اللي عنده إستفسار عن دفع الرسوم و إرسال الوصل .. يتفضل :)

[عشق القصيد]

ايه كذا

[بنت السلاطين]

مشكوره اختي ماقصرتي يعطيك العافيه

[عشق القصيد]

الله يعافيك

[224422]

أبي بس اعرف من المفروض يستلم الوصل لان انا مكتوب عندي تم تسليمه لاحمد الحليبي

كلكم مثلى......... يا ليت احد يرد عليّ.......

[SaD HeArT]

المشاركة الأصلية كتبت بواسطة الشرطي

جيت في وقتك

حبيت اسال هلا يكفي ارسل الايصال عن طريق البريد وكم تكلفة الارسال

حياك الله أخوي الشرطي ,

الأخ راقي الفكر ما قصر و حاوب عليك ,

ومن باب الإحتياط .. الأفضل إنك ترسله عن طريق السكانر ,

إحتمال البريد ما يوصل أو يتأخر أو يضيع لا سمح الله , وبالطريقه هاذي الجامعة ما راح تعتمد دفعك للرسوم ,


الإرسال يكون بالبريد الممتـاز , وتكلفة الإرسال 30 ريـال .

[SaD HeArT]

المشاركة الأصلية كتبت بواسطة عشق القصيد

بآآآآآآك

انا ارسلت لهم الوصل عن طريق البريد والسكنر وللحين لم يتم التسديد
هم طولو على ماردو عليك ولا بسرعه ردو ؟

ولكمووووو عشق القصيد ,

تسلمين على ردج وتوضيحج للأخت بنت السلاطين , وافا عليج الموضوع موضوعكم ,

بـصراحه مقدر أجاوبج لأني اليوم أرسلت لهم البريد والسكانر , السموحه منج ,

البريد يقولون خلال هالإسبوع راح يوصل البريد للجامعه , والسكانر واصل من الصبح عندهم ,

بس خلينا نعطيهم شوية وقت , يمكن عندهم ضغط و زحمة بريد وسكانرات .

[SaD HeArT]

المشاركة الأصلية كتبت بواسطة بنت باحسن

انا نفس الشي للحين لم يتم السداد

بس ماسويت الطريقه الالكترونيه لازم اسويها ؟

:(

مرحبـا بنت باحسن

من باب الإحتياط و ضمان لج .. الأفضل ترسلين الوصل بالطريقة الإلكترونية ,

يمكن لا سمح الله يتأخر البريد أو يضيع , إلا وأنتي ضامنه إنج مرسله الوصل , علشان ما يكون لهم حجه وعذر .

[SaD HeArT]

المشاركة الأصلية كتبت بواسطة 224422

أبي بس اعرف من المفروض يستلم الوصل لان انا مكتوب عندي تم تسليمه لاحمد الحليبي

كلكم مثلى......... يا ليت احد يرد عليّ.......

مرحبـا 224422

أحمد الحليبي قريت إسمه كذا مره في بعض المواضيع في المنتدى , بس مدري هل وظيفته بالجامعه !!

و دام البريد وصل للجامعه فـ هذا شيء طيب , وإن شـاءلله يتم تعديل الوضع المالي لج في أقرب فرصه ,

بس نصيحه إذا ما أرسلتي الوصل بالسكانر , يا ليت ترسيلنه للجامعه من باب الإحتياط وضمان أكثر لج .

[" A L K A D I "]

يالت توضحون لي بالتفصيل شلون ارسل عن طريق السكنر لاهنتوا
وبعدين الوصل اللي عندي نسخه مو الاصلي والكلام اللي فيه حده مو واضح عادي ارسله؟؟؟

[SaD HeArT]

المشاركة الأصلية كتبت بواسطة السعدون

يالت توضحون لي بالتفصيل شلون ارسل عن طريق السكنر لاهنتوا
وبعدين الوصل اللي عندي نسخه مو الاصلي والكلام اللي فيه حده مو واضح عادي ارسله؟؟؟

حياج الله السعـدون ,

الإسم يذكرني في الرمـز أحمـد السعـدون , المناضل من أجل الحفاظ على الدستور , ولا يهون مسلم البراك ,

وصل البنك عبارة عن ورقتين , الورقة البيضاء (الأصل) , الورقة الزرقاء (الكوبي) ,

البيضاء يحتفظ فيها البنك , والزرقاء ياخذها اللي دفع الرسوم علشان يرسلها للجامعه بالبريد ,

ولكن قبل لا يرسلها لازم ينسخها كم نسخه , إحتياط , ما يندرى شنو يصير بعدين ,

وصحيح الورقة الزرقاء مو واضحة فيها الكتابة بشكل كبير , ولكن الأهم إن المبلغ تم إيداعه في حساب الجامعة ,

وهالشيء يظهر في أعلى الورقة , فوق عـ اليسار , هذا اللي يهم الجامعه ومن خلالها تعرف إن الرسوم إندفعت ,

شووووفي .. طريقة الإرسال بالسكانر سهله وبسيطة جدا ,

اللي لازم تسوينه هو :

1/ نسخ صورة الوصل إلى جهاز الكمبيوتر اللي تستخدمينه , هذا إذا كنتي في البيت وعندج جهاز سكانر ,

ولكن إذا ما عندج تقدرين تروحين أقرب مركز خدمات طلابية ,

وتطلبين منه يعمل سكانر للوصل وتخزنينه في فلاش ميموري أو سي دي .

2/ ترجعين للخدمات الطلابية وتدخلين على سداد الرسوم وتختارين إرسال وصل السداد إلكترونيا (شوفي الصورة)






3/ بعد ما تدخلين لإرسال الوصل إلكترونيا راح تفتح معاج الصفحه هاذي (شوفي الصوره) وبعدها إتبعي هـالخطوات :




أولا / تختارين الفصل الدراسي الحالي .

ثانيا / تضغطين على كلمة إستعراض .

ثالثا / تروحين للملف اللي خزنتي فيه صورة وصل السداد بعد ما عملتي له سكانر ولما تلقين الوصل تضغطين عليه .

رابعا / بعد ما تشوفين رابط صورة الوصل تم نقله للبوكس الصغير تضغطين على كلمة رفع الملف .


4 / لما ترفعين ملف الوصل بالسكانر لازم يكون عندج طابعة علشان فيه ورقة مهمة لازم تطبعينها وتحتفظين فيها عندج ,

شوفي الصوره :







5 / بعد ما تضغطين على أيقونة الطباعة , راح تطبع لج الورقه هاذي :








أتمنى يكون الشرح واضح لج , والسموحه عـ القصور ,

وإذا في أي إستفسار ثاني لا يردج شيء .