انا طالبه من الجامعه العربيه المفتوحه واود الانتساب عندكم

[صمت أنسان]

المشاركة الأصلية كتبت بواسطة shouqa

عفوا ابي منكم مساعده اذا سمحتم,,,,انا طالبه من الجامعه العربيه المفتوحه بالرياض
لي سنتين ادرس فيها بس طفيح الكيل معي من القوانين المتغيرة وكل اشوي يلغون تخصص ويزيدون مواد جديده ....الخ ....انا سمعت عن نظام الانتساب الي بجامعتكم فياريت احد يقول لي مرتاحين بالنظام مافي غش ولا معامله سيئ او ظلم بحقكم . والاهم في معادله بالمواد الي اخذتها علشان لا ابدا من الصفر "والله ظلم"...يا ريت تعطوني رد بأقرب وقت

آنا مثلك بضبط اللي عانيته من الجامعه العربيه هي زيادة المواد تغير القوانين

أنا شخصياً أرتحت مع الجامعه الفيصل أكثر من العربيه اللي همها الفلوس لابارك الله فيهم

[الطالبة المعذبة]

أنا كمان كنت بالعربية الجامعة المخيسه الله لايعيدها من ذكريات بايخة وسامجة من جد ارتحت في فيصل اقوى شي صحيح فيهم حركات تغث بس وربي اهون من العربيه

اقل شي تعرفي وش لك وش اللي عليك ماهو العربيه مصيرك مجهول وكل يوم نظام وقرار جديد واسئله من خارج المنهج حسبي الله عليهم ليل ونهار عقدوني


تعالي معنا وماراح تندمي ولو سار وندمتي ماراح يكون كثر ندمك في العربيه

[vip_77717]

باختصار .. حولي على فيصل ,,, وامورك بتكون طيبة باذن الله .. دعواتي لك بالتوفيق ..

[shouqa]

تسلمون يا اخواني على ردودكم الطيبه و ترحيبكم في وما قصرتوا من جد "صدق ضاق صدري لان مافي معادله للمواد",,,بس لي كم سؤال اذا سمحتم متى يبدا التسجيل؟..واذا بدا كيف التسجيل اروحلهم للجامعه نفسها لاني انا من الرياض فمشوار؟,,والاختبارات وين تنعقد بالجامعه نفسها ولا اون لاين كل واحد بمدينته؟؟؟ ولاحظت بعض الاعضاء يشتكون من بعض القوانين يا ريت لو توضحون اكثر علشان لا انصدم بعدين بلييييييييييز

[حلآ الدوآلي]

المشاركة الأصلية كتبت بواسطة shouqa

تسلمون يا اخواني على ردودكم الطيبه و ترحيبكم في وما قصرتوا من جد "صدق ضاق صدري لان مافي معادله للمواد",,,بس لي كم سؤال اذا سمحتم متى يبدا التسجيل؟..واذا بدا كيف التسجيل اروحلهم للجامعه نفسها لاني انا من الرياض فمشوار؟,,والاختبارات وين تنعقد بالجامعه نفسها ولا اون لاين كل واحد بمدينته؟؟؟ ولاحظت بعض الاعضاء يشتكون من بعض القوانين يا ريت لو توضحون اكثر علشان لا انصدم بعدين بلييييييييييز

خيتي من ناحية التسجيل هو تعليم عن بعدد يعني لا تتعبين نفسك وتطقين مشوآير كل أمورك تنحل وأنتي ببيتك إن شآء الله ..
بالنسبة للتسجيل الترم الثآني قفل قبل فترة والله ..
لكن خليك على إطلاع هنا بحيث تعرفين متى موعد التسجيل للسنة الجديدة ..
وبالنسبة للشغلات اللي نشتكي منها دايم هو الضغط على الموقع لكن وشسمة وجهك خير
علينآ ضبطو الموقعع وللة الحمد وطوروة وإن شآء الله مآفي مشاكل الآن ..
وبالتوفيق خيتي =)

[قمر السعودية ~]

انا مثلكم بعد كنت بالعربيه وربي مااشفت فيها يوم راحه لابارك الله فيها جامعه
نصيحة اختي حولي للفيصل افضل لأن هنا على شوية اللخبطه اللي تصير الا ان في شوية نظام ونعرف لمين نشتكي عالاقل
مو زي العربيه اللي مدري وين نولي بعمرنا لاصار ظلم كل واحد قال انا مالي شغل اسألوا اللي فوقي ولا سألنا اللي فوقه قال انا مالي شغل وهكذا
هو صحيح كل جامعه ولها مشاكل بس زي العربيه ماااشفت ولا بشوف
هنا تعرفين وش اللي لك واللي عليك تقدرين ترفعين تظلم اذا حسيتي درجاتك ملعوب فيها
بس العيب الشنيع هنا >> اهم شي شنيع انهم ماايعادلون مواد من العربيه
انتي استخيري وشوفي وش الأفضل لك
موفقه

[منتهى العشق]

هلابك اختي لاتفوتك الدراسه هنا سهله بس تبي مذاكره شوي وغير كذا نظامهم يمشي حاله احسن من العربيه ماغير صلخ ولهط فلوس وغير كذا تقدري تجمعي درجات بس هاه لا اوصيك لازم تتابعي الموقع اول بأول يعني مو خلاص تسجلي وتنامي لا تنتبهي للمحاضرات المباشرة والواجبات عشان فيه ثلاثين درجة لازم تاخذيها مو لين جت الامتحانات وجت اسألة وانتي ماجمعتي الثلاثين درجه تقومي وغير كذا حبيت اخبرك انهم راح يعادلو لك 15 ساعه فقط حتى لو خلصتي ثلاث سنوات

[صمت أنسان]

ماشاء الله أشوف معظم الردود كانت بالعربيه

أحنا بالدمام كل يوم في مبنى

[المصباح]

السلام ،،،
اختي العزيزة انا كنت ادرس بالمفتوحة المفتوحة جامعة ربحية فقط اما هذه الجامعة فهيا جامعة حكومية هدفها الاساسي التعليم وليس الربح الحقي نفسك ونظمي الى صفوف هذه الجامعة العريقة بدون مجاملة

[باسل 2020]

حياك الله بين إخوانك وأخواتك وبالتوفيق