إلى جميع الطالبات اتمنى المشاركة معنا وطرح ارائهم

[ام سوني]

وعليكم السلام والرحمه


كلية الاداب بالدمام

1/ التعامل غير المحترم مع الطالبات لدرجة تصل إلى الإستحقار و الإهانة من قِبل بعض الدكاترة و الإداريات و الموظفات .

كثير ومنها كنت مع خويتي وكانت تسال عن شغله وجالسه تصارخ قالت لها خويتي انا اكلمك بكل احترام ومايحق لك تتكلمين معي بهالاسلوب >>> وحتى هالكلام قالته بكل احترام وهدؤ وقامت تصارخ قدام الطالبات وانتي مو ... وكلام ابدا مايلق بالمكان الي احنا فيه ..

ومره رحت شؤن الطالبات عشان اسال عن شغله وجت بنت تسال عن شغله وانا كنت موجوده وراحت تصارخ ع الطالبه وطردتها ؟؟؟ انا انصدمت ليش هيك بس لان خشت وفي طالبه موجوده .. مو الغرفه فيها 3 مكاتب ؟؟

يااخ ازرق الاستحقار بالطالبات والاهانه مو بس من قِبل الدكاترة والاداريات بل حتى من ناس مدري بصراحة وش اسمهم الوظيفي وحتى اثبتلك .. انا شخصيا صار لي موقف مع وحدة مكتبها دايم يكون عند المناولة وهي اساسا مرة كبيرة بس مو مرة وحتى ماتلبس مثل لبس الموظفات (اقصد تنور وبلوزة ) لأ تلبس الجلابيات ( اطن انو زظيفتها زي المراسلة او شي زي كذا )
المهم الغرفة اللي هي فيها هو مكان تسليم الابحاث للدكاترة "الرجال" واذا حبت الطالبة تكلم الدكتور عن اي شي بالمادة اللي يدرسها هناك فيه تلفون تكلم منه .. تفاجأت لما رحت ابغى اكلّم الدكتور منعتني .. اقولها امتحاني بكرة ابغى استفسر عن بعض الاشياء عيّت قالت لي اذا تبين تكلمين روحي كلمي من جوالك ..

نفس الشي صار مع بنت خالي كنت تبغى تتكلم معه عن بحث تخرج ولما رحنا نشتكي لوحده ورجعنا لها جلست تكذبنا ..ايش بنستفيد انه نكذب عليه لانعرفها ولا شي ..؟؟

عدم إفادة الطالبات بما يحتجن من معلومات بسبب التخبط الموجود لدى الموظفات و الإداريات وعدم إفادتهم إفاده كاملة وصحيحة وايضا عدم الإستماع لهم احيانا والتذمر ايضا من اسئلة الطالبات عند الحاجة.

اختبار النحو والصرف انا متاكده من اجابات وعارفه انه ناجحه فيها .. سالت عن التظلم وصرت جايه رايحه ومالقيت جواب ولا رفعت

وحملت ماده انا متاكده لو رجعت ورقتي تصلحت ناجحه فيها ..

4/ بعض موظفات الأمن بحاجة إلى دورات في فن التعامل مع الأخريات ، كما لديهن تقصير في حفظ الأمن في أقسام الطالبات بالإضافة الى التفرقه بين الطالبات بحسب عائلتها او من تكون هذه الفتاه ،

وحده من الامن تعرف وحده من زميلاتي والضوء دايم اخضر لنا !!!!

5/ لايوجد نظافة صحية بالكافتيريا ، بالإضافة إلى أن الموظفات العاملات بالكافتيريا لا يلتزمن بأبسط معايير النظافة ، و بعضهم يتعاملن مع الطالبات بطريقة غير لائقة . و التسعيرات بالكافتيريا مبالغ فيها.

النظافه مافيه وجد استخدم معقم مو مبالغه .. والطاولات دايم مليانه حتى لو مافيه احد يعني انظف مكاني قبل مااجلس ..

التسعيرات اي بجد غاليه ..

[الصدقية]

وش هالموضوع الزين

حسافه يوم بنتخرج عاد

اولا بالنسبة لتعامل الاستاذات مع الطالبات .. الاغلبيه زفت في زفت.. يعني تبي تحلل شهادتها على حسابنا يا الضعوف!
الغبنة انهم الحين يتعاملون معي باسم عايلتي .. قبل ما كانوا يعرفونها فما يعطوني ذاك الاهتمام .. بعد ما عرفوها الدكتوره بس تدور رضاي .. مو عشان سواد عيوني طبعا بس خايفه وماادري من ايش خايفه

اتذكر دكتورة رياضيات بالدمام كانت وكيلة شؤون الطالبات.. واذا احد يبي يدخل عليها.. تأشر بيدها تقول ستووب انتي مريتي على سكرتيرتي اول؟ خير يا الحبيبه كلكم بغرفه وحده ! واذا عرفت ان الطالبة جاية عشان مادتها اللي تدرسها تصرفها باقوى تصريفه عندها ووتنقع الطالبة بره بعدها تهج للبيت!!!! لكن اذا كانت الطالبة جايه عشان امر يخص بطاقه او توقيع لورقه.. تقعد وتقول آمري يا حبيبتي !! وما اكذب عليكم اذا قلت نسبة رسوب الطالبات عندها كثير كثير وبدون سبب.. خاصة انها كانت تنزل درجات الطالبات الشهرية في الاختبارات النهائيه عشان ما احد يجي يناقشها!!

بعض الدكتورات اذا انتي علاقتك معها سمن على عسل .. تزيدك كم درجة عشان العلاقه الحلوه اللي معها ..علاقتك معها مش لهناك احمدي ربك انك ما نقصتي زياده

موضوع استخدام الجوالات و مشغلات الام بي ثري في الكليات!! ودي اعرف ليه ممنوع؟! وحده طفشانه وماعندها محاضرات تقعد تطالع بالرايحه و الجايه بس؟! طيب هي تبي تمشي وقتها وتسمع اي شي بالجوال ! بكيفها ! ليه التسلط؟! الجوال او الجهاز ينسحب منها على اي اساس؟
يعني هل فيه شي يوسع الصدر بالكليه مثل اي نشاطات او حتى مكتبة فيها احدث الكتب او المجلات العلمية او الثقافيه اللي تنزل بالسوق عشان نروح ونقرا؟ او خدمة الانترنت المتوفرة في المكتبة عشان نتصفح مثلا ؟ او نشاطات لرحلات خارجية مثلا؟ او شي غير المصلى اللي مو كل طالبة لها اهتمامات بالمصلى؟ وش تبونا نسوي؟ نضطر نسمع الراديو او نسمع اي شي من الجوال والمشغلات!! ولا سألنا الامن او الشؤون الاجتماعيه ليه طيب ماخذين الجوال؟ مافيه كاميرا عشان تاخذونه!!!
تتعذر لي باشياء تاافهه.. تقول ممنوع؟؟ طيب وش السبب؟ ليه معصبه كذا وماخذه الجوال .. مافيه سبب!!!
واذا كان السبب ان الطالبه تسمع اغاني مثلا :hahaha_2008: فما لكم دخل هذا شي بينها وبين ربها.. وحسن الظن مطلوب يمكن اسمع اناشيد يمكن اسمع راديو يمكن اسمع مقاطع تضحك او اشوف فيديو يضحك على الاقل امشي الوقت البايخ اللي بدون فايده بالكليه واتذكر وحده خذت جوال بنت حاطه سماعات باذنها تقول مييين تكلمين؟ تقول ما اكلم احد والله.. تقول الا الا مين؟ يعني ماادري وش تقصد تغازل مثلا؟ وهي القويه اللي كفشت العمليه قبل لا البنت ينلعب عليها مثلا؟ هههه

نزل نظام جديد بالكلية (هذي بكلية التربيه العلمية بالحسا) ان الالوان كلها مسموحة وجزاهم الله خير على هالنظام.. لكن عندنا حقت الشؤون الاجتماعية نعيمه مو عاجبها الوضع!! طبعا هي من زمان مو عاجبها اي قرار يختص باللبس او بالجوالات وتبي الطالبه تنحكر وتصير حزينة عشان ترضى اختنا بالله تمسك اي طالبه تلبس ملون.. تقول ليه البلوزه مخططه؟ ليه مشجره؟امم ليه الوانها فاقعه؟ طيب الحين انتي وش تبين خلاص نزل القرار ان كل شي مسموح :c8: تقول لااااا بس الالوان الغامقه وتكون ساده والبلوزه فيها ياقه غامقه بعز الصيف و الحر؟؟! لا وتقول ايه بعد والمشكله مافيه قرار يقول البسوا غامق ولا اي شي من هذرتها الفاضيه!! بس مقهوره عشان كل شي صار مسموح و موعاجبها ان عميدتنا الله يجزاها خير (الدكتوره اعتدال الله يوفقها وين ماتروح) راضيه علينا وبالقرارات الحكيمه اللي تصدرها بالكليه

رفع التظلم بالكلية.. والله العظيم صارت مشكلة بالكلية وحده رافعه تظلم على دكتور . نتيجة التظلم طلعت بعد ثلاث سنين؟؟ والله العظيييييم .. قسم بالله قهر قهر قهر لكن لا حول ولا قوة الا بالله العظيم وحسبي الله ونعم الوكيل في كل من تسبب الطالبات وظلمهم .. ويشوفونها بانفسهم يارب يارب يارب

عموما انا اتكلم نيابة عني وعن اختي .. وحده بالدمام ووحده بالحسا

[مقطع حق]

اعوذ بالله حشى ماهي بصروح جامعية جعلت للتعلم

بل هي اشبة بأبو غريب

كلية أبو غريب

نسأل الله السلامة وأطمئنوا نحن على اجر انشالله

[رنـد]

السلام عليكم

يعطيك العافية اخوي أزرق في أمريكـا فعلا موضوع يستحق الطرح والمناقشة وأنا عن نفسي ماادري كيف احنا صابرين على هالوضع
ومن كل قلبي اتمنى ان احد المسؤؤلين يشوف حل لنا ..

1/ التعامل غير المحترم مع الطالبات لدرجة تصل إلى الإستحقار و الإهانة من قِبل بعض الدكاترة و الإداريات و الموظفات .
هذي القضية مرا احس تجيب اوم الحالات النفسية يعني تكلمين دكتورة كأنك تكلمين جدار واللي يقهرك انك ماتستعبطين او تجيبين شي تافه ومايسوى عشان تقولين الحق معها ..واذا سالتي سؤال وغيرك سالها نفس السؤال علما باان هذيك سالت بيوم الاحد وانا مثلا بيوم الاربعاء تجيك اسطوانة تهزيئة محترمة ( هو أنا حشتغلوكو اجاوب على نفس السؤال ده ) ولالك امل تجيك اجابة >> تحطيييم

2/ عدم إفادة الطالبات بما يحتجن من معلومات بسبب التخبط الموجود لدى الموظفات و الإداريات وعدم إفادتهم إفاده كاملة وصحيحة وايضا عدم الإستماع لهم احيانا والتذمر ايضا من اسئلة الطالبات عند الحاجة
فيه وفيه ييعني اوقات واوقات لابد يكون فيه شخص ع الاقل تبرد القلب منهم ..

3/ مشكلة ترسيب الكثير من الطالبات .

قهر قهر قهر ومااقول غير حسبي الله ونعم الوكيل

4/ بعض موظفات الأمن بحاجة إلى دورات في فن التعامل مع الأخريات ، كما لديهن تقصير في حفظ الأمن في أقسام الطالبات بالإضافة الى التفرقه بين الطالبات بحسب عائلتها او من تكون هذه الفتاه ،
حاميها حراميها :t1:

5/ لايوجد نظافة صحية بالكافتيريا ، بالإضافة إلى أن الموظفات العاملات بالكافتيريا لا يلتزمن بأبسط معايير النظافة ، و بعضهم يتعاملن مع الطالبات بطريقة غير لائقة . و التسعيرات بالكافتيريا مبالغ فيها.
تصير والله حالات تسمم والاكل مو فرش يعني اكيد هذا السبب

6/ مشكلة التكييف وعدم توفير الاجواء المناسبة بالكليات وخاصة بفصل الصيف .

لا الحمدلله كليتنا تكييفها اوك ومانعاني من هالمشكلة ..


مرة ثانية اشكرك ع الطرح وان شاء الله تكون فيه نتيجة حلووة

[Pink princess]

السلام عليكم

اشكرك اخي الكريم على دعوتك لي هذا الموضوع أنا كنت طالبه من طالبات قسم اللغه الانجليزيه في الكليه الادبيه في منطقة الاحساء وهو الاكثر ظلما بين جميع الاقسام
3/ مشكلة ترسيب الكثير من الطالبات .
في العام الماضي جاءت رئيسة قسم وبسبب تعاونها مع عميدة الكليه الذي لا سلطة لها على جميع الاقسام فكانت عميدة الكليه تعتمد اعتامد كليا على رئيسه قسم اللغة الانجليزيه الذي تفرض رايها على جميع الاقسام وكانها هي العميده هنا قامت بترسيب أكثر من نصف القاعه في كل فرقه وخاصة فرقتنا نجحوا فقط 30 طالبه وعندما ترى رئيسه القسم دموعهن تضحك وتستهزء بهن مع الاغلبيه كن ممتازات و أسمائهن معروفه لدى الدكاتره لدرجة اصيب بعض الدكاتره بصدمه كبيره عندما يرون
احدى الطالبات اللميزات سوف يعيدون السمستر بسس ظلم وجبروت هذه الاستاذه وانا على يقين ان كل من يقوم بقراءت كلامي سوف يعرف من اقصد وسوف اذاكر هذه الحادثه الاليمه لبعض صديقاتي :
من قبل شهور بسيطه اختبرت الماده المحموله لهذه الاستاذه وكتبت كل ما تعرفه وتفاجئت عند الاستلام النتيجه بانها رسبت في مادة اللغويات مر اخرى فعندما سالتها عن سبب ذاك قالت الاستاذه وبكل وقاحه : لقد سلمتي الورقه خاليه ولا توجد ولا حرف
وصديقتي اقسمت لها بالقران بانها اجابت على جميع الاسئله لانها كانت سهله ( فما رايكم باسلوب هذه الاستاذه)
وكانت كل مره تكذب علينا لدرجة وصفوها البنات بأنها تعاني من حاله نفسيه مزمنه وحتى الدكاتره رجعوا الى بلادهم بسبب ظلمها على الكل


5/ لايوجد نظافة صحية بالكافتيريا ، بالإضافة إلى أن الموظفات العاملات بالكافتيريا لا يلتزمن بأبسط معايير النظافة ، و بعضهم يتعاملن مع الطالبات بطريقة غير لائقة . و التسعيرات بالكافتيريا مبالغ فيها.

فعلا لا نظافه وياتون بكميه قليله جدا من الوجبات لدرجه تكفي يمكن لربع طالبات الكليه , والمشكله الكبيره التي نعانيها هم اغلاق بوابه الكافتيريا بمعنى تدخل مجموعه والاخريات واقفات على الباب ينتظرن دورهن وخاصه المسؤله على الكليه تعاملها سيء جداجدا معنا والاسعار غاليه جدا لدرجة بعضهن يقومون بأحضار بعض الاطباق من منازلهن فيقومون المسؤلات بكتابت تعهد لهن خوفا من خسارت الكافتيريا وهذا بدلا من ان يزيدون الكميه ( بصراحه لا احساس لديهن )

تحياتي لقد اشفيت غليلي

[أنثى فآرغه]

~

ما أقدر أقو لإلا

حسبي الله ونعم الوكيل :011:

ولاّ وش اللي يفرقنا حنا يالكليات العلميه عن جامعة الفيصل

مع إن الآن انضمت للفيصل

بس للأسف حناا مثل الزبااالة

وهو مبسوطين بالتكييف والخدمة

,

حسبي الله ونعم الوكيل

حسبي الله ونعم الوكيل

حسبي الله ونعم الكيل



~

[عذبة المشاعر]

1/ التعامل غير المحترم مع الطالبات لدرجة تصل إلى الإستحقار و الإهانة من قِبل بعض الدكاترة و الإداريات و الموظفات .

اي والله وبشكل كبير يطااالعونا ويصرخوون عليناا كاننااا شي مقزز مو طالباات جايين نتعلم ننهاان بدل المره عشره وبصرااحه

هالشي كذاا مره تكلمناا فيه بس مافي تغيير ومره من المراات اشتكيت وسوت لهم المسؤله سالفه بعدهاا حطو علي وقاامو يغيبوني وكل ماشاافوني يصرخوون علي قداام الطالباات وخااصه الامن اسلوبهم مره مو حلو يهزئوون ويسبوون بشكل مو اخلاقي

اتمنى قبل يقولون لنا انتو طالباات جامعه سووو بحووث عدله يحسسونا اننا بجامعه بتعااملهم واحترامهم للمكاان والحرم الجاامعي

2/ عدم إفادة الطالبات بما يحتجن من معلومات بسبب التخبط الموجود لدى الموظفات و الإداريات وعدم إفادتهم إفاده كاملة وصحيحة وايضا عدم الإستماع لهم احيانا والتذمر ايضا من اسئلة الطالبات عند الحاجة.

هذاا الشي بالذاات ياما ويااما نوقف وسط مكااتبهم ونصاارخ لمنو نشكي لمنو نسأل كل ماراحناا لوحده قالت مااعرف شوفو غيري

وكلهم مايدرون وين ربي حااطهم
3/ مشكلة ترسيب الكثير من الطالبات .


ايه وربي نحل ولافي فاايده واشتكيناا رفعناا تظلم ولا احد يسمع طيب ليش ندرس ونتعب وبالاخر دكتور غريب ينجح بكيفه ويرسب بكيفه مو على المجهوود
4/ بعض موظفات الأمن بحاجة إلى دورات في فن التعامل مع الأخريات ، كما لديهن تقصير في حفظ الأمن في أقسام الطالبات بالإضافة الى التفرقه بين الطالبات بحسب عائلتها او من تكون هذه الفتاه ،

وبشكل كبير اسلوبهم مره شين :103:


5/ لايوجد نظافة صحية بالكافتيريا ، بالإضافة إلى أن الموظفات العاملات بالكافتيريا لا يلتزمن بأبسط معايير النظافة ، و بعضهم يتعاملن مع الطالبات بطريقة غير لائقة . و التسعيرات بالكافتيريا مبالغ فيها.


هاااذا الشي اللي مخليني فوق الشهر ماافطر نصهم وصخ واكلهم قديم وياابس بداال مايشبع يسد النفس استغفر الله

6/ مشكلة التكييف وعدم توفير الاجواء المناسبة بالكليات وخاصة بفصل الصيف .


مشكله التكييف مشكله مالهاا حل طوول ماهم حتى النص كم منعووه يعني تخيلوو كم طوويل وحر الله على ريحه اللي تطلع من القسم قسم بالله نكره نروح الجاامعه والسبب ريحه اللي بالممرات وخااصه انهم مافي تنظيف للحمامات وبعد حر :no2:

[Arnda]

انا واجهتني هالمشاكل وبسسبهاا سحبت ملفي من الكليه
/
اولها مايعطون وجه ابداً ولا يفيدونك بحاجه ومايحترومون كلش
لما بدت السنه عطونا مهلة للتحويل صارت ناس تلقى لها وناس لأ ... والقهر اني لما كنت بحول معهم
قالو ان لسه مابعد يبتدي على اسبوع الجاي وعلى العلم ان كل يومين اروح اشيك
ولما جا الاسبوع الموعود قالت لي ياحبيبتي التحويل خلص من ذاك الاسبوع واحين مافي
تبين والا اسحبي ملفك

وهذا غير التنظيم اللي وش اقول عنه .. وامووور تبط الجبد

[Arnda]

وابي اعرف يعني هذا راح يغير شي !!

ياليت يوصل لهم كلامناآ يمكن تتغير حاجـــات

[أم العنود]

التعامل غير المحترم مع الطالبات لدرجة تصل إلى الإستحقار و الإهانة من قِبل بعض الدكاترة و الإداريات و الموظفات .
بعض وهم القليل والكثير منهم محترم

2/ عدم إفادة الطالبات بما يحتجن من معلومات بسبب التخبط الموجود لدى الموظفات و الإداريات وعدم إفادتهم إفاده كاملة وصحيحة وايضا عدم الإستماع لهم احيانا والتذمر ايضا من اسئلة الطالبات عند الحاجة.
هذي ممكن موجوده
3/ مشكلة ترسيب الكثير من الطالبات . اوووووووووووووووووووووووووه ردد ياليل مااطولك لامحال
ولكن القليل فنحن العلميه دكاترتنا يصححوا وبضمير في الشهري لكن نهائي بعضهم اي وبعض لا

4/ بعض موظفات الأمن بحاجة إلى دورات في فن التعامل مع الأخريات ، كما لديهن تقصير في حفظ الأمن في أقسام الطالبات بالإضافة الى التفرقه بين الطالبات بحسب عائلتها او من تكون هذه الفتاه ،
اي صحيح الواااااااسطااااااااااات والاهل فووووووووووق
5/ لايوجد نظافة صحية بالكافتيريا ، بالإضافة إلى أن الموظفات العاملات بالكافتيريا لا يلتزمن بأبسط معايير النظافة ، و بعضهم يتعاملن مع الطالبات بطريقة غير لائقة . و التسعيرات بالكافتيريا مبالغ فيها. الادب والنظافه مافيهم شي
لكل الاسعار مبالغ بها بكثير


6/ مشكلة التكييف وعدم توفير الاجواء المناسبة بالكليات وخاصة بفصل الصيف .
تعبنا وحنا نتكلم لاحياة لمن تنادي
جاتنا امراض من الحر ......
ياحظكم يابنات الادبيه خلاص كليه جديده