كل شي وكل شي بتشوفينه واي شي تحتاجينه قوليه .. :) |
|
|
|
2008- 8- 27
|
#14 |
|
أكـاديـمـي
|
رد: دفعة 2009 كل مايختص بدراسة التمريض
سلام ريم .... الله يعطيج العافيه ....
بس عندي كم سؤال ؟؟؟ الملابس شلون تكون قالوا لنا انه لازم تكون قميص ابيض وتنوره سوده وكتروا من الجزم البيضاء ... صحيح ولا لا؟؟؟ ونحتاج لاب توب لو لا؟؟؟ ومترجم؟؟ و في بطاقه سمعت انها ضروريه وما نقدر ندخل الا بها شقصتها وكيف نحصل عليها بسرعه؟؟ واسفه احس اني كثرت بالاسئله و عذبتج وياي............. |
|
|
|
2008- 8- 27
|
#15 |
|
أكـاديـمـي
|
رد: دفعة 2009 كل مايختص بدراسة التمريض
ســــــــــــلام ...
مشكوووره ريم .. انبسطت بهالموضوع ؟؟ ^_^ افهم من كلامك أول يومين مابفترق عن صديقاتي الي بالطب والعلوم الطبيه >>> ونااااااااااسه .. حركاااااااااات الا تعالي .. شنو امريكيه وبريطانيه وباكستانيه >>> هذول ناس مامنهم أمل يتكلمون كلمه وحده عربيه >>> ياخوووفي  ريام >> شنو سويتي بأول محاضره دخلتيها بالانجليزي ؟؟ وكيف تعودتي ؟؟ تدرين أخاف انحرج بين البنات على اللغه :c8: وش قصة الدراسه الصيفيه ؟؟ هل هي اجباريه ام لا ؟؟ ووشنو المواد الي تدرس بالصيف ؟؟ مسموح لنا بكل المواد او لا ؟؟ أسمع ان السواق يشترط عمل بطاقه له ؟؟ يعني مااعرف شلون ؟؟ هل صحيح الكلام او لا ؟؟ طولت كثير ؟؟ ياللا معليه
|
|
|
|
2008- 8- 27
|
#16 |
|
مشرفة سابقة
|
رد: دفعة 2009 كل مايختص بدراسة التمريض
ياهلا والله اختي
الله يعافيج وتفضلي سألي مثل ماتبين بالنسبة لسؤالج عن الملابس طبعاً اهوا النظام قميص ابيض وتنورة سودة وجزم وانتي بكرامة بيضا بس طبعاً هالشي ماينطبق على وجودج في الجامعة يعني مثلاً في سنة اولى وجزء كبير من سنة ثانية انتي ماراح تروحين المستشفى تشتغلين بس بتكونين موجودة في الجامعة فعااااااااااادي تلبسين اي لون واي شكل واي جزمة يعني اللبس النظامي اهوا يكون في المستشفى مع اللاب كوت بالنسبة لللاب كوت اي نعم راح تحتاجينه في لاب الفيزكس ولاب الكمسرتي السمستر الاول طبعاً لو تنسينه تتنقصين درجات فلازم تجيبينه والمترجم اكيد بكل السنوات انتي بحاجة لمترجم اما اطلس الصغير او الوافي في جهاز الكمبيوتر او كتاب دكشنري كفي وبالنسبة للبطاقة فأنتي تقصدين البطاقة الجامعية في اول اسبوع تروحين إلى مبنى الطب القديم وهناك بتشوفين تبع الامن والسلامة مكتب خاص لهم تاخذين لج ورقة تعبينها لأستخراج بطاقة جامعية وتكتبين فيها معلوماتج وتسلمين لهم صورة لج 4 في 6 وبعدين عاد تراجعينهم لمه تخلص يعني تتأخر كثير الغالب تخلص على نهاية السمستر الأول وانتي وحظج بس حاولي خلال الأسبوع الأول تاخذين هالورقة تعبينها ضروري علشان تطلع لج البطاقة بسرعة بالنسبة لدخول الجامعة يعني نادر يفتشون على البطاقات بس احياناً عند البوابة الرئيسية للجامعة مو للكلية .. يطلبون منا نطلع البطاقة قبل لا ندخل بس لا تشيلين هم سنة اولى مايدقوون عليهم لأنه لسه مابعد تخلص بطاقاتهم بس حاولي مثل ماقلت لج تسوينها بسرعة وتخلينها عندج طول الوقت وان شاء الله اني افدتج واي سؤال ثاني انا حاضرة :) |
|
|
|
2008- 8- 27
|
#17 |
|
أكـاديـمـي
|
رد: دفعة 2009 كل مايختص بدراسة التمريض
وسمعت انه في اخر سنه ثانيه خصوصا لبنات التمريض تسجيل او تقديم في ارامكوا ..
ويش قصته ؟؟؟ |
|
|
|
2008- 8- 27
|
#18 |
|
أكـاديـمـي
|
رد: دفعة 2009 كل مايختص بدراسة التمريض
اني اعني اللاب توب مو اللاب كوت نحتاجه لو لا؟؟؟؟
|
|
|
|
2008- 8- 27
|
#19 | ||||||
|
مشرفة سابقة
|
رد: دفعة 2009 كل مايختص بدراسة التمريض
ياااهلا والله ايموووو
اقتباس:
اي حبيبتي اول يومين بتكونون مع بعض طب + تمريض + علوم طبية + عمارة وتخطيط اقتباس:
 طبعاً ممنوع يتكلمون معاكم كلمة وحدة عربي بس ترى يعرفون عربي بس ممنوع يتكلمون او تتكلمين معاهم عربي لازم انجليزي طول الوقت بس لا تخافين ترى شوي شوي تتعودين يعني ماكنت اتخيل اني بيوم بسوولف مع دكتورة غزالة بالأنجليزي :g8: اقتباس:
بالنسبة لأول محاضرة انجليزي حضرتها كانت رايتنغ للدكتورة غزالة ما اخفي عليج كنت خايفة بس والله حسيت بمتعة مابعدها متعة ترى دروس الانجلش حدها حدها ممتعة وحلوووة وراح تحبينها فلاتخافين كل الامور سهلة :g8: واهم شي لاتخلين سالفة الحرج من البنات تسيطر عليج يعني انتي جاية تتعلمين عادي غلطتي مرة مرتين عشر بس بالأخير تتعلمين واهم شي شااركي وتكلمي في كلاس الأنجلش ترى هاذي الطريقة الي تخلي لسانج يتعود على اللغة اقتباس:
الدراسة الصيفية طريقتها انها قبل نهاية السمستر الثاني يعلنون عن عدة مواد تنزل بالصيف ولج الأختيار اما انج تبين تدرسينها او لا على حسب ظروفج في بنات يكونون مثلاً حاملين مادة فتنزل في الصيف ويدرسونها ويفتكون منها وفي بنات يبون يخففون الضغط عليهم في السنة الي بعدها فيدرسون شي بالصيف بالنسبة للمواد الادارة اهي الي تحددهم وهم بعد انه مثلاً لو عدد كبير كان حامل الكمستري يقدرون هالبنات يرفعون خطاب يوقعون فيه ويكتبون اساميهم بمطالبتهم بنزول الكمستري في الصيف علشان يفتكووون ويقدمون هالخطاب للادارة ويجي الخبر بعد فترة بسيطة طبعاً في لوحة الاعلانات بيعلقون اسماء المواد الي بتنزل وارقام السي آر ان حقينها ووقت تسجيلها في نظام البنر وهالشي انتي مخيرة فيه على حسب ظروفج اقتباس:
بالنسبة للسواق بالفعل لازم بطاقة له تسوينها في اقرب فرصة اهي عبارة عن ورقة راح يعطونكم اياها تقريباً اول يوم في حفل المستجدات يعبيها ولي امرج الله يحفظه ويرفقها بصورة له وصورة للسائق اربعة في ستة وصورة من بطاقة الأحوال للسائق بعدين يسلمها ولي الامر لمكتب الامن والسلامة الي في الجامعة قسم الرجال بس يسلمها بعدين انتي تستلمينها من مكتب الامن والسلامة قسم النساء وتكووون في شنطتج كـــــــل يوم وماتنسينها لأنه احيانا يفتشون عليها عند البوابة الرئيسية اقتباس:
|
||||||
|
|
|
2008- 8- 27
|
#20 | ||
|
مشرفة سابقة
|
رد: دفعة 2009 كل مايختص بدراسة التمريض
ياهلا فلاااور
اقتباس:
تفضلي هالرابط موضوع للأخت الهوجاس وفيه كل مايختص بارامكو http://www.ckfu.org/vb/showthread.php?t=12483 اقتباس:
بالنسبة للاب توب السمستر الأول ماراح تحتاجينه بس راح تحتاجينه في السمستر الثاني في مادة الأنفورمتك واي سؤال ثاني تفضلي
|
||
|
|
|
| مواقع النشر (المفضلة) |
| الكلمات الدلالية (Tags) |
| 2009, مايختص, التمريض, بدراسة, دفعة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التمريض عبر العصور | زهرة الربيع | ملتقى طلاب وطالبات الكليات الصحية - جامعة الإمام عبدالرحمن | 9 | 2009- 9- 10 07:30 PM |
| الى احلى طالبات .. نصائح لكل طالبات التمريض | طالبة مجتهدة | ملتقى طلاب وطالبات الكليات الصحية - جامعة الإمام عبدالرحمن | 5 | 2009- 1- 7 04:24 PM |
| التمريض يكافح «البطالة» بتوفير 90 ألف وظيفة «نسائية» في السعودية | ★ NiGhT AnGeL ★ | ملتقى طلاب وطالبات الكليات الصحية - جامعة الإمام عبدالرحمن | 2 | 2008- 6- 3 04:15 PM |
| 22٪ نسبة التمريض في مجال القوى العاملة السعودية بالمملكة | بـــو أحــمــد | ملتقى طلاب وطالبات الكليات الصحية - جامعة الإمام عبدالرحمن | 5 | 2007- 8- 19 11:39 PM |
| مسؤوليات ممارسين مهنة التمريض | زهرة الربيع | ملتقى طلاب وطالبات الكليات الصحية - جامعة الإمام عبدالرحمن | 7 | 2007- 4- 29 02:04 PM |
