للتوضيح لمن يتساءلون عن أهمية تقديم الشكوى مع الأرقام الجامعية "طموح شايب"

[أنفاس الخجل]

كلامك صحيح أخوي وماعليه غبار .. ومتأملين خير في عمادة الجامعة بإذن الله إنهم بيتعاونوا معانا..
وفي حال ماوجدنا نتيجة أي تعاون وإنصاف لنا سيكون لنا شأن أخر كما قلت ..

الله يجزاك خيرويبيض وجهك إنت وجميع الأخوة والأخوات اللي شاركوا وتعاونوا معانا

[EMAN.89]

يعطيك العافيه على التوضيح

انا رسلت

ورسلت لكل اللي عندي يرسلون

اتمنى اللي كان خايف ان يطمن ويرسل ويسوي اللي عليه والباقي على الله

و ان شاء الله يكون العدد كبير الطلاب والطالبات عشان يعرفون ان الكل متضرر

ان شاء الله يهتمون بالشكوى والكل ينجح بدرجات حلوه تفتح النفس

يارب خير

[أنفاس الخجل]

المشاركة الأصلية كتبت بواسطة هنادي خالد

يعطيك العافية

بس اخوي طموح الاغلب متخووف من الفكرة

يعني خايفين يرسبونهم مع اني قلت لهم لو كان كذا كان مارسلت انا قبلكم

ويلي خايفين احد يلعب فيهم


مدري وش الحل

لو يوافقوون وربي يطلع من عندي اقل شيء 250 طالبة


للحين بعد حرب ماوصلت الا ل 90 وهذا بعد حلف انها راح تكون بذمتي وماراح يطلع شيء برا من عندي لفطوم وبعدها بحذف

ليش متخوفين هم أصحاب حق وبإذن الله العمادة راح ينصفونا
أنا وربي قدمت الشكوى من الموقع ثلاث مرات وفي كل مرة أكتشف شغله وأرسلها..
الله يسعدك يا عسل ماقصرتي..

[بحـر الكـلام]

ياجماعه وشفيها لو احد عرف رقم الطالب ولا الطالبه ياجماعه مافي افضل من اسماء زوجات الرسول عليه افضل الصلاه والسلام عائشه وخديجه وبنته فاطمه والبقيه رضوان الله عليهم اجمعين ترا حنا جالسين نتعلم وفي صرح اكاديمي ياخوان وخوات والله العظيم انا استغرب الي يقول مابي اعطيهم رقمي ولا الاخت تقول خايفه احد يعرفني بالجامعه ترانا كلنا طلاب نفس المرحله

[املي بالله وحده]

ابشركم بيزيدونا درجات الاسئله اللي عليها اعتراض بالصحه واللياقه
ان شاءالله
لااااا احد يقول مافيه فايده من الشكوى
بالعكس
و خصوصا لما وحدنا اصواتنا بفضل الله ثم بفضل اخونا طموح شايب


هذا ما يعني انكم ماتواصلون الشكوى ....
اللي مااشتكى يشتكي و ربعٍ تعاونوا ماذلو

بس انا الخبر اللي عني اكيد ميه بالميه بإذن الله

[عبدالصمد]

الله يهديك يا دكتور عبدالحكيم

اختبارك اهدر وقت الطلاب والطالبات في موضوع الشكوى

لو ان هذا الوقت والجهد تم توجيهه في دراسة مقررات الفصل الصيفي كان ختموا المقررات

[بحـر الكـلام]

المشاركة الأصلية كتبت بواسطة عبدالصمد

الله يهديك يا دكتور عبدالحكيم

اختبارك اهدر وقت الطلاب والطالبات في موضوع الشكوى

لو ان هذا الوقت والجهد تم توجيهه في دراسة مقررات الفصل الصيفي كان ختموا المقررات

ابشرك يالغالي انا شريت تلسكوب 300 قوته في التكبير .... وجالس امشي بالحوش واتفرج علي اشكال الدود لقيت وحده كرويه بس ماني متاكد هي الي جات بلاختبار ولا دوده الخس هذي الله المستعان بس

[منو الدوسري]

لا جد جد وش يخافون منه وش بيصير يعني بالأرقام الجامعية .. وإن عرفو يرسبونا مثلاً؟

وعلى فكرة بعد مارجعت حلي الحمد الله بعديها وبنسبة لكن ارسلت لأن اللي صار مو عاجبني ولا الطريقة التمويه اللي سواها ..

ولا طموح ولا فاطمة ولا هنادي ولا ولا ........ كثير لو بعدد الأسماء ماهم محتاجين لشكوى عشان بيحملون الماده لكن الضرر النفسي اللي وقع للكل .. وعشان ماتتكرر في السنوات الجاية ..

وهـ البنات متوقعين يحملونها ومتخاذلين سبحان الله ع الاتكالية ..

ان شاء الله الباقي فيهم الخير

ومثل ماقلتو ماضاع حق وراه مطالب ..

[هنادي خالد]

المشاركة الأصلية كتبت بواسطة منو الدوسري

لا جد جد وش يخافون منه وش بيصير يعني بالأرقام الجامعية:looking_anim: .. وإن عرفو يرسبونا مثلاً؟

وعلى فكرة بعد مارجعت حلي الحمد الله بعديها وبنسبة لكن ارسلت لأن اللي صار مو عاجبني ولا الطريقة التمويه اللي سواها ..

ولا طموح ولا فاطمة ولا هنادي ولا ولا ........ كثير لو بعدد الأسماء ماهم محتاجين لشكوى عشان بيحملون الماده لكن الضرر النفسي اللي وقع للكل .. وعشان ماتتكرر في السنوات الجاية ..

وهـ البنات متوقعين يحملونها ومتخاذلين سبحان الله ع الاتكالية ..

ان شاء الله الباقي فيهم الخير

ومثل ماقلتو ماضاع حق وراه مطالب ..

الله يهديهم يارب

وان شاء الله يارب الدفعه كلها ناجحه فيها

[قـورجـس ♛]

المشاركة الأصلية كتبت بواسطة بحـر الكـلام

ابشرك يالغالي انا شريت تلسكوب 300 قوته في التكبير .... وجالس امشي بالحوش واتفرج علي اشكال الدود لقيت وحده كرويه بس ماني متاكد هي الي جات بلاختبار ولا دوده الخس هذي الله المستعان بس

هههههههههههههههه

الله يوسع صدرك بالعافيه