اكتب أقــوى بيت شعر مر عليك في حياتك ,,

[اميره في دنيتي]

حفراويه كلها دلع سوووري ادري حطيت كذا بيت

بس كل شوي القى بيت قوي ويجنن ،،

[مشعل العنزي]

"
"

لا تحسبن دمعي يبل المناديل *** لا واللذي منعم عليك بنعيمه

إن رحت عني جعل دربك تساهيل *** وإن جيتني غالي وقدر وحشيمه

طبعي كذا ماركض خلاف الاقاويل *** وحسيبنا محيي العظام الرميمه

[اميره في دنيتي]

ابيه وما ابيه ولايغيب بكل حزاتي
احبه واكرهه مدري!

ليامن غاب عن عيني افكر فيه واحاتي
واذا عندي يضايقني كلامه واكره اسكاته

ماغيب الا لضروره.. واختصر بالحيل غيباتي
وهو لاغاب احسب بالثواني طول غيباته

مابي شوفه وابي قربه ولا ابغا اجيه او يأتي
واراقب كني الجاسوس روحاته وجياته

[مشعل العنزي]

*
*

ابغيـك وابيـك وابــاك وابـغـاك *** جمّعتهـا لرضـاك واختـار فيها

شف ويش منها يتبع احكاك ورضـاك *** واللي لك اسقي مسمعـك لا ضميها

غديت (افر)احكـاي واسايـر احكـاك *** وانـا تشّـرف لكنتـي واهتويها

مضمونهـا ودي بشوفتـك واهـواك *** ياللي دروب اهل الردى مـا تجيها

[اميره في دنيتي]

ياااااااارب !!! إن عظمت ذنوبي كثرة فلقد علمت بأن عفوك أعظم..
إن كان لا يرجوك إلا محسن .. فبمن يلوذ ويستجير المجررررررررم ....

[مشعل العنزي]

"
"

لا تغرك الضحكه ترا كلي احزان *** لو تضحك عيوني ترى كلي جروح

اخفي ورا عيوني من الدمع هتان *** ومن خلف صمتي اخفي الهم والبوح

ازعل اليا شفتك من الوقت زعلان *** ازعل الدنيا وابادلك بمزوح

عقب الوفا بدلت حبي بنكران *** لو تعتذر ما قلت للعذر مسموح

لا ترتجي قلب له جرحته بهجران *** اصعب عليك اليوم من طلعت الروح

وفر كلامك حان وقت الجفا حان *** بهدي لك الفرقا واسلمك للنوح

[اميره في دنيتي]

نفسي عزيزة ما تطيق المخاشير = ما اطيق حب لي معي فيه مخلوق
لاتروح بعيد والواقع امامك = لو لمست القلب صافحت المشاعر

[مشعل العنزي]

"
"

أغليه يعني اعشقه اعشقه يعني اموت فيه *** يعني انا ميت ما اعشقه ومرتبة الشرف

ميت ويعشق والسبب مافي داعي ان احكيه *** الغيد في الدنيا هو وهو الحاله محترف

[اميره في دنيتي]

من هو حبيبك غايتي بس اهنيه == علي حسن حظه عـ شانك حبيبه

انا اشهد ان الله يحبه و معطيه == اللي هداك الرب تصبح نصيبه

[مشعل العنزي]

&
&

يا روحي أحيا بك و حنّا غريبين=ما نيب أشوفك و انت يا روح ذاتي

في داخلي و أشكي معك لوعة البين=بعيد عني وانت نبضة حياتي

يا لحظتي لو الزمن بيننا سنين=و يا منوتي لو ما حصل مناتي