[ جامعة الدمام ] : جامعة الدمام تعلن عن توفر وظائف محاضرات شاغرة

[خاتم سليمان]

أنا من ناحيتي ماسمعت شئ أبد. لكن ماأعرف إذا إتصلوا على أحد غيري أو لا لأن أنا توني أستلم شهاده الماجستير و رسلت أوراقي من قبل لكن توني أرسل الشهاده لوحدها.. فما أعرف إذا إتصلوا من قبل أو لا على أحد.. أتمنى غيري يفيدك..

[الكشكول]

شكراً أختي خاتم سليمان على الرد. بس كيف تعرف الوحدة منا أن طلبها وصل وإلا أوراقها ناقصه بدون ما يتواصلون معنا في كلا الحالتين؟ أو ممكن يكونون ينتظرون ينتهي تقديم المعيدات ويكون الاختبار في يوم واحد؟ أتمنى فعلاً احد يفيدنا حتى لا ننتظر على الفاضي.

[انــــا]

حبيت افيدكم هالفتره كنت اسال بكلية العلوم عن تقديم المعيدات وامتحانا وكذا
كانوا يحسبون اني محاضر معي ماستر يقولون انهم توهم مخلصين حاطين اسئلة امتحانكم
اتوقع بيعلنون عنه قريب

[خاتم سليمان]

أنا وصلتني رساله من قبل يومين إن أوراقي ناقصه فهذا يعني إنهم بدأوا في فتح الملفات و راح يرسلون للي أوراقهم ناقصه و راح يعلنون قريب إن شاء الله .. بالتوفيق إن شاء الله ...

[انــــا]

بنات الفيزياء بسالكم

حددو لكم مراجع او تخصصات في الفيزياء تذاكرونها؟

[حنان الغلا]

ايش المستندات المطلوبة

[الكشكول]

مرحبا اختي حنان الغلا، للأسف التقديم لوظيفة محاضرات انتهى من زمان، الله يعوضك خير منها.

اختي انـا ، مشكوره جداً على هالخبر والله يسمع منك ويعلنون بسرعة عن الاختبار بس ياليتهم يعطونا اسماء مراجع زي ماتقولين ومدة كافيه عشان ندرس ونراجع معلوماتنا.

اختي خاتم سليمان، يعني اللي اوراقهم ناقصه يعطونهم فرصة عشان يكملوها والا يستبعدوهم زي اللي مكتوب في اعلان الوظيفه. انا ما وصلني شي وقاعده افكر. الله يكون في عون الجميع ويكتب لنا اللي فيه الخير يارب.

[خاتم سليمان]

أنا بصراحه ماأدري إذا كانوا راح يستبعدوا على طول أو لا إذا كانت الأوراق ناقصه لكن الإيميل الللي وصلني قال لي إن المفروض ملفي يستبعد لكن اللجنه قررت إنها تعطيني فرصه و يعطوني يومين علشان أرسل الأوراق المطلوبه.. و أنا إلى الآن ماأعرف حتى إذا هم راح يستبعدون ملفي أو لا لأن أنا خريجه أمريكا و توني متخرجه من كم شهر بس فماصار عندي وقت كافي إني أسوي معادله للشهاده و هذا الللي كان ناقصني بس .. أنا قلت لهم هذا الكلام لكن ماوصلني منهم أي رد و ماأعرف إذا كان في أحد غيري عطوه فرصه علشان يكمل أوراقه الناقصه .. الله يكتب لنا الللي فيه الخير ...

[الكشكول]

شكراً جزيلاً أختي خاتم سليمان على التوضيح، الله يوفقك وتحصدين نتيجة تعبك أن شاء الله. أخواتي بالنسبه للمراجع هل عندكم خبر أنهم أعلنوا عن شئ مثل الإعلان تبع المعيدات؟ إذا عندكم معلومة أفيدونا وفقكم الله.

[انــــا]

صباح الخير ،

بنات تحدد يوم امتحانكم والا باقي للحين ؟
امتحان المعيدات تحدد