تصويت ضد المحاضرات المباشره و منتديات الحوار لعدم فعاليتها

[الضاحكة]

القرار من مصلحة الجميييييييع

و يهون سالفه المحاضرات المباشرة لانه ينزلونه وتقدرين تشوفينه مسجل

بس اللي يرفع الضغط فعلاً منتدى الحوار مدري وش يبي منا ؟

والبناااات ماغير ينزلون مواضيع والله انه مكرره عشرات المرات:tj4:

و اسئله قديييييمه مثل الاسئلة الاختبار اختياري ولا تعاريف ؟ خخخخخ قسم احس الدكاترة بينجلطون من

هاللي يصير وكل يوم على هالحالة مكرر مكرر

ولا اللي تنزل نفس الموضوع بكل منتديات المواد الخمسه وش تحس فيه ؟:D:mh515:

:)

[أم ليــــان]

المحاضرات المباشره فقدت قيمتها بسببنا احنا

كل ماكانت اسئلتنا للدكتور وقت المحاضره ذات قيمه كل مااثرت المحاضره

لكن يكلمونه 3 او 4 كلهم يدورون حول نفسس الموضوع وجوابه قبل لا يقوله الدكتور موجود بكل منتدى

اما منتدى الحوار انا بعد ماحبيته بس وش نسوي وبالذات عاد عقب نظام ال 30

صار حووسه كلن بيدخل ويحط موضوع حتى لو ماعنده سالفه

[A L S h o u q]

والله انا ضد التصويت ع هالنظام ..
الا بخصوص منتدى الحوار اللي مال امه الداعي حتى الدكاتره فالبدايه متحمسين ويردون
ومن طلع النظام اختفو من كثر الاسئله المكرره ..

يعني لو يحطونها ع الواجب ابرك لهم من يحطونها ع الحوار وربك يعين ..

[الطالبة المعذبة]

معذورة خيتو ومابين الاخوات أعتذر لبى قلبك ,,,, هذا أن ذل ذل على طيب أصلك
وانا كمان أسفة وهذة لك :m29asmilies-com:

[SHrGaWyh]

ولو فيه احد يصوت ضد مصلحته ؟؟

انا وحده اول ماعرفت الخبر انصدمت بس بعدها بدقايق انبسطت لانه من مصلحتنا انا قبل القرار كنت خايفة من اختبار ال100 درجة لاني اول مره ادخل اختبار زي كذا بس الحين باذن الله بيكون الموضوع اسهل من قبل

[عنقود ماء]

المشاركة الأصلية كتبت بواسطة دٍفٌئ المٍشٌّاعٍر

ويابعدهم لوو تدخلين المحاضره لمده ثااااااااااااااااااانيه وحده بس تعتبرين حاضره "

ومنتدى الحوار لو تدخلينه بس كذا وما تكتبين فيه ولا حرف برضوو تعتبرين حاااضره "

المحاضرات المباشره " لو قدرتي تحضرينها بوقتها حلو "

ولو ماقدرتي تحضرينهاا ياابعدي راح تنزل لك ع البلاك بورد ومن هناك حمليها او شاهديها وبكذا ينحسب لك حضور "

أختي دفئ المشاعر .. متأكدة من هالمعلومة ؟

انا من جد وقتي ما يسمح لي بحضور المحاضرات المباشرة ..

ومنتديات الحوار عندي مشاكل فنية مو قادر اشارك بسببها لا من خلال مواضيع ولا ردود .. ولا حتى اقدر اراسل الإدارة !..



ياليت تفيديني .... مع كل الشكر

[sure]

الطالبه المعذبه فديتك والله

و للجميع اللي رد و ناقشني امنت بالله قسم ما عندي وقت احك راسي

وشورتكم وهدايه الله نشوف اخر الترم ايش بيصير

و بسوي زي ماقلتوا بخش وبس ماني متصفحه ولا كاتبه شي و بعطي اخواتي كل وحده تلف لها لفه

و المحاضرات بفتح عليها واسكر الصوت ما ابغى منهم شرح

اداره - اقتصاد - قانون - يقرون لك الشرايح

مافي غير المحاسبه والرياضيات يدرسون من قلب يستاهلون المتابعه

و المباشره بشغل تسجيلها وانطله

ان مشت الامور تمام خلاص خطه معتمده حتى يجد جديد

و معليش موضوعي كان من ضغط لاني طبقت النظام بضمير الين مليت و تعبت :s9:

[لــوســي]

أنا أصوت ضد منتديات الحواار ..

والله مال أمها داعي .. تضييع وقت فقط ..

أنا رأيي أن يتم منع كتابة المواضيع في المنتدى وتحذف المواضيع السابقه ..

والدكتور بس الي يحط المواضيع وأحنا نشارك بس ..

يحط موضوع مثلا : هنا كل أسئلة الأختبارات ..

هنا كل أسئلة حل الواجبات ..

هنا كل أسئلة الأختبارات ..

3 مواضيع .. للأسئله وهنا يقدرون يستفسرون البنات راحتهم ...

والباقي يكون مواضيع يحطها الدكتور .. أسئلة عن المحاضرات أول بأول ..

وأحنا نجاوب ونشارك معاة ..

هذا مثلا يعني ..

أما زي الفوضى اللي صايره الحين من جد تسد النفس وتضيع الوقت ..

أستفسار .. أستفساار مهم .. سؤال ضروري .. لوسمحت يادكتور .. أرجو الرد .. مهممممم

وكلهم اللي فوق يسألون .. هل نذاكر من الكتاب والا نكتفي بالمحاضرة ..

[بنوتة الشمال]

تعوورون قلبكوم تنااقشوون في موووضع حسموه وخلصووووووو
انااااا المحضارة المباشرة وبلعتهااااء
بس المنتدى الي مال امه دااعي منين تصفح على سخاافاات
ومنين اجبلهووم اسألة واناا معدي اساله من جد سخفيننن

[تفاصيل صغيرة]

انا ادخل المنتدى افتح الصفحة واحددها واحط مقروء
ولا اقرا شي
سخافة سالفة المنتديات اول يومين قعدت مسنترة ادور شي اكتبه .. سؤال اسأله ..جواب ارد فيه على اي سؤال
مالقيت الا حلطمة حريم
حامت كبدي وقسم
انقلب المنتدى صار عالم حواء على غفلة مابقى الا يحطون طبخات
اناااااااا اشجب واستنكر و اعلن اعتراضي و ماسكة العجرا <<< قولي قسم ؟ ترى محد درى عنك :mh01::mh01:

لا جد والله سالفة توزيع الدرجات حلوة بس ليت النظام يساعد
بصراحة ماعندي ثقة بالكلام اللي يقولونه ادخلي دقيقة وتنحسب لك حضور والا تصفحي وتنحسب لك
ادري بنصدقها وبنتفاجأ اخر الترم من 30 درجة اذا خذنا عشرة الواجب زين
هذا اذا عرفنا طريقة ارسال الواجب و نفذناها بشكل صحيح والا بعد عشرة الواجب مايندرى عنها
والباقي يمكن درجة والا درجتين في حال كان النظام سليم 100% و يسجل فعلا النقاط وطبعا اشك فيها والله
حتى اللي يشاركون يمكن حظهم شين يحطون مشاركاتهم بالمنتدى و النظام فيه مشكلة مايسجل وراح تعبهم على الفاضي
لو فيه شي بالبلاك بورد ندخل عليه نشوف النقاط المحسوبة حلو
بس ما اظنهم يحطونه عشان محد يعتمد عليه يدخل يشوف وضعه ولا جمع درجاته طنش المشاركة بالمنتدى
او يمكن يشارك ويتعب و يحمل المحاضرات و يحضر المباشر و يلقى نقاطه ناقصة ويسوي لهم قلق
والله مو تشاؤم بس الوضع اللي صاير يخلي الواحد يشك بكل شي
مدري احس الفكرة غبية مالها داعي مع اني مؤيدة لها بشدة في حال كان كل شي مرتب
لكن للأسف الفوضى اللي صايرة ماتطمن لذلك صرت افضل الدرجات تنحط على الواجب ويكون فيه طريقة نعرف ان الدرجة تسجلت و خلاص
حتى لو يزودون الواجبات صح تعب علينا بس كذا اضمن
ولا اني اعتمد على نظام الكتروني مسطل يلعب باعصابي ويضيع تركيزي وانا الاحق بال30 درجة و اضيع الوقت من وقت المذاكرة وتجيني النكبة بالاختبار
مافي دعم فني نقدر نتواصل معاه اذا فيه مشكلة نقدر نحلها قبل مايفوت الأوان
بصراحة قبل طرح هذي الفكر المفروض يأمنون فريق دعم فني 24 ساعة يرد على كل طالب وطالبة عندهم مشكلة بالنظام