اي احد يكذب عليك وانت تعلم ! ماذا تفعل ؟؟؟؟

[Dima]

موضوع رائع ي الساهر
بس صراحة انا عاجزة اتعامل مع هذي الشخصيه نفسي اعرف اش الحل ,,

[nsayim]

اذا كان شخص احبه واغليه ...بواجهه وبقول اللي في خاطري كله من غير حواجز او قيود
لأنه شخص يعز علي لازم انصحه وابين له خطأه بكلام طيب ...سواء كان صديقه او اخ او اخت...
ويقول المثل صديقك من صدقك ...

[nsayim]

المشاركة الأصلية كتبت بواسطة ابوباسـ ووسن ـل

اما بالنسبة لي أنا وهذا واقعي الحقيقي :
أخش معاه في جو الكذبه ولا ابين له أبداً ولما أشوف السالفة قربت تخلص أفجرها في وجهه وأقول له أنت ( بعيد عن الطيبين ) كذااااااااب السالفة كيت وكيت وكيت وسبب صبري ودخولي معه في جوه أبي يكون جو إنفجار المصارحة قوي وله دوي وشظايا موجعة ونيران حارقة
( احب اشوف عيون الكذاب تسوي زي كذا )

كذا يمكن يحقد عليك

[ناصر المشعل]

دام تمشي مشها وانا خوك

[تراني سارة]

برأيي المصارحة هي الحل

لو تحبه صدق بتصراحه لو انه على اكبر غلط

ومهما كانت كلماتك مرة وقاسية معه ماراح يزعل منك لانه بالمقابل يحبك ورح يتقبل كل شي منك

نصيحتي لك صارحه

[Turning point]

والله انا صريحه و اقدر اتخارج معاه بطريقة ماتجرحه بس ماقدر ابداً اتعايش مع شخص يكذب ويخدع وافوتها مستحيل

تقدر تذكر للشخص الكاذب محاسنه ومميزاته عشان تكسبه في البدايه تقدر تبين له غلاه وان بعض تصرفات صدرت منه ازعجتني تقدر تعاتبه عتاب شخص محب ماراح ينجرح ويمكن يعدل سلوكه على الاقل معاك

[~طموحي الفردوس~]

هلا أخووووي أنا نفسك صار معي ومن أقرب الناس لي كذب مو طبيعي لكن خلني أقولك شئ شوف الأنسان هذا لوهو حقيقي يحبك ويغليك ما كذب عليك يعني اسمحلي يعني ممكن المعزه والغلا من طرفك أنت مهم كانت الظروف ماراح اكذب مع إنسان يغليني ويعزني مهما كانت الأسباب لاني ما أغليته وحبيته إلا لأني أثق فيه وبالنسبه لي شلون تعاملت مع هذاي الشخصيه والله ما قدرت أواجهها يعني لاني شخصيه حساسه وأراعي مشاعر الأخرين بالزياددددده علشان كذا نصيحه طنش والله يعينك وخلك حذر مع التعامل مع هذه الشخصيه آسفه طولت عليك

[seema**]

راح أقولك عن الأشخاص الأسوياء ليش يكذبون من وجهة نظري فضلاً عن اللي عندهم هوس الكذب ..

أعتقد اللي يكذب على شخص ويخبي عنه موضوع او يداري عنه شي مغلوب على أمره مو معنى كلامي انه صح او اني اايد الكذب
لا ابداً الكذب كذب

بس الغلط مو في الشخص اللي كذب الغلط في الشخص اللي انكذب عليه ؛ يعني لو كان منفتح ومتقبل الشخص زي ماهو بدون اقنعه ماراح يضطره يذب عليه

[fajr __]

ع حسب اذا كان مقرب فآ بمشي معه لانه فيه سبب يخلي يكذب ؟
وبالنهآيه يقولي شالسبب بعدين يقول اني كذبت احس من اقوله و صآرت كثير
امآ اذا احد علاقتي معه بسيطه فآ بنصحه وقف عن الكذب
وطبعاً كله هذا مآيصير قدام الكل علشان مآ احرجه

[تيتشر ريماز]

شوفوا اول حاجه الاشخاص الي نتعامل معاهم انواع فيه الي احبها وتحبني وفيه الي احبها وما تحبني وفيه العكس وفيه الشخصية المخادعة وهي الي تسوي نفسها اني عسولة واخلاق وهي ياما تحت السواهي دواهي وهذي ابشركم مهما اصطنعت الى ماتنكشف على حقيقتها
المهم خلونا نجي عند الي يكذب علي وانا عارفه انه قاعد يكذب امممممممممم
اول شي امشي معاها اشوف وين بتوصل اشوف وش ناويه عليه هي معي ولى علي اذا معي فيمكن خبت عني عشان ماتبي تضايقني او حاسه هالشي غلط فتخاف من ردت فعلي ففي هذي الحاله اراعيها واصبر عليها لانها احترمتني
اما اذا علي فهذي ماتحبني وماهميتها فبكمل معاها لين الاخر واطيحها في النهاية وبكون مستمتعة لاني كشفتها ع حقيقتها لكن بشرط يكون الموضوع شي عادي مو امرخطير اويتعلق بحياة او مصير انسان لان قلبي طيب في النهاية مااقدر اضر احد حتى لو تمنذل فيني احد او قهرني