[ جامعة فيصل ] : رسميا بخصوص قسم التربيه الخاصه والموهوبين

[A R E E J]

الي فهمته من محتوى الرساله

ان الدراسه هي الي تأجلت فقط

والمقبولين مالهم دخل اذا اسماء المقبولين سبق واعلنوها

الله يوفقكم

[ماجد الماجد]

المشاركة الأصلية كتبت بواسطة [ t ]

أنا أعرف وحده من زميلاتي طلع لها بعد المقابلة نعتذر عن قبولك

وش تخصصها زميلتك وياليت تتاكدين اذا وصلها مسج عن التاجيل ولا لا

[ماجد الماجد]

المشاركة الأصلية كتبت بواسطة امل متألق

هلا اخوي ماجد

بالنسبة للصديقة الي ذكرتها كان آخر اتصال بيني وبينها اليوم سئلتها وصلك مسج قالت لا
واكدت لي أنها غير مقبولة لأن النظام أظهر نتيجتها بالإعتذار بس هي تربية خاصة فماادري يفرقوا عنا مثلا؟ على الإساس هذا بنيت ولربما أكون مخطئة فياليت تتأكد لنا غدا من هذا الموضوع وبالذات تأجيل الدراسه لإنه يتوقف عليها أمور كثيرة وهل لهم نيه يعلنو عن اسماء المقبولين ويستدعوهم أو يغلقوا الصفحه وكأن شئ لم يكن؟

ذهابك للجامعه وعنائك بالسؤال يعني لنا الكثير أرجو من الرب أن يضعها في ميزان حسناتك وأن يرفعك درجات العليين في الدنيا والآخرة كلنا غداً بالإنتظار

بالنسبة لتخصص تربيه خاصه او موهوبين فكلاهما واحد وعلى فكره انا مقدم تربيه خاصه وليس موهوبين .
وطالما صديقتك ما وصلها مسج فهذا شي يبشر بالخير بالنسبة للي وصلهم مسج .

وانا بحاول قدر الاستطاعه غدا اذهب للجامعه ان شاء الله (مع اني تعبت من كثر ما اروح صرت كاني موظف عندهم )

وفي النهاية اشكرك على الدعاء الجميل

(حسيت بكلمتك كلنا بانتظارك قفلتي علي ) العموم ان شاء الله بحاول اروح مع ان بكره الخميس والواحد ماله خلق بس ادعي لي

[صمت الكلام345]

اخ ماجد الله يجزاك خير ويكتب لك اللأجر وانا بالدمام ولاكان رحت وازعجتهم
السؤال المهم اللي لازم تجاوب عليه الجامعة انو ماتروح فرصتنا في القبول بعد تأجيل الدراسة
الشي الثاني انو لازم تعلن الاسماء ومومشكلة يأجلوا للوقت اللي يبون
ياليت تعطينا رقم نقدر نتصل عليه وتكون اتصالاتنا على رقم موحد وشخص بيده الموضوع حتى يكون فيه جدية في موضوعنا
ولو كلفنا عليك اخ ماجد الله يسعدك

[haggas]

فرصة مناسبة للي ماختبر انه يختبر مرة ثانية

[صمت الكلام345]

يا اخ هاجس اي اختبار تتكلم عنه الأن في ناس مقبولين ماطلعوا اسمائهم
واللي ما اختبر هذا ماقبل من اساس

[حبيبتي رهف]

المفروض مايعيدوا لا اختيار ولا مقابله
يعلنوا بس عن المقبولين
وياجلوا السنه الجاية

[ماجد الماجد]

بسم الله الرحمن الرحيم


اليوم كنت في الجامعه وصراحه الوضع يمكن يقال انه مطمن ويمكن يقال العكس ...المهم بقولكم الي صار اليوم
اول مارحت للجامعه طبعا قسم الدرسات العليا قابلت اثنين جالسين في مكتب ودخلت عليهم وعلمت الوضع عن الرساله الي وصلت لنا ولا ندري شالوضع وللامانه ما فادوني كل ما اسالهم يجابون ما ندري او يمكن اي او لا ...يعني مثلا سالتهم ماذا تعني الرساله ..الجواب ماندري يمكن مقبول ويمكن لا..طيب هل راح يكون السنه القادمه قبول جديد ومقابله جديده ...الجواب ما نعلم ..(المهم ماعجبني طريقة كلامهم )

ومن ثم رحت للعميد المكلف يوسف رشاده وعلمت الوضع وللامانه تحس ان الرجال مش ملم بالموضوع كامل لدرجه انه مو عارف نص الرساله المرسله من عندهم حتى انا طلعت جوالي وقال اي ومن ثم سالته انا سؤال قلت المفروض منطقيا يكون هناك اختبار جديد ومقابله جديده قال رايي (الشخصي ) لا لايكون وانما يكون تاجيل للمقبولين وللامانه قال ما اثق في اي شي يمكن كل شي يتغير .

ومن ثم رحت للمسؤول علي المجيبل مسؤول عن القبول وهذا الي وسع صدري
رجل محترم جدا وعارف كل شي عن الموضوع وعرفني مباشره وقالي بعد ما ساالته عن الوضع والرساله قال ان الرساله تعني بالتاجيل مع الاحتفاظ باسماء المقبولين والمقبولات وانما يكون تاجيل لدراسه وقال بان الاسماء التي ارسلت لهم رساله هم شبه مقبولين وقالي بس الكليه يمكن تغير وضعها ولا اعلم ماذا يحدث مستقبلا ...


المهم عندي رقم القبول والتسجيل لدرسات العليا على الجميع الاتصال به مباشره ساضعه هنا هاليومبن لانه عندي في السياره وعلى الجميع الاتصال به والاستفسار منه واي شخص يستفسر يوضع لنا ماحصل معه هنا في هذا الموضوع


ايضا على من وصلت لهم الرسائل التفائل لاني اعرف كثير لم تصل لهم رسائل وايضا على الاخوات مراجعه قسم البنات واحطتنا بما هو جديد وايضا على الاخوه الرجال مراجعه الكليه والاستفسار منها



وبالنسبه للي يقول ان المفروض يعيدون الاختبار والمقابله احب اقوله : كيف حالك

[امل متألق]

السلام ....
كالعادة اخوي ماجد الإبجديات كلها عاجزة عن الشكر
وياليت تزودنا بالرقم ومثل ماتفضلت خلونا مانتباطئ نتواصل ونسأل ونبين اهتمامنا وانا احنا جدا متمسكين بالفرصة اتوقع في جميع الحالات ماراح نخسر شي لربما الله عزوجل كاتب لنا الأفضل
لايندثر هذا الموضوع آمل تكون فيه إضافات مثريه تجعلنا نبتسم :)

[سر الهوى]

السلام عليكم
بصراحة احزنني اللي صار و خلاني عايش بقلق خصوصا اني معيد و ناوي اقدم السنة الجاية و ظروفي ماتسمح اكمل بجامعة ثانية فحاب اعرف الوضع في تقديم السنة القادمة و إلاراح يكتفون بمقبولين السنة هذه ياريت احد يطمنا