[موضوع عام]الي ادارة اعمال مستوى اول مستجده تدخل

[غفوة مشااعر]

صبااااحكم نقي بنقااااء أرواحكم ....

ألف مبروك للجميع بمافيهم اناااا >>>>>احم احم

ممكن تفهموني حبة حبة لأن من فرحتي بالقبول مافهمت شي فديتكم

>>>>>بانتظاااار تعطوني وجه

[ǺĽ ẕeeห]

ياسلام عليك يا مياسه "

ربي يعطيك الف عافيه "

للمعلوميه فقط "

في اغلب الأحيان التواريخ الي ينزلونها بالموقع - التقويم الدراسي -

بعضها صح والأخر غلط

ليه ؟؟

لأنهم يعدلون اشياء ولا يعدلون التواريخ الخاصه فيها يعني مثال

يقولون سداد الرسوم يوم الأربعاء بتاريخ 20 / 10 مثلا "

ويتعطل النظام ومايتعدل الا بتاريخ 25/ 10

يعني راحت 4 ايام كل هالحوسه تصير بس مايعدلونها بالموقع عرفتو "

يعني يبغالكم متابعه يوميه واوليه للمنتدى والموقع والخدمات "

عشان تعرفون كل جديد ""

[ǺĽ ẕeeห]

المشاركة الأصلية كتبت بواسطة غفوة مشااعر

صبااااحكم نقي بنقااااء أرواحكم ....

ألف مبروك للجميع بمافيهم اناااا >>>>>احم احم

ممكن تفهموني حبة حبة لأن من فرحتي بالقبول مافهمت شي فديتكم

>>>>>بانتظاااار تعطوني وجه

ياهلا ياهلا "

حيا الله بنت عمي احنا من بيت ( المشاعر )

انا دفئ وانتي غفوه حسيت اننا غرفه استرخاء مع اسامينا الشاعريه

الف مبروووك ياغلاي وحياك ربي معنا منوره ""

حياك الله بين اخوانك وخواتك "

ابد لا يردك الا الكيبورد " آمري واتدللي كلنا تحت امرك وانا اولهم "

اسألي وبتلاقين الجواب ان شاء الله ""

[мιѕѕ 7ησσ]

ي لبيه كلنا مسسسستجدات يعني فهاااوه جمااعيه هههههههههههههههههه

الله يستر ويسهلها

[طلول]

تحياتي لطلاب وطالبات ادارة اعمال مستوى اول
انا الان مستوى ثاني تصدقون اني ما ذاكرت الا قبل الاختبارات بفتره قصيره ولا دخلت على المحاضرات المباشره ولا حضرت ولا محاضره وعديت بمعدل 3.5 والحمد لله
أبشررركم الامور سهله
لا وانتم يابنات ماشاء الله عليكم راح تاكلون الكتب اكل
المهم انا عندي ملخصات وكتب واسئلة ادارة اعمال مستوى اول تاعب عليها بجدددد ومن تبيها
انا حاضر ولا يحتاج تعب حالها كل شيء عندي من اول الكتب الى اخرها وانا من سكان مدينة الجبيل الصناعيه
واتمنى لكم التوفيق

[في امل]

كيف اقدر اخذها منك انا من سكان مدينة الرياض جزاك الله الف خير

[طبعي هدوء]

مرحبا اختي في امل انا كمان جديده توي مسجله بالجامعه
وكمان من اهل الرياض
شوفي بقولك حاجه بصراحه من سجلت عضويتي الى الان وماشاء الله على الاعضاء ماقصروا باي سوال نساله يردون رد وافي عليك فيه
بعدين انا دخلت الاقسام واقراء كل شيء واخذ فكره عن الدراسه والاسئله والمواد وكل شيء
باذن واحد احد طول ما احنا مع بعض ونساعد بعض مافيه شيء راح يصعب علينا
ودعواتي بالتوفيق للجميع اللي توهم بدايين واللي لسه ما تخرجوا

[غفوة مشااعر]

المشاركة الأصلية كتبت بواسطة دٍفٌئ المٍشٌّاعٍر

ياهلا ياهلا "

حيا الله بنت عمي احنا من بيت ( المشاعر )

انا دفئ وانتي غفوه حسيت اننا غرفه استرخاء مع اسامينا الشاعريه

الف مبروووك ياغلاي وحياك ربي معنا منوره ""

حياك الله بين اخوانك وخواتك "

ابد لا يردك الا الكيبورد " آمري واتدللي كلنا تحت امرك وانا اولهم "

اسألي وبتلاقين الجواب ان شاء الله ""

هلااابك ياقلبي ياالبى روووحك يابنت عمي وياخوفي تروح علينا نووومة وحنا مسترخيين عموما الله يسعدك ومايامر عليك عدو فديتك ألحين ابيكم تشرحولي آلية الدراسة كيف وهل المحاضرات كلها مباشرة مع الأساتذة يومية ولا مسجلة والواجبات كيف نظامها تكفووون الفزعة يالربع أبي افهم
وبس يوصلني الرقم الجامعي بنسدح هنااا
والله يعينك والله يوفق الجميع بس كبروا اذانيكم وشغلواا الإريال واضبطوا الردار وبدووون فهاااااااوة هعهع

دمتم بحبـ

[ميووم]

مرآآحب ..

انا بعد جديده

ولا اعرف شالسالفه كنت متحمسه ويوم جا وقت الجد ووقت ارسال الاوراق حسيت جاتني فهاوه

مدري ارسل اوراقي او اطنش

مرات اذا قريت كلام بعض الاعضاء احس بطني يمغصني من الخوف ومرات اذا قريت ردود ثانيه احس ان هالدراسه ماعندهم سالفه

[ǺĽ ẕeeห]

المشاركة الأصلية كتبت بواسطة طلول

تحياتي لطلاب وطالبات ادارة اعمال مستوى اول
انا الان مستوى ثاني تصدقون اني ما ذاكرت الا قبل الاختبارات بفتره قصيره ولا دخلت على المحاضرات المباشره ولا حضرت ولا محاضره وعديت بمعدل 3.5 والحمد لله
أبشررركم الامور سهله
لا وانتم يابنات ماشاء الله عليكم راح تاكلون الكتب اكل
المهم انا عندي ملخصات وكتب واسئلة ادارة اعمال مستوى اول تاعب عليها بجدددد ومن تبيها
انا حاضر ولا يحتاج تعب حالها كل شيء عندي من اول الكتب الى اخرها وانا من سكان مدينة الجبيل الصناعيه
واتمنى لكم التوفيق

وشووو ؟؟ مانزلت ولا شاهدت المحاضرات لا مباشره ولا غيره ؟؟

وجبت معدل 3.5 شي جميل صراحه : انت اول واحد يمر علي من سنتين ويقولي هالكلام "

الله يوفقك يارب

هي 30 درجه

10 واجبات و10 منتدى حوار و10 محاضرات مباشره "

انت المفروض 20 درجه رايحه منك " بس مشيت ؟؟ غريبه والله هههههههههههاي

بس نصيحه لا عاد تعيدها ""

المشاركة الأصلية كتبت بواسطة غفوة مشااعر

هلااابك ياقلبي ياالبى روووحك يابنت عمي وياخوفي تروح علينا نووومة وحنا مسترخيين عموما الله يسعدك ومايامر عليك عدو فديتك ألحين ابيكم تشرحولي آلية الدراسة كيف وهل المحاضرات كلها مباشرة مع الأساتذة يومية ولا مسجلة والواجبات كيف نظامها تكفووون الفزعة يالربع أبي افهم
وبس يوصلني الرقم الجامعي بنسدح هنااا
والله يعينك والله يوفق الجميع بس كبروا اذانيكم وشغلواا الإريال واضبطوا الردار وبدووون فهاااااااوة هعهع

دمتم بحبـ

هلا ببنت عمي المزيونه "

ابد ماطلبتي شي انا كلني لك "

شوفي ياعسل " اليه الدراسه هنا حلوه وسهله ومع الوقت بتتعودين عليها ""

المحاضرات تنقسم لقسمين في شي اسمه محاضرات مسجله وفي محاضرات مباشره

المسجله هذه الي تحضرينها وتشوفينها او تسمعينها وتطبعين محتواها وتذاكرين منه "


والمباشره هذه تنقسم لـ 3 لو 2 تكلمين فيها الدكتور وليس الدكتوره "

تشوفينه ومايشوفك وتسمعينه ويسمعك وتسألينه كيف طريقه الأسئله والواجبات وكل شي براسك "

وعليها 10 درجات "

وان ماقدرتي تحضرينها بوقتها بتنزل لك ع النظام كل الي عليك هو انك تدخلين وتحملينها وبتحسب لك الـ 10 كأنك دخليتها "

والواجبات من تنزل بتشوفين الحل هنا بالقسم شوفي وش الجواب وروحي اختاريه وتنتهي السالفه لأن الأسئله اختيارات فقط ""

وعليها 10 درجات بعد

وفي شي اسمه منتدى الحوار خاص لكل ماده هذا بأشرحه لك بعدين احسن اخاف اخربطك " لازم يكون معاك رقمك السري عشان تدلين ع البلاك بورد << النظام الي نشوف عليه المحاضرات "

وبعد عليها 10 درجات

يعني 30 درجه بيدك لازم تجيبينها

و70 درجه للإختبار النهائي "

كذا حلو ولا تبين ازيد لك معلومات بعد ؟؟

المشاركة الأصلية كتبت بواسطة ميووم

مرآآحب ..

انا بعد جديده

ولا اعرف شالسالفه كنت متحمسه ويوم جا وقت الجد ووقت ارسال الاوراق حسيت جاتني فهاوه

مدري ارسل اوراقي او اطنش

مرات اذا قريت كلام بعض الاعضاء احس بطني يمغصني من الخوف ومرات اذا قريت ردود ثانيه احس ان هالدراسه ماعندهم سالفه

الحين مارسلتي ولا شي لا اوراق ولا حاجه ؟؟

اذا مارسلتي بجيب عصاتي واعلمك السنع وش تحترين ياقلبي يلا بسرعه لا ينتهي الوقت "

واذا رسلتي انتي شطوره واموره وحبيبة قلبي "

رسلتي ولا لأ ؟؟