مراكز الاختبارات وش المقالب هذي يا ادارة الجامعه

[OS7]

المشاركة الأصلية كتبت بواسطة آسـfـف

ياشيخ ترى الموضوع واضح حبيبي انا اقولك انه كان افضل قبل ما يحددون الاتجاهات الحين يوم حددنا الاتجاهات ابعدونا متعمدين عن المراكز القريبه مننا ليييييييييييييه ماندري

يمكن مثل ما قال اخونا الغالي احتياطات امنيه

أنت تقول كذا وغيرك يقول الحمدلله انهم حددو الاتجاهات
ومثل ماقلت لك عدد الطلاب كثير أنت تدري أن في ناس ماحددت موقع الاختبار
وحطوهم بالأحساء وانواع الفاكسات والاتصالات الاسبوع الماضي علشان تغير الموقع
والعذر أنو ماندري عن النظام ومانعرف وش الطريقة الخ الخ
إذا كل طالب عمل المطلوب بوقته كان العماده ارتاحت لكن مثل هالأشياء
تخلي الإدارة تحت ضغط وفي وقت الضغط الخطأ وارد ...

[ashoog]

من البيت لمقر اختباري ساعة اذا داعسين 180

يعني عادي يمقن نوصل ويمقن لا

[عزتي بسمو ذاتي.]

[فهد.عبدالعزيز]

المشاركة الأصلية كتبت بواسطة آسـfـف

السلام عليكم ورحمة الله وبركاته

احس ادارة الجامعه يحبون يسوون فينا مقالب وكثيرين المزح بالنسبه لمراكز الاختبارات

انا كل ترم اختبر في شرق الرياض قريب من بيتنا الحين يوم قالوا انهم يبي يعدلون مراكز الاختبارات ويخلون كل واحد يختبر قريب من بيته لعبوا فينا تذكرون يوم حطوا خانه لتحديد اتجاه الاختبارات صح

انا اخترت شرق الرياض الحين حاطيني جنوب الرياض ههههههه سلامات حبايبي وش تحسون فيه

قبل كنت اوصل مركز الاختبار بثلث ساعه الحين احتمال اصل بعد ساعه

الله عليكم يا ادارة الجامعه لا وحنا داخلين تخصص اداره ياعيني على الاداره اللي تعرفونها

تحياتي لكم

هلا والله بالغالي

اخوي ياليت لو تبحث اذا فيه امكانيه
نسوي تناقل( انقل لمركزك وتنقل لمركزي)

لاني انا ساكن جنوب الرياض
وحاطين مركزي (11) بحي الروابي

او ياليت تعطيني طريقه اقدر انقل لمركز جنوب الرياض
كل ترم حاطيني في منطقه

الترم الاول: حاطيني عند الفحص الدوري اقصى شرق الرياض
الترم الثاني : عند نادي النصر اقصى غرب الرياض
والترم الثالث: في مركز (11 ) بحي الروابي

المشكله مركز ( 15 ) قريب جداً من منزلي يعني اقدر اروح له على رجولي..
انا الان ماتفرق معي اجي مركز ( 15 ) او غيره
المهم يحطوني بالمنطقه اللي اخترتها اللي هي (( جنوب الرياض ))

[العمدة10]

الحال من بعضة طلبت مركز جنوب الرياض انتظرت شوي حطو مركز 11 جنوب الرياض قلنا كويس انتظر الكروكي يطلع.....
طلع الطامة الكبرى حاطين مركز 11 في حي الروابي في شرق الرياض وش دخل حي الروابي شرق الرياض في جنوب الرياض اتصلت علي الرقم المجاني وياالله ياالله ردو علية قلت علي الاقل اذا مافية امكانية جنوب الرياض يحطوني مركز غرب الرياض علي الاقل اخف الاضرار نفتك من زحمة الدائري الشرقي وما حولية من الاحياء ..ردي علية واحد وقال لا يمكن تحويلك الا السمستر القادم .. طيب وش الدبرة ...
عموماً وحقيقتاً رضى الناس غاية لا تدرك وبصراحة الجامعة مو مقصرين مجتهدين قد يرون امور نحن لا نعلم بها ....
نمشيها زي ما صار في الترم الاول الله يعيني حي الروابي احسن من الفحص الدوري .قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. الخيرة فيما اختارة الله ...

[مجتهد جداً]

شي عادي هذا يحصل في الجامعة من يومهم مدوخينا بس حيل الله اقوى

[آسـfـف]

المشاركة الأصلية كتبت بواسطة os7

أنت تقول كذا وغيرك يقول الحمدلله انهم حددو الاتجاهات
ومثل ماقلت لك عدد الطلاب كثير أنت تدري أن في ناس ماحددت موقع الاختبار
وحطوهم بالأحساء وانواع الفاكسات والاتصالات الاسبوع الماضي علشان تغير الموقع
والعذر أنو ماندري عن النظام ومانعرف وش الطريقة الخ الخ
إذا كل طالب عمل المطلوب بوقته كان العماده ارتاحت لكن مثل هالأشياء
تخلي الإدارة تحت ضغط وفي وقت الضغط الخطأ وارد ...

يا حبيبي ما استفدنا شي من تحديد الاتجاهات

وش الفايده شوف ردود الاخوه كل واحد حاطيني بالمركز الابعد مو بالمركز الاقرب وش الفايده

الله يعني

مثل ما قال اخونا العمدة10

عساها خيره ان شاء الله