[ جميع التخصصات ] : وزير الصحة لن نقبل توظيف الدبلومات !!!!!!!!

[اسمر ومملوح]

طيب يمكن على تخصصك شي لان والله كثير عندنا بالحسا يتوضفوون على طول اكثر مده سمعت عنها 7شهور
وكلهم حكومه بعد
وفي منهم قرايبي جلس 6شهور وتوضف

[عاطل 3]

يعني هم يقدمون على الديوان ولا كيف فهمني ؟؟

وهل تخصصاتهم صيدلة ؟؟؟

الديوان اللي في الرياض قبل ما يفتح العام الماضي اجيهم من يوم تخرجت ومايقبلون اني اقدم

يقولون اذا اعلنى للتقديم تجي وتقدم !!!

[اسمر ومملوح]

لا مو صيدله والصيدله عندنا بالحسا مقفله من الاكادميه لان اصلا التوضيف فيها بطيء
طب طوارء وتمريض اكثر شي هم الي يقبلون

[عاطل 3]

ها وش رايك ان بعدي جت دفعات كثيرة صيدلة من الاكاديمية والان فية دفعة صيدلة تطبق في مستشفى

محافظة عفيف اللي تابعة لمنطقة الرياض (الان انا اقولك يطبقون ومنتهى تطبيقهم )

اثنين من اكاديمية الدوادمي واحد من اكاديمية الرس والباقين اثنين من السباعي وواحد من معهد اسمه

اركان ..

وش رايك ؟؟؟

هذا مهو نصب عليهم .. يكلون فلوسهم واخرتها بطاله .

حسبي الله ونعم الوكيل فيهم

[اسمر ومملوح]

والله يا اخوي شووف ان بغيت الجد السالفه عندكم وعندنا وحده نصب في نصب والمفرووض يوقفون القسم الي مافيه توضيف لان احنا موقفينه ومخليين بس الي من قبل قديمين باقي لهم سمستر ويخلصون

بس شوف دبر لك واسطه ترا احين هابين الناس ادفع 15 الف واوضفك
مدري هذا نضام واسطات العسكريه كذا

مدري شوف دورك بالصحه لو بفلووس تعطيه ويدخلك بالعربي ادهن السير


حرام والله سنين تمشي
والله يعينك

[طالبه طموحه..!]

الله يكون بالعون..

[مششعل]

فيه واحد أعرفه يعمل في الشئون الصحية .. قابلته وسولفنا عن التوظيف قالي التقديم رآح يفتح قريب فـ جميع مناطق المملكة لكن تشغيل ذآتي لأن مستقبلاً تشغيل المستشفيات رآح يكون على بند التشغيل قالي كذاااا طبعاً مادون البكالوريوس

[دكتوره اسنان]

ياما بنسمع من هالقرارات

[اسمر ومملوح]

وثاني شي احنا بنتخرج ومسمى الوضيفي حقنا فني
او اخصائي

والمستشفيات مستحيل تعتمد على فلبن والنضام يبغى سعوده حالياا
يعني محد بيستغني عن الدبلووم وخصوصا لمن تدعم نفسك بشهادات ودورات ثانيه لان يكون فيها مفاضله
مثلا

انا عندي بكالريوس لحاله
وانت عندك دبلوم صيدله ودبلوم حاسب وانجليزي ودورات ومدري شنو
اكيد انت بياخذونك عني

الواحد لازم يدعم c.vحقه

وتمنيات لي وللجميع التوفيق

[طالب 360]

والله ياشباب كملوا دراستكــم وشدو حيلكم ماينفعك الا شهادتــك ..

واللي منزل الموضوع ( عاطل 3) ايش قصدك منزل الموضوع ..

الله يهديك خلي الناس تدرس وتاخذ شهادات وتتوظف واذا كان الصيدله ماعاد يوظفون ترا في ..

تخصصات يقبلونك حتى ماتكمل 5 شهور ..

وفي الاخير هذا نصيبك ..

وانشاء الله كلكم تتوظفــون ..