ماتستحقون تقعدون بـ جامعه الملك فيصل ..!

[Hona]

المشاركة الأصلية كتبت بواسطة عبدالله سليمان

أسلوبك سيء جداً ....وليس كل الطلاب يشتكون من الدرجات ..وليس كل الطلاب يقارنون ...ومن يشتكي فهو حر في نفسه مادام لم يتجاوز حده ..

مرة أخرى موضوع سيء وأسلوب أسوأ وتهور واضح و انفعال في غير محله ....

انفعال وتهور بسبب السخافه اللي تنكتب على المكان اللي ضافكم..

[تخطيت السحاب]

السلام عليكم
ياناس وش فيكم على بعض

هذا معارض وهذا مؤيد

لا الله الا الله

عطونا مواضيع تفيدنا
من مواضيع اجتماعية او ثقافية او دينية

اتركونا من هالسوالف

[Hona]

المشاركة الأصلية كتبت بواسطة عبدالرحمن 20

ليه مانستحق ان ندرس بجامعه الملك فيصل من شاف كلامك قال ندرس على حسابهم
هدي شوي وريحي مخك من بعض التفكير
بعض كلامك فيه شي من الصحه صح مستعجلين بعضنا يبي يسافر والبعض الاخر يبي يرتاح من هم النتائج لان بالجامعات الاخرى نتائجهم من الاسبوع الي مضى وهي طالعه زي جامعه الامام وجامعه الملك عبدالعزيز
ودمتي بصحه جيده

طيب احد ماسكم لاتسافرون سافروا الله يسهل عليكم وانبسطوا يعني اذا قعدت بتغير النتيجه روحوا الله يسهل دروبكم يعني اتوقع النت بكل مكان..

مشكور..

[Hona]

المشاركة الأصلية كتبت بواسطة تخطيت السحاب

السلام عليكم
ياناس وش فيكم على بعض

هذا معارض وهذا مؤيد

لا الله الا الله

عطونا مواضيع تفيدنا
من مواضيع اجتماعية او ثقافية او دينية

اتركونا من هالسوالف

عليك نور وهذا اللي محتاجينه ..

[صمت الوجود]

صراحه الجامعه ماعليها كلام رايتها بيضا

بس عيبه تأخير النتائج اتمنى السنوات القادمه يتداركون هذا الامر والاستعجال فيه

وبتوفيق للجميع

[نونةالحنونة]

ليش كل هالعصبية



وش دعوة





هدي هدي ,, كلن يعمل باصله و تربيته

اللي بيسب و اللي بيغلط ماا يغلط الا على نفسه

اماا سالفة الدرجااات ترااهاا جد مااااااصخة


الموضوع مو موضوع تأخرواا لاااااااااااااااااااااااااااااا

الموضوع ان ماا في اي بلااغ رسمي من الاداارة بموعد النتايج



و هناا الغلط





كل وااحد دخل قاال بكرا و الا بعد اسبوع و لا بعد 14 يومممممممممم ..............؟

هل هذاا يجوز




و ربي العيب مو فيهم


العيب ان الادراارة ماا حددت يوم تنزل فيه الدرجاات حتى الكمل يتطمن





و الله

و الله

لو ان الاداارة قاالت ان النتاايج بعد 3 اساابيع مثلاا

التوتر رااح يقل بنسبة كبيررررررررررة جداا

و ساالفة الموااضيع اللي تشتت الطاالب بتقل بنسبة عاالية





علشاان كذاا الطلااب فاايرين و متوترين

[عبدالله سليمان]

المشاركة الأصلية كتبت بواسطة hona

انفعال وتهور بسبب السخافه اللي تنكتب على المكان اللي ضافكم..

بأي صفة تخاطبين البشر بهذه الطريقة ؟؟

المنتدى فيه مشرفين يعرفون واجبهم جيداً ..

والجامعة ندرس فيها وكما نحن نفتخر بها هي أيضاً كذلك ولا تنسي أن دراستنا بمقابل ..

نقدر المجهود الذي يبذل ونطالب بالتطوير ..

ولكي أوضح أكثر : أنا لم أكتب أي موضوع تذمر بل ليس لي أي موضوع ...مع أني لست راضياً عن بعض الأمور مثلي مثل بقية الطلاب ولكن هناك من يستطيع أن يكتم بداخله ويتبع المثل : دع الخلق للخالق وهناك من يكتب وقت غضب ويعبر عما في داخله وهذا شيء طبيعي جداً ومقبول وفيه من يراقب المنتدى ويعرف ما الذي يجب أن يبقى والذي يجب أن يحذف ..

أنتِ بإسلوبك هذا كأنك تقولين : أنا الوحيدة التي أحب الجامعة وأحترمها وأنا الوحيدة المميزة والبقية مجرد متذمرين و لا يملاً عيونهم إلا التراب .!!

بالله هذا أسلوب أنثى وجامعية ؟؟؟ انصحي أو اطرحي فكرتك بهدوء حتى يتم قبولها ..أما بهذا الأسلوب فإننا نرفضه رفضاً تاماً ولا يليق بنا ..

ليس من عادتي الدخول في مهاترات أو تبادل الردود ولكن الحق حق ..أسلوبك غلط في غلط ..وكما طرحتي رأيك فيجب أن تتقبلي آراء الآخرين ..

[1من الناس]

المشاركة الأصلية كتبت بواسطة Hona

لانكم ناس ماتنعطى وجه,,ولايملي عينكم الا تراب....

شعنده عبدالله النجار



يا ماما عيب الكلام كذا احتفظي برايك لنفسك والثلاثين درجه ماعطوكي اياها اخذتيها من المشاركه وتحميل المحاضرات وحلول الواجبات بلا دلاخه زايده



وجع ابوي

[امجاد الاحمد]

الظآهر الي يسبون مآ شآفو جآمعةة الملك عبدالعزيز

وقسم آن تبسون يدينكم وجه وظهر

يكفي لو جيت تختبر مآ تدفع فلوس .

بجآمعةة الملك عبدالعزيز آدفع 1000 ريآل تختبر بمدينتك

ولا تجي للجآمعه



وبالتوفيق لكم ولي ..

[رويّمم]

اتمنى ما تجمعين مره ثانيه

واللي مقهور لانه تعرض لشي من الجامعه بسبب الاخطاء اللي تصير من النظام
واللي تكلم تكلم يقول اللي يبيه هو يبي يفضفض بس

وانا ما تعرضت لا لظلم ولا شي الحمدلله بس الواحد لازم يقول وش صار له عشان غيره يفيده بس غلطه انه ماقدر يوصل الموضوع بالصوره المطلوبه

وانتي عميتي وتكلمتي ولا قدرتي توصلين الموضوع بالصوره المطلوبه
يعني غلطهم نفس غلطك بالضبط

انتي تدافعين عن جامعة فيصل
لكنك جرحتي كل طلابهاا واهنتيهم بكلامك

سؤالي الحين انتي تقدرين تعتذرين لهم ولا لا ؟؟

هدي وروقي وراجعي كلامك
لان اللي كتبتيه غلط ولا وصل بالصوره المطلوبه والكل بيفهمه بطريقه يمكن غلط مثلي انا

اتمنى الرد يكون بأسلوب نفس اسلوب طرحي

موفقه لكل الخير