سؤال في مبادئ البحث التربوي

[مرهفة الحس]

السلام عليكم

أنا قريت المـــاده واطلعت عليها

ومن ضمن مفهومي المتواضع الذي أتمنى أن يون صحيحا أن التغير في المستوى الدراسي" رابع- خامس - سادس "

هو تغير كمي فالمواد تزداد وتتغير كميا وليس نوعيا

وأتمنى الرد من الغاليات المهره ونجوو للتأكد من الاجابه

[نجۅۅ♥ۅۅاڼـ,]

انا جيت.......

شوفي ياعيني
من وجهه نظري


بالنسبه للصفوف تعتبر متغير نوعي طبيعي

لاننا ممكن ندرجها تحت فئات
فئة سنة رابع - - - -فئة خامس - - -فئة سادس

وبالنسبه للخيارات اللي انتي كاتبتها اتوقع اخر خيار المفروض يكون نوعي غير طبيعي

لانه المتغير الاصلي والطبيعي كلهم واحد


نجي دحين للفرق بينهم:

المتغير الكمي: دايما يكون مقدار او حجم وفيه كميه بتتغير
مثلا زي درجة الحرارة
اليوم 25
بكرة 27

بعده 30 وعلى كدا

يعني مقدار وقاعد يتغير صعودا ونزولا
-----------------------------

نجي نشوف المتغير النوعي الغير طبيعي:
هدا عشان تعرفيه لازم ترجعيه لاصله, اذا رجعتيه لاصله وكان كمي
اذن هو متغير نوعي غير طبيعي( عشنه كمي في الاصل)

مثلا عندك الذكاء
لو قلك ايش نوع متغير الذكاء؟

حتقولي على طول كمي
لانه فيه احجام ومقدار

هدا ذكائه 180
وهدا 120
وعلى كدا

بس لو قلك
عبقري- ذكي جدا - ذكي - متخلف , ايش تعتبر من المتغيرات؟

هي كدا تعتبر متغير نوعي لانها مقسمة لفئات
بس نبغى نعرف هل هي نوعي طبيعي او لا

هنا عاد نرجعها لاصلها
اللي هو انواع الذكاء ( وانواع الذكاء اصلا كمي)

اذن هنا اتحولت من الكمي الى النوعي
اذن هي متغير نوعي غير طبيعي


(( حطي في بالك دائما اذا قدرنا نحول الكمي لنوعي - يعني رجعنا النوعي لاصله على طول يكون غير طبيعي))

---------------------------------------

المتغير النوعي الاصلي ( الطبيعي):
هدا مستحيل يتقاس بالكمية
وماتقدري ترجعيه لاصله( عشان يتغير ويصير غير طبيعي)

مثلا الجنسيه:
عندك سعودي- يمني- سوري-فرنسي

استحاله تقولي هدا جنسيته السعودية اكتر من السورية

او عندك مثلا الجنس:
برضو مامادك تقولي هدا ذكر اكتر انثوي

ماتجي اصلا

يعني هدا اكتر نوع واضح



ان شاء الله اكون قدرت اوضحها

[امـ لـيان..]

كفيتى ووفيتى اختى جووووووووان يالغاليه

[المهره الاصيله]

مشااالله نجوواوون كفيتي ووفيتي

<<<<<<<<<<
على فكرة بنات ترى شرح الدكتور ممتع مع متابعة المحتوى لانه يشرح بالتفصيل نقطة نقطة وويوضحها ويجيب امثلة عشان توضح الصورة

[قاردينيا]

نجوووان ياحلى نجوان
اقنعتيني وبقوه شرحك دخل مخي مباشره
وتفصيلك يخلي اللي ما فهم يفهم
برافو عليك

[نجۅۅ♥ۅۅاڼـ,]

بس برافو علي؟؟؟؟؟؟؟؟؟

فين الحلاوة!!!!!!!!!!!!!!!!!

ياماما مافي شي ببلاش
>
.
.
>
>
>
>
>
>
>
>
>
>
>
لا من جد اهم شي انك فهمتي علي
كويس.. يجي مني

[قاردينيا]

الحلاوه عزيزتي دعوه بظهر الغيب والا شرايك

[نجۅۅ♥ۅۅاڼـ,]

صح ياقلبي



يالله انا في انتظار سؤالك التاني

[قاردينيا]

السؤال الثاني من المحاضره 7

ركز الدكتور على الامثله وبيجيب الاسئله من الامثله لكل نوع ويطلب تحديد النوع

سؤالي:نقدر نكتب في المطلوب كذا نوع والا نحدد نوع واحد

مثلاً: اختبار ستانفود-بينيه واختبار وكسلر

الا اي نوع يصنف ؟

[نجۅۅ♥ۅۅاڼـ,]

مافهمت سؤالك مزبوووط

بس اللي فهمته حقوله:

الدكتور حيجيب نوع واحد
ويسألك :

اي من الخيارات التاليه يعتبر اختبار معرفيا؟؟
أ- اختبارت القلق
ب- الثقه بالنفس
ج- اختبار ستانفورد- بينيه-

او يقول:

اختبارت الخجل من الاختبارت:
أ- المعرفيه
ب- الغير معرفيه

او يجيبلك نوعين في السؤال بس حيكونوا منتمين لنفس الفئه

مثلا
اختبار الثقه بالنفس واختبار الضغوط النفسيه من الاختبارات:
أ- المعرفيه
ب_ الغير معرفيه


او
من الاختبارت المعرفيه:
أ -ستانفورد بينيه-
ب- وكسلر
ج - الضغوط النفسيه
د- أ+ ب


يعني ماحيجيب نوعين في السؤال الا يكونوا منتمين لنفس الاختبار




لو اللي تقصديه شي تاني فسوري
ووضحيلي هو تاني