هل تقبلين الزوج براتب 1500؟؟؟موضوع لنقاش !!!

[theseapearl]

أنا عن نفسي أشتري رجال ما أشتري مادة ابدآ
اذا كان الرجال صايم مصلي شاريني ليش ما أوافق
بعد ياما ناس اخذوا اغنياء وبعدين تغير الحال
أهم شيء في الحياة الزوجية هي راحة البال
وإذا على الفلوس"""نساعد بعض ونتحمل بعض"""
قال رسول الله صلى الله عليه وآله وسلم""""خذوا فقراء يغنيكم الله""
والمال يروح ويجي ...

:c8:آسفة على الأزعاج
تقبلوا مروري

تحياتي لكم:m22asmilies-com:

[مستغرب]

سأتحدث وبإختصار شديد ..

مسألة ان البنت تقبل او ما تقبل ترجع إلى قناعاتها الشخصيه .. ومثل اللي قالوا اللي قبل الناس تشتري الرجال ما تشتري فلوسه .. الفلوس وان ظلت معه طول العمر فـ هل هذا معناه ان البنت ظمنت راحتها .. !!

اظن ان اصحاب الرواتب المتدنية ولنقل اعلى من المذكور في الموضوع بقليل اكثر سعادةً من ذويهم من الأزواج واصحاب الأملاك :)

يا ما ناس عايشين في قصور ويشوفون ارضها جمر وحريق .. وياما ناس ساترين على روحهم ويشوفون نفسهم في حدا جنات النعيم !!

قالت لي اختي سالفة وحده تعرفها .. تقول كان فيه بنت ما تنام الا ع الحرير وما تعرف شي اسمه حد يحد من رغباتها ..
تقول انها كانت لما تروح للسوق تشتري [ جزمه ] الله يكرمكم بـ 500 ريال !!

تخيلوا بعد ما تزوجت من واحد ماهو ميسور .. كان مصروفها الشهري هو 500 ريال .. وهذا اللي قدر عليه الزوج وبزود !!
ومع ذلك عايشه بسعاده ويمكن مالقتها الا عند اللي شرته لأخلاقه !!

ولذلك الزواج لا يُقاس ابداً بالمرتب .. ولكن ترجع أسباب كثيره للزواج المثالي واولها قناعة الفتاة في الزواج والزوج بالشكل العام

شكرا ع النقاش

[همي اشيل همك]

المشاركة الأصلية كتبت بواسطة دنيتي قلبك

أنا عن نفسي ما أظن أني بقبل بعيداً عن الحب وما حب لأن مهما كان الحب بيننا بتأثر على حياتنا المشاكل المالية ومصاعب الحياة ,,,

لأن مثل ماهو معروف الحين الحياة غالية وصعبة ومصروف الشاب أكثر من مصروف البنت ,,,
وإذا قدرت أعيش أنا وهو رغم صعوبة العيشة معناته لازم ما يكون عندنا أبناء لأن أكيد مابنقدر نعيشهم عيشهم زينة ,,,

لذلك أقعد في بيت أهلي ولا أني أبهذل نفسي وأتعب نفسيتي على شيء مجهول المصير ,,,

أنا متأكدة أن الشاب ماله ذنب إذا كان طموح و متفوق وعنده شهادة لأن كثير عندهم شهادات و حطمت أحلامهم وطموحاتهم تدني الرواتب ,,,

لذلك بأختصار لن أوافق ,,,

همووو موضوعك رائع للنقاش أتمنى أن يشاركنا فيه الشباب و البنات

للعلم * عدت الرد أربع مرات وكل مرة أعيده أختصر لأني تعبت وأنا أكتب بس لي عودة للنقاش معكم

انا اتفق معك شبابنا مالهم ذنب ...كثير اللي عنده شهاده وقاعد في البيت!!!لكن كل وحده تتمنى زوج قد المسؤليه يصرف عليها وعلى عيالها ... و1500 ماتكفي ابد!!! اشكر لك مرورك

[همي اشيل همك]

المشاركة الأصلية كتبت بواسطة !! الفيصل !!

موضوع راقي للنقاش


الرســـول صلى الله عليه وسلم قال بمعنى الحديث من جاءكم ترضون فيه ديناً وخلقاً فزوجه




ماتدرين عن القادم يمكن انتي بزوجك منه تكوني فاتحه خير عليه تفائلي بالامل بكل تأكيد ستجديه




يمكن ربي بيرزقكم غنى لانكم اجتمعتوا على الحلال



ومدام الولد طموح وعندة شهادة بس الدنيا ماجات معه اكيد مالهــ ذنب فليش المجتمع يعاقبه ويحرمه من الزواج



هو اجتهد وسواء اللى عليه بس القدر مكتوب لهــ كذا



واكيد من صبر راح يطول منالهــ ولو بعد حين الاهم راح يطولهــ




انا اقول الزواج في حاله الفقر بيكون افضل واقوى وامتن العلاقه فيه ونسبة النجاح 90 % الاهم يكونوا قنوعين





اشكركي اختي على الطرح الراقي برقي فكرك

اكيد اخوي الشاب ماله ذنب !!! وانا بعد مالي ذنب ؟؟؟ القرار ان البنت ترتبط بشاب لايملك ماديه للعيش صعب كثييير..وانا ماراح افكر بنفسي بفكر بالابناء والمسؤليات الاخرى !!! والله 1500 ماتسدد فاتورة جوال!!! كيف عااد المصاريف الثانيه ؟؟ اشكر لك مرورك اخوي .. وارحب فيك وبوجهة نظرك..

[همي اشيل همك]

المشاركة الأصلية كتبت بواسطة *"الحالمة"*

مثل ماقال الأخ الفيصل
يكفي إرشاد الرسول الأعظم صلوات الله وسلامه عليه لنا,.
اذا كان على دين وخلق فلابأس..
وانا معه في ان الوفاق والرابطة غالباً تكون اقوى اذا ماكانت الفلوس كثيرة.. وهذا شي شاهدته بنفسي
*
عموماً الزواج قسمة ونصيب سواء قلت الحين بوافق ولا لا ..
الله اعلم لما يتقدم لي اذا مكتوب لي اعيش بخير مارح اتوفق معه خخخخ
لكن الفلوس مو عيب بالنسبة لي..
ان يكونوا فقراء يغنهم الله من فضله
ولو كان فقير والحالة صعبة.. اقدر اني اتوظف واساعده.. صحيح ماابي اطفال كبداية.. إلا لما تتحسن الحالة المادية.. ولو ظلت حالة مادية سيئة نقدر نكتفي بطفل واحد او اثنين
شنشيو همي ع الطرح,.

*"مع خالص محبتي"*

هلا فيك الحالمه اهنيك ع بساطتك وروحك المعنويه في المساعده للزوج !! لكن طيب اذا انا مو موظفه او مالقيت وضيفه وهذا هو الحاصل حاليا ... ساعتها كيف بساعد !! يعني بناخذ مصروف من ابوه ؟؟!! والله انا اشوف ان اللي توافق هي اللي تتحمل المسؤليهه كامله لانها رضت من البدايه والله يوفق الكل ..

[همي اشيل همك]

المشاركة الأصلية كتبت بواسطة STUART LITTLE

من ناحيتي مابزوجه لنه متطلباات هالايام ماتوفيهاا 1500 ولا 2000 ريال .. حتى اعرف ناس رواتبهم بــ 5000 والــ 6000 مو عافين يصرفون اعماارهم ..

ياسلام عليك والله انك صادق اللي راتبهم 6000 مو ملحقين مصاريف ؟؟؟ بس والله لو راتبه 6000 راح اوفق ماعندي مانع ابد...............الله يعين الشباب والله يكسرون الخاطر..

[همي اشيل همك]

المشاركة الأصلية كتبت بواسطة مليكة

الموضوع كثيررر حلو ...

أنا عن نفسى ...إذا كنت أشتغل وراتبى أحسن من راتبة راح أوافق
لانو أخلاق.. شبى فى واحد غنى وعندة فلوس وأخلاقة شنية ..
وكما قال اللة تعالى خذوهم فقراء يغنيكم اللة ..
وان شاللة راح نتساعد وبنقدر نعيش
أما أنى أخذة وأنا ما أشتغل ...فماراح أوافق
تحياااتى ..

مليكة

ماشاء الله عليك اهنيك ع روحك ... لكن انتي في هالنقطه حددتي اذا انه عندك وظيفه بتوافقين عشان تساعدين .. لكن اذا مافيه وظيفه مافيه زواج !!!! والله حاله ؟؟ الله يعين بس ... يعني الشياب مالقوا وظايف احنا بنلقى ..!! الله كريم والحمدلله..

[همي اشيل همك]

المشاركة الأصلية كتبت بواسطة وردة تحت الثلج

والله اذا الرجال مؤدب ومحترم ومتدين ليش لا....اهم شي الاخلاق في هالزمن والفلوس تروح وتجي
وان شاء الله اتوظف واساعدة شوي شوي

ماشاء الله عليكم يابنات كلكم بتوظفون وتساعدون ... الله يرزقكم ويزق الشباب اللحين شكلي بدخل موضوع ثاني اللحين المهم عندكم الزواج بدليل انكم مستعدين تساعدون وتتوظفون عشان تتزوجون وتساعدون ازواجكم ... الله يرزقكم ..........

[همي اشيل همك]

ابو محمد ... عطنا رايك فضلا وليس امرا ........... بانتظارك اخوي..

[همي اشيل همك]

المشاركة الأصلية كتبت بواسطة theseapearl

أنا عن نفسي أشتري رجال ما أشتري مادة ابدآ

اذا كان الرجال صايم مصلي شاريني ليش ما أوافق
بعد ياما ناس اخذوا اغنياء وبعدين تغير الحال
أهم شيء في الحياة الزوجية هي راحة البال
وإذا على الفلوس"""نساعد بعض ونتحمل بعض"""
قال رسول الله صلى الله عليه وآله وسلم""""خذوا فقراء يغنيكم الله""
والمال يروح ويجي ...

:c8:آسفة على الأزعاج
تقبلوا مروري

تحياتي لكم:m22asmilies-com:

اختي اشكر لكي مرورك !! اتقبل وجهة نظرك بصدر رحب لكن اتمنى ان الماديه ماتسبب خلافات في المستقبل لازم الواحد يفكر مليون مره قبل مايتخذ قرار وخاصه اذا كان زواج ..