اللي محتاجين كتب من اهل عرعر "جميع المستويات"..

[saleh6464]

السلام عليكم ورحمة الله وبركاته

يعطيكم العافية جميعا .

بالنسبة لموضوع الكتب ليش بس جايبين نسخه وحدة انا والاخ اللي نزل الملازم بالمكتبة (ماني قايل اسمك :bngo12:) :tj4: كلمناهم وقلنا لهم انه عدد االطلاب كثير بس يالله نكلمهم ثاني مرة وعلى العموم يعطيهم العافية ماقصروا صحيح مافي شي بلاش بس مجهود يذكر فيشكر والعالمية صعبة قوية ومشكورين وسلامتكم.

[القناص2]

[align=center]
حبيت اشارك معكم الي يبي ملخصات بعرعر او سكاكا انا مستعد احطها له بي مكتبة يبيها للتربية الخاصة
[/align]

[سامي2]

[align=center]
اختي حياة الروووووح
اسعد الله اوقاتك
دائماً سطور الشكر تكون هي الاصعب عند الصياغه ربما انها تشعرنا بقصورها وعدم ايفائها حق من تقدم له
اختي الكريمه / تغص الكلمات بالحناجر وتعجز المعاني عن البيان بأي حروووف الثناء والعرفان تفيك قدرك على هذا الجهد الرائع والمتابعه المستمره لما يخدم الطالب
وبكل امانه كان لك الاثر الواضح بتذليل الكثير من الصعوبات التي واجهتنا
فجهودك المبذوله اكبر من ان تسطرها اقلامنا واعظم من ان تبوووح بها مشاعرنا
قدمتي لنا جل وقتك وعطائك
فكان لازماً علينا أن نرد جزءا بسيطا من معروفك
ادعو لك الكريم أن يكرمك لفعلك
أدعو لك الجواد أن يجود عليك لنشاطك
أدعو لك الوهاب أن يهب لك خير ما يهبه
لعباده الصالحين
أدعو لك الرزاق أن يرزقك الجنان
[/align]

[حياة الرووح]

السلام عليكم ورحمة الله وبركاته

يوسف العبدالله

ربي يوفق الجميع
اشكرك على هذه الدعوات ولك بالمثل ,,اللهم امين
ويسعدني هذا المرور الانيق


ابو محمد الشمري

عنوان فرع المساعديه يفيدونك الشباب فيه انا ما ادله ولا عمري رحت له
وصاحب المكتبه متعهد بتوفير الكتب لجميع التخصصات حتى لوكانت من خارج المملكه
اي كتاب تبيه اطلبه من صاحب المكتبه "ابو فيصل" مع دفع قيمة الكتاب او جزء منه ويصلك الكتاب خلال فتره قصيره
وهذا اللي انا سويته ووصلتني كتبي
يابومحمد احنا مانحدد تخصص واحد ونهمل الباقي :nono: احنا بحاجة تعاون حتى تتوفر كل احتياجاتنا بمكان واحد

انا عن نفسي عطيته اسماء الكتب اللي تخص مستواي وتخصصي ووفرها لي وجاب نسخه من كل كتاب للتصوير او حتى البيع ,,



الحياة إرادة

عليكم السلام ورحمة الله وبركاته
وجودج عندي اهو الاروع ,,
بالنسبه للتحرير العربي ماله مذكره معينه احنا معتمدين على المحتوى نطبعه كل مانزل خلينا بعيد عن كل قديم الخوف من التغيير في المنهج

والصحه واللياقه ,,هو فعلا نفس الدكتور عبد الحكيم جواد المطر ,, واعتمادنا على المحتوى اللي ينزله الدكتور + المذكره المكونه من 4 اجزاء اللي نزلها الدكتور ايضاً في المحتوى فقط لااغير ,,, انا نزلت المذكره طلعت 196 صفحه على ما اذكر

الانجلش لو كان نفس دكتورنا "غسان نايفه" طلب كتاب القرامر الاحمر 500 صفحه + كتاب لتعلم الكتابه والقراءه فقط لاغير

نصيحهه من اختج >> لا تنزلين ولا شي قديم ابدا ابدا الا اذا تأكدتي مطابقته 100% للمحتوى اللي ينزله الدكتور (( والا تراج بتحتاسين وتشتتين نفسج ))

بالنسبه لكتاب علم النفس .. روحي مكتبة المهند فرع سوق الحريم وعطيه اسم الكتاب وكل التفاصيل اللي تعرفينها عن الكتاب وراح يطلب منج مبلغ بسيط وكم يوم ويكون الكتاب عندج بإذن الله تعالى >> هذا اللي انا سويته

الله يجزاج خير على نواياج الطيبه وربي يوفق الجميع يارب

بالنسبه للتواصل لو تقفل هالموضوع راح نتواصل في مكان ثاني ماقدر اذكر اسمه الحين وراح يكون تواصلنا اكثر اريحيه
والموضوع هذاك محد حضرج منه ولا شي بس الموضوع كله انحذف

واحلى مرور


ابراهيم الغفيلي

باجر ان شاءالله يكون عندك الرقم في الخاص,,



&& خالد &&

الله يعافيك ويخليك ويجزاك خير على المذكرات
صدقني اطلبوا الكتب بشكل جدي وراح يطلب مبلغ بسيط وتوصل الكتب
الاسبوع هذا قاعدين يجمعون طلبات وراح يجيبون الكتب على الطلب روح احجز كتبك

ولاتحاتي بناس طيبه تخلي الموضوع ياخذ وقته وبعدين تقفله


اتمنى لكم التوفيق جميعاً

[حياة الرووح]

رحيق الجنة

العفو حبيبة قلبي ,,
لاااتحاتين حتى لو انج الوحيده من عرعر ادارة اعمال
روحي مكتبة المهند فرع سوق الحريم واطلبي كتاب ادارة الاعمال وعطيه اسم المؤلف واي مواصفات ثانيه
مثل دار النشر او لون الكتاب اي شي قال عنه الدكتور وراح يطلب منج مبلغ بسيط عربون ويوصلج الكتاب بسرعه
حاولي خلال هالاسبوع هذا لانهم الحين قاعدين يجمعون طلبات
بالنسبه للتواصل مولازم تكملين مشاركاتج برسل لج الحل بالخاص


saleh6464

عليكم السلام ورحمة الله وبركاته
الله يعافيك ويخليك,, بالنسبه للكتب محد طلبها بشكل جدي
صح العدد كبير ولكن مايقدرون يجيبون عدد كبير من الكتب وبالاخير محد ياخذها
انا دفعت عربون ووصلتني الكتب خلال 3 ايام
وجابو نسخه ثانيه من كل كتاب علشان اذا فيه احد يفضل التصوير (طبعاً بس كتاب الانجلش قرامر مايصلح تصوير)

عموما الاسبوع هذا قاعدين يجمعون طلبات وراح توصل الكتب لكل شخص حجز ودفع عربون
واكيد مافي شي ببلاش والله يجزاهم خير فكوا لنا ازمه والفلوس دافعينها دافعينها بكل مكان

وحياك ربي


القناص2

الله يجزاك خير وييسرها عليك اللهم امي هذا المطلوب منا كلنا نتعاون ونساعد بعض كـ اخوه
اذا تبي تحط اي شي لاتحطه الا بمكتبة المهند حتى مايضيعون الطلبه بين المكاتب
مكتبه وحده نخصصها لجميع احتياجاتنا طوال سنوات الدراسه

واشكرك بادره طيبه منك



سامي2

واسعدك الله بكل خير

اللهم امين على كل دعوه دعيتها والله لايحرمك الفردوس الاعلى

اشكرك من كل قلبي على هذه الكلمات الرائعه اللتي لا استحقها فأنا لم افعل غير واجبي تجاه اخواني وخواتي وزملائي اللذين اقضي بينهم وقت اكثر من اللذي اقضيه مع اهلي,,

كلماتك اسعدتني كثيراً واعطتني حماس ورغبه في العطاء فأشكرك مره اخرى عليها


واشكركم جمياً على مروركم

[حياة الرووح]

ياجماعه الاسبوع هذا هو لجمع طلبات الكتب ,, يعني اي احد يبي كتاب لازم يروح يطلبه
لاتنسون (اسم الكتاب واي معلومات عن الكتاب مثل المؤلف او لون الكتاب واللي يعرف دار النشر يذكرها)
حاولوا خلال الاسبوع هذا علشان ماتطوفكم الطلبيه هذي وعلشان تلحقون المذاكره مع الطلبه

اللي يعرف عنوان مكتبة المهند فرع المساعديه ياليت يذكره علشان بومحمد واي واحد مايدلها

واتمنى التوفيق للجميع

[سامي2]

[align=center]
مكتبة المهند بالمساعديه على طريق المستشفى المركزي مقابل كودوووووو تقريبا
[/align]

[يوسف العبدالله]

حياة الروح
الحياه اراده

بارك الله لكم في وقتكن

ونفع الله بعلمكن..

نسأل الله العلي القدير لنا ولكن التوفيق والسداد..

لي طلب صغيرون :

أخوكم والله وقته ضيق... عمل ... متابعه لأمور مكلف بها ... مشاغل حياه...

بالنسبه للكتب المطلوب شر ائها ياريت توضح بالتفصيل حتى نطلبها سريعاً

ويكون هذا الأسبوع تكثيف للطلب حتى تجمع الطلبات سوياً..

ثانياً :

المحاضرات الموجوده بصيغة البور بوينت ياريت واحد منكم يحولها للورد

حتى تسهل طباعتها...

أي شيء يخص التربيه الخاصه يوضع بالمكتبه ليستفيد منه الجميع..

شاكر لكم روحكم الطيبه وتعاونكم الأخوي الصادق..


* مكتبة المهند فرع المساعديه :

أمتداد الشارع اللي فيه مطعم كوفاني وطعم النافوره بأتجاه الجنوب *

[سلطان...]

مشكوره ياحياه وجزاك الله خير

المهند في مكتبتين اي وحده فيهم


اللي بالمعارض ( الجاده)

او اللي بالمساعديه ( شارع المستشفى )




وتحيتي لك

[جومانه]

مشكورره حياة الروح على مجهودك
وجزاك الله الف خير