تجمع ماستر لغة عربية...

[صفا]

لو سمحت طالبة الهمم .. هذه الاسئلة اللي نزلتيها من أي جامعة ؟؟ جامعة فيصل ؟؟ بنات او اولاد ؟؟ وجزاك الله خيرا لو عندك نماذج من أسئلة موضوعية ....

[طالبة الهمم]

الاسئلة اخذتها من تصفح النت <مالقيت اسئلة موضوعيه
لونعتمد في المذاكرة على كتب النحو والصرف السابقة لدراسة <كمرجع افضل لنا من الاسئلة

[ابتهاج]

أنا سبق ودخلت اختبار الماجستير في قسم اللغة العربية جامعة الملك فيصل
والله يوفقنا هالمرة
المهم الاختبار يكون شامل لكل المواد واقتبست لكم مشاركتي في موضوع سابق
إحدى البنات كانت تستفسر عن طبيعة أسئلة الماجستير

إليكن المشاركة :

اولي تركزين على المواضيع المهمة في كل مادة

مثلا في النحو : المبتدأ والخبر ، كان وأخواتها ،النداء ، الاستغاثة ،التحذير والإغراء، الترخيم ، الممنوع من الصرف ... الخ

في الصرف : التصغير ، النسب ، المجرد والمزيد ...الخ

في الأصوات : المورفيم ، الفونيم ... الخ

في علم اللغة نشأة اللغة ، والأشياء البارزة لاتتعمقين كثير

في الأدب حاولي يكون عندك خلفية عامة عن كل عصر من الناحية التاريخية والاجتماعية ومن هم شعراء ذاك العصر ، وحاولي تقرأين عن فن النقائض و الأغراض الشعرية : ( المدح ، الهجاء ، وصف الطبيعة ... الخ ولاتنسين تاخذين فكرة عن الأدب في العصر الحديث

في البلاغة : الأشياء البارزة مثل : التورية ، المجاز ، الاستعارة ، التشبية ... الخ


في العروض حاولي تاخذين معلومات عن عدد البحور الشعرية وتفعيلة كل بحر أو كم بحر على الأقل
وتعريف القافية والروي ...الخ


وفي فقه اللغة : المعرب ، الدخيل ، المولد ، الاشتقاق ...الخ



وركزي على الجانب اللي اخترتيه في التخصص لأن الاختبار احتمال يكون موضوعي واحتمال يكون مقالي ولازم يكون عندك خلفية واسعة إذا كان مقالي



الله يعينك يارب
هذا اللي أقدر أفيدك فيه
ما أبي منك ومن كل من يستفيد من اللي كتبته إلا دعوة صادقة بالتوفيق

ولا تترددي في السؤال إذا عندك استفسار

وأزيد على هالمشاركة ركزوا على الآيات القرآنية اللي فيها صعوبة في الإعراب
أو اختلف النحويون في إعرابها أو تحتمل أكثر من وجه

مثل : (وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ )

ومثل هذه الآية : (إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِّنْهُ فَآمِنُواْ بِاللَّهِ وَرُسُلِهِ وَلاَ تَقُولُواْ ثَلاثَةٌ انتَهُواْ خَيْرًا لَّكُمْ إِنَّمَا اللَّهُ إِلَهٌ وَاحِدٌ سُبْحَانَهُ أَن يَكُونَ لَهُ وَلَدٌ لَّهُ مَا فِي السَّمَاوَات وَمَا فِي الأَرْضِ وَكَفَى بِاللَّهِ وَكِيلاً )
ومثل اعراب ورسوله : (وَأَذَانٌ مِّنَ اللّهِ وَرَسُولِهِ إِلَى النَّاسِ يَوْمَ الْحَجِّ الأَكْبَرِ أَنَّ اللّهَ بَرِيءٌ مِّنَ الْمُشْرِكِينَ وَرَسُولُهُ )

الله يوفقنـــــــــــــــــــا

[صفا]

لو سمحت ابتهاج .. انت تدرسين الآن ماستر .. يعني انقبلت ولا لا ... ؟؟ ولما اختبرت كان الاختبار عدة مرات .. يوم موضوعي ويوم مقالي .. ولا كله بيوم واحد .... وش تقصدين بالادب في العصر الحديث يعني بالضبط ركزوا على ايش ؟؟ شكرا

[طالبة قروية]

هلا وغلا يابنات

الله يستر علينا

الحين ابتهاج جايبه لنا من كل شي


وهذا شي حلو


بنات بعطيكم فكرهـ

وانتوا براحتكم

بس هذا بيسهل علينا كثير


وش رايكم كل وحدهـ منا تاخذ مادهـ من المواد العربيه

وتجيب كل شي مهم فيها

بذمه وضمير

وبإجمال وبشكل موضع

عشان نطبعه

ويكون أسهل لنا كلنا

وإذا موافقين


أنا باخذ النحو

والأصوات

وفي العروض


يالله اعطوني رايكم

وأنا ببدا

وخلونا نتعاون عشان نخلص

لأن بدون التعاون مابنستفيد شي

غير التعب

[طالبة قروية]

حبيبتي ابتهاج

احنا بنختبر لغويات

يعني المفروض مانذاكر هذي المواد كلها على ماأعتقد


ولا وش رايك !

علمينا الله يجزاك خير

هل نذاكر كل الي ذكرتيه

ولا المادهـ الأساسيه اللغويات والمتعلق فيها

[ابتهاج]

أخواتي أنا عندي بكالوريوس
وقدمت على الماجستير مرة والله يكتب لنا نصيب هالمرة ونصير مع بعض

انا اختبرت في اللغويات قبل سنتين وكانت الاسئلة عامة مثل ماقلت لكم
سواء في الموضوعي أو المقالي

أما الادب أحبه بس ماقدمت عليه السنة الماضية لظروف قاهرة


الله يوفقنا جميعًا
واذا حصلت نماذج لاختبارات سابقة راح انزلها ونتعاون ونحلها
وأي أحد عنده معلومات عن طبيعة الاختبار أو من بيحط الاسئلة يقول لنا علشان نعرف أسلوب الدكاترة


الله يسهل لناااااااااااا

[ابتهاج]

قصدي بالادب في العصر الحديث : المذاهب الأدبية الرومانسية والكلاسيكية و....الخ

الله يوفقناااا

[صفا]

انا سمعت ان الاسئلة موضوعي و تقريبا 25 فقرة .. بس انا حابة اعرف اللي حطت الرغبة الاولى أدب والرغبة الثانية لغويات .. تروح تختبر ولا لا ؟؟؟
أتمنى تفيدوني ... لو سمحت ابتهاج ممكن تذكرين بالتفصيل نمط الأسئلة وعن ايش بالضبط في كل مادة وبالذات اللغويات ..وبتفصيل أكثر .. شكرة لك ...

[ابتهاج]

عفوًا أختي بس أتوقع أني فصلت كثير
وهذا اللي أذكره لو أذكر شي زيادة ماراح أبخل عليكن

ولو كان عندي النموذج كان حطيته


وبالنسبة لسؤالك :

لي حطت الرغبة الاولى أدب والرغبة الثانية لغويات .. تروح تختبر ولا لا ؟؟

أتوقع ايه وإذا تبين تتأكدين اتصلي على الجامعة وكلمي رئيس القسم واستفسري منه



دعواتكـــــــــن