على شهادتنا السلام .. سابقاً كنا نقول الشهاده معترف بها لكن الان و بعد ايقاف برنامج التعليم عن بعد هل ستكون معترف بها ؟ :)

[بيدو1]

احنا مسمى الشهادة انتساب نعامل معاملة المنتسبين ليس لنا دخل بالتعليم عن بعد لانه للاسف لم يعمل بشهادىه للان رغم انه افضل واقوى في الدول الاخرى

[أبو سوار]

الأخ جاي مطفي النورخخخخخخخخخ تهمل شوي شوي وكل إنسان مكتوب له رزقه من رب العباد وفي يوم ولليلة تنقلب الموازين

[Khaled.SU]

يعطيكم العافيه جميعاً ع التفاعل

اللى يقول الموضوع اشبع صحصح هالكلام توه جديد

سابقاً ماقد شككت في الشهاده ابداً و بالعكس كنت متحمس و مجتهد

لكن هالكلام اللى صار ف الاخير يخوف بصراحه

و احترم ارائكم جميعاً لكن يجيني واحد يفرض اغلاق الموضوع معليش المنتدى للجميع ي عزيزي ولا لاحد حق اغلاقه مالم يتجاوز القوانين

بالنسبه لكلامكم عن اعتماد الشهاده من عدمه الكلام هذا اقتنعنا فيه سابقاً

لكن المشكله الحين يعني بكره هل بيكون لشهادتنا ك خريجي انتساب جامعة الملك فيصل افضليه على الجامعه الالتكرونيه ؟ ما نبي افضليه هل بيكون فيه مساواه ؟

هنا المشكله بالنسبه لي لان اعتقد وهو مجرد اعتقاد شخصي ان تالي بتصير شهادتنا غير معتمده
بسبب انه تم الغاء برنامجنا و صار المعتمد الجامعه الالكترونيه و مخارجها !

[سميره عبدالله]

ممكن اعرف ليش تحبون التحطيم وليش الافكار والمعتقدات السيئه عن الدراسه والتعليم عن بعد واذا بيضمون التعليم عن بعد في الجامعه الالكترونيه ايش المشكله احنا حابين الدراسه ومتحمسين وندعي ربنا يوفقنا فيها وانتم قاعدين تقولون كلام وتعتقدون اشياء تجيب لنا الاحباط والفريدان قالها معترف في الدراسه عن بعد واتوقع هذا كلام كبير مو بسهوله واحد يقوله وهو مو متاكد منه والجامعه قالت بعد خمسسسسس سنوات يصير التعليم عن بعد في الجامعه الالكترونيه وانتم (يالمحطمين خليتم الدراسه مو معترف فيها والجامعه الغت التعليم عن بعد وصار حالنا ماساوي ) انا اسفه اذا ماعجبكم كلامي بس ياليت اذا احد عنده راي يحطم الطلاب يحتفظ فيه لنفسه واذا في شي مؤكد اكيد بيعلنونه وكلنا بنعرفه مايحتاج احد منكم يجي ويقول لنا احساسه ومعتقداته

[Amira - 92]

المشاركة الأصلية كتبت بواسطة سميره عبدالله

ممكن اعرف ليش تحبون التحطيم وليش الافكار والمعتقدات السيئه عن الدراسه والتعليم عن بعد واذا بيضمون التعليم عن بعد في الجامعه الالكترونيه ايش المشكله احنا حابين الدراسه ومتحمسين وندعي ربنا يوفقنا فيها وانتم قاعدين تقولون كلام وتعتقدون اشياء تجيب لنا الاحباط والفريدان قالها معترف في الدراسه عن بعد واتوقع هذا كلام كبير مو بسهوله واحد يقوله وهو مو متاكد منه والجامعه قالت بعد خمسسسسس سنوات يصير التعليم عن بعد في الجامعه الالكترونيه وانتم (يالمحطمين خليتم الدراسه مو معترف فيها والجامعه الغت التعليم عن بعد وصار حالنا ماساوي ) انا اسفه اذا ماعجبكم كلامي بس ياليت اذا احد عنده راي يحطم الطلاب يحتفظ فيه لنفسه واذا في شي مؤكد اكيد بيعلنونه وكلنا بنعرفه مايحتاج احد منكم يجي ويقول لنا احساسه ومعتقداته

ماحد يحب التحطيم ولا اجد يحب يحطم احد بس كلامه واقعي وانتوا ماتبون تسمعون الكلام الواقعي
اخر دفعه بتدرس تعليم عن بعد في جامعة الملك فيصل هي هذي الدفعه وبعدها مافي شي اسمعه تعليم عن بعد جامعة الملك فيصل طيب وش مصير شهادتنا اذا تقفل النظام وليه من الاساس يغلقونه احنا كنا تجربه يعني ولا ايش بالضبط واكيد بيهمنا مستقبلنا ونبي نفكر فيه مو نسوي زي هذا ولانهتم

[* Sarah *]

المشاركة الأصلية كتبت بواسطة سميره عبدالله

ممكن اعرف ليش تحبون التحطيم وليش الافكار والمعتقدات السيئه عن الدراسه والتعليم عن بعد واذا بيضمون التعليم عن بعد في الجامعه الالكترونيه ايش المشكله احنا حابين الدراسه ومتحمسين وندعي ربنا يوفقنا فيها وانتم قاعدين تقولون كلام وتعتقدون اشياء تجيب لنا الاحباط والفريدان قالها معترف في الدراسه عن بعد واتوقع هذا كلام كبير مو بسهوله واحد يقوله وهو مو متاكد منه والجامعه قالت بعد خمسسسسس سنوات يصير التعليم عن بعد في الجامعه الالكترونيه وانتم (يالمحطمين خليتم الدراسه مو معترف فيها والجامعه الغت التعليم عن بعد وصار حالنا ماساوي ) انا اسفه اذا ماعجبكم كلامي بس ياليت اذا احد عنده راي يحطم الطلاب يحتفظ فيه لنفسه واذا في شي مؤكد اكيد بيعلنونه وكلنا بنعرفه مايحتاج احد منكم يجي ويقول لنا احساسه ومعتقداته

يابنت الناس هو مو قصده تحطيم ولا شي
هو بس يبي يستفسر ويطمن على شهادته وله الحق إنه يقول اللي في خاطره
وما لكم حق تغلطون عليه لأن كلامه ماعجبكم

[empty soul ~]

المشاركة الأصلية كتبت بواسطة Khaled.SU

لكن المشكله الحين يعني بكره هل بيكون لشهادتنا ك خريجي انتساب جامعة الملك فيصل افضليه على الجامعه الالتكرونيه ؟ ما نبي افضليه هل بيكون فيه مساواه ؟

هنا المشكله بالنسبه لي لان اعتقد وهو مجرد اعتقاد شخصي ان تالي بتصير شهادتنا غير معتمده
بسبب انه تم الغاء برنامجنا و صار المعتمد الجامعه الالكترونيه و مخارجها !

صراحةً ما أدري هل بتكون فيه أفضلية أو لا .
بس بما إنو ذكر الدكتور عبدالله إنو شهادة الانتساب معتمدة فهي خلاص معتمدة .
و مو معنى إنهم بيوقفون دراسة الإنتساب في الجامعات و بتصير في الجامعات الإلكترونية
فَ تصير شهاداتنا غير معتمدة ! محد ذكر هالشي ولا كان وقفنا دراستنا الحين و مانكمل أربع سنين قدام
و برضو قال إنو الجامعتين نظامهم مختلف و الجامعة الإلكترونية فيها سنة تحضيرية
و لغة إنجليزية و حضور بالجامعة .
فَ لذلك أنا أشوف أفضل إنك تسأله بتويتر أو تراسله ع الإيميل
و اقطع الشك باليقين

[my Dreams]

سؤالي لصاحب الموضوع وهو جوابي
عندما الغي الانتساب التقليدي في الجامعات قبل سنتين هل اصبح خريجوا هذا النوع غير معترف بهم وهل مئات الالوف ممن توظفوا من خلاله تم اقصائهم ؟؟؟

نصيحتي للجميع انتم في صرح حكومي وتحت مظلة حكومية والنماذج المستفيده من شهادتنا كثيره فاتركوا عنكم هذه المخاوف وتفرغوا لدراستكم وان اغلق النظام فاحمدوا الله انكم التحقتم به واغتنمتم هذه الفرصه التي ربما يحرمها غيركم
خالص الشكر وفائق الاحترام

[Turning point]

الشهاده متعترف بها ..ــــــــــــــــــــــــ هذه نقطه علينا الاتفاق عليها بالاجماع

قيمة الشهاده في سوق العمل ــــــــــــــــــــــــــ هو مانختلف عليه

وطرحه الاخ صاحب الموضوع ...

التساؤل اللي يطرحه .. الجامعه الالكترونيه ستحل مكان دراستنا .. ماذا سيحل بنا ؟؟؟

وهذا من التبصر وحسن التدبير أن يسأل الانسان عن مستقبله ..

الحل من وجهة نظري المطالبه للطلاب بالدخول الى الجامعه الاكترونيه ماستر ..

وفتح تخصصات بها امتداد لتخصصاتنا في جامعة فيصل أو الجامعات الاخرى التي سيوقف التسجيل بها ..

وعدم اقتصارها على التخصصات الموجوده ..

اذا أرادوا تصحيح الوضع التعليمي ورفع جودته ..

عليهم ايضاً تحسين اوضاع الطلاب اللي اقدموا على التسجيل وكانوا احد روافد وعصب للجامعات ..

الان دخلت موقع الجامعه الالكترونيه تم فتح فروع في مناطق اخرى ..

المطالبات .. ماستر + تخصصات جديده + تعميمها في كافة المناطق ..

النتيجة ماستر انتظام سنحصل عليه لان شهادة الالكترونيه انتظام ليست انتساب لانها تلزم بحضور يوم في الاسبوع وممكن مسائي للموظفين .. + لغه انجليزيه سيتقنها الدارسين


التركيز على هذه النقاط مهم جداً على الجميع التضافر لتحقيقها ..

الماستر مدته سنه واحده 30 ساعه على الاكثر مع دراسة اللغه في سنه تصبح سنتين دراسية ..

اما المطالبات بغلق المواضيع الحيويه التي تحدد مستقبل الطلاب فهذا اجحاف في حق الدارسين ..

اتمتى التروي ووضع الامور في نصابها ..

تحياتي للجميع ..

[Lock5322]

اخوي القرار هذا ظالم لكلا الطرفين لنا كمنتسبين ولبعض الراغبين للاتحاق لتكملة دراستهم فنحن علي كف عفريت علي قولتهم كل شوي قرار وتخبطات بالقرارت اللي ليست من صالحنا لاندري الي اين بكل صراحه
فالقاهم التعليم عن بعد واجبار الكثير ان يتجهون للاكترونيه دليل قاطع وذريع علي فشلها انا درست فيهالم اكمل لطريقة دراستهم ومناهجهم الغير مدروسه والطامه الكبرى لاتقبل شهادة من تجاوزت عليها خمس سنوات
وجامعتنا نكمل فيها والله يكون مع الجميع وان شاءالله نسمع كل خير حطمونا من كثر قرارتهم
وياليت انهم يوقفون قرارت ويدرسونها قبل طرحها لاني اشوف الي الان مافيه شي لصالحنا