سآعدونآ لغض البصر . . . !

[~Mrs.ENGLI$H~]

والله

اللي فيها بلا بتسويييييييييييه بتسويييييييييييييه لو انها لابسه مية عبايه على بعض


واللي محترمه محترمه وين ماتحطها بتلاقيها هي هي مافيه شي يغيرها


لا نقاب ولا برقع و لا نص كم و لا شي


عني من غير نقاب على قولة تشتيتي لبى قلبها اقعد اصاقع بالعالم


( وانا في ثاني متوسط اموت ما انسى هذيك الصقعه ... خالتي اكبر مني بسنتين وأصررررررررت الا أغطي وجهي بالشيله مرتين ... طبقيتن .... يا زعم انها تعلمني الأصول ... بغت تعدمني الله يسامحها .. ماقمت اشووووووووف ولا ادري الا انا صاقعه بلمبة الشارع و تتورم الشفه الفوقانيه عندي وصارت تنزف طول الدوام وصداع مو طبيعي وأنواااااااااااع البكا .. وهي طبعا تحسفت بس بعد ايش؟ .. كرهت الغطا و اقسمت ماعاد اغطي عيوني لوووووووووووو يصير فيها اللي يصير ... المسأله مو عباطه ولا بد من الثقه و ثبت البنت انها فعلا اهل للثقه وجربت نفسي كذا مره من غير غطا مااااااااااا اقدر ..)




( موقف ثاني قدامي بنت مغطيه وجهها بطبقه وحده وملامحها مو باينه مررررررره بس تنشاف ... واضح انها باقي 16 سنه بس العبايه مكبرتها شوي ... ورا امها المندمجه جدا مع الحساب .. وفيه واحد عند مدخل المكتبه قاعد يبصبص لها اقل شي عمره اربعين يا الله كبرا بهدايه !! .. وهي تتبسم له ومتشققه ... لو قرب شوي منها لمليء منها رعبا و ولى منها فرارا ... الحمد لله والشكر بس اغتر الـــ.... بالمنظر الخارجي ... بغيت اكلم امها بس قلت بلاش ... هو بيكتشف ويتفل عليها اصلا بعد ما يتفل على نفسه و ع الشيطان اللي ما صدق معاه .. وامها مو غشيمه كان انتبهت لبنتها .. تنتظر خلق الله يقولون لها الغطا غلط؟ )




سوري ع الطواله بس موضوع ذو شجون وتو مخلصييييييييييين هم الاختبارات ..فالإنبساط على اشده

[دوحه غَنّاء]

مسكين أنت أيها الرجل .. كل شي يجيبك

صدقت

وحديث الرسول صلى الله عليه وسلم بأن المرأه هي الي تاخذ لب الرجل العاقل

وكم من سقوط رجل كان بسبب امرأه




بس بقلكم شغله

ترى الحريم عندهم شيء اسمه مكياج سووووق

والبعض الله يعافينا وصل بها الامر الى انها تروح للمشغل وتقول لهم حطي لي مكياج سوق قبل تطلع السوق

والبعض مسكين يسحسل على باله كل ذا جمال

وربي ما تسويها الا لنقص فيه

والمره ادرى بالمره



أما البعض الي يقول تطلع عيونها وما تحط مكياج


والي عيونها مكحوله خلقه ؟؟ مب فتنه ؟؟


فيه حركه والان حتى صاروا يخيطون بعض النقابات والبراقع ويحطون الحركه هذي فيه

وتقدرون بعد تسوونها

وهي تنزيل جزء من غطاء العيون على العيون بحيث يبقى الي تحت

يعني انتي تشوفين دربك تمااااااام بس الي قدامك ما يشوفك




بالنسبه للحياء الله يعافينا

همسه


تروا الستر من الحياء رضي الله عن عثمان بن عفان كانت الملائكه تستحي منه من شدة حيائه حتى انه كان

يستحم جالسا





وفيه ناس ما ادري ايش اسميهم

احيا تلتفت تدور احد من اهلك ولى الصغار بيروحون ماكن وتناظرهم تبي تنتبه لهم

وناس مشافيح ما يصدقون احد التفت يظنون انك ميت عليهم

لمجرد انهم بس شافوا راسك صوبهم ولى لا عيونك ولا بالك معهم



اما هل تلك الأنقبة وضعت حد للنساء بعدم النظر لأي طرف آخر ؟؟

فيه نساء اخذوها فرصه لتستر واخذ الراحه

[دوحه غَنّاء]

المشاركة الأصلية كتبت بواسطة لوجي الشرقية

....

انا عن نفسي لا استخدم النقاب ولن استخدمة وافضل الغطآء لشي بنفسي

واحيآن اكشف
...

الحين انتي تتغطين ولى تكشفين ؟؟

[منذو مبطي]

لكل من مر من هنا شكراً ..

وأود البداية بتوضيح واعتذار ..
وهو موجه للمشرفة الكريمة أشوااق بارك الله في جهودها ..

فيما يخص الصور ..
أنا مع توجه المنتدى 100% بخصوص الصور النسائية أو الصور التي لا تليق بشكل عام
(وأتمنى لو تم مراجعة بعض الصور الشخصية للأعضاء)

وعندما وضعت تلك الصور لم أكن أقصد تجاوز المحظور أو اقتراف واكتساب الذنوب

فالصور لها هدف آخر غير هدف الموضوع الرئيسي ..
وكنت تحديداً أوجه رسالة - وأتمنى أنها تكون وصلت - توضح التدرج الذي يتم بخصوص النقاب

والكل قد لاحظ هذا الأمر .. خصوصاً من عايش فترات سابقة - 30 سنة وأكثر -

فالقصد .. أن الأمر يبدأ بسيطاً وينتهي بآخر صورة والتي كانت كاشفة الوجه إلا من غطاء خفيف لا يستر شيئاً


فلكِ ألف شكر يا أشواق
وزادكِ الله حرصاً



سنعود بعد قليل

[منذو مبطي]

المشاركة الأصلية كتبت بواسطة تشتيتي مركز

اولا انا من الناس اللي يلبسون نقاب .. نقاب مو لثمه .. ولو ما البسه بديت امشي واصقع بالعالم والاشياء مو قصرنظر لاني تعودت عليه ..

أمممم .. يعني الأمر قابل للتعديل في حال كان التعديل أفضل

بداخل نفسي ... لي نظرتي الخاصه .. للنساء .. اعرف اللي هدفها استعراض واللي جايه تقضي شغلتها وتروح ..

أنتن أبخص بشؤونكن

واعتقد سر قوه الاتصال بالنقاب .. لان الاتصال يكون باللحظه نفسها .. يعني لما تكون مغطيه عيونها ممكن هو يطالع وهي مو لمه ويمكن هي تنتبه ويكون هو صاد .. فما يكون تواصل مباشر ..

ممتاز .. يعني يا دار ما دخلك شر

احياننا في حريم يتنحوون وتلقاها تطالع وفجاه تكتشف انها كانت تهوجس .. ومو لم اللي قدامها ..

لا تكون مختبره رياضيات عند أبو طاهر

هل تلك الأنقبة وضعت حد للنساء بعدم النظر لأي طرف آخر ؟

بصراحه تضع حد قوي .. احسب للالتفاته الف حساب .. لاني ما ابي عيني تطيح بعين احد ولو طاحت بالصدفه يصيبني توتر لاني ادري انها بتنفهم غلط وما احب احط نفسي بهالموقف السخيف ..

ههههههههه وش رأيك طيب تآخذين حريك بالتلفت والمناظر
وإلا تنحجرين بالإلتفات .. ويمقن عينك تطيح بأحد ويمقن ما تطيح << طاف بيمقن

ما مدى الخجل والحياء لدى كلٌ من الطرفين في تلك الحالات في مجتمعنا ؟؟

تعتمد على الشخص نفسه سواء رجل او مرءه .. فيه ناس وجيههم مغسوله بمرق ..
*عرف عن النساء الحياء والرجال من شيمهم غض البصر ..

لكن ترى من النساء من هي طويله لسان وهي من تسلط بصرها .. وقد تصادف من يغض من الرجال ومحترم نفسه وقد تصادف من يطير بين طيات العجه ليلتقيا بين متاهات النظر ..

وبالنهايه اعتقد النقاب .. هو الشراره الاولى ..

ههههه الخوف من هالجنس الله يكفينا شرهن هههههههه

يا زين الستر زيناه ..

لي عوده فالموضوع يطول فيه النقاش .. تحيه لك ..

بانتظار عودتك الميمونة ..
راح نشوف شد شوش بعد شوي

[منذو مبطي]

المشاركة الأصلية كتبت بواسطة Mnoo0or

ما رؤيتكم لتلك الوسيلة للاتصال الصامت والقوي ؟؟

أكيييد مؤثره ودليل ان الله عز وجل امر بغض البصر .

صدقتِ ..

المشاركة الأصلية كتبت بواسطة Mnoo0or

ما مدى الخجل والحياء لدى كلٌ من الطرفين في تلك الحالات في مجتمعنا ؟؟
بصراحه احس ماعد فيه خجل هاليومين والله المستعان

مع الأسف .. إجابة تحكي واقع يؤلم البعض

المشاركة الأصلية كتبت بواسطة Mnoo0or

هل تلك الأنقبة وضعت حد للنساء بعدم النظر لأي طرف آخر ؟؟
لا من اجل حمايتهن من الأذيه والله اعلم

عذراً .. أحس أن الفكرة لم تتضح << أو إني متنح على هالصبح

كنت أقصد .. بالنقاب النساء لا يستطعن النظر للآخرين بحرية
أما عندما تكون ساترة أعينها فهي تستطيع أن ( تبحلق ) كيف شاءت


شكراً لكِ منور لمرورك

وشكراً لمساعدتك لنا في التحصيل العلمي

بارك الله في جهودك

[تشتيتي مركز]

الصدق براسي نقااااش بس حاليا انا اشد الرحال للباريسيه .. بعد ما ارجع ابشوف الاكشنات اللي صارت هنا .. هذا اذا ما آاااال الموضوع لما آاااال له غيره ..


هههههههههههههههههههههه واللي تطالع مفيهيه هذي ميه بالميه ممتحنه رياضياتعند ابو طاهر ..

ههههههههه وش رأيك طيب تآخذين حريك بالتلفت والمناظر
وإلا تنحجرين بالإلتفات .. ويمقن عينك تطيح بأحد ويمقن ما تطيح << طاف بيمقن

ههههههههههههههههههه

كل الموضوع عاده احس اني بصندوق بمعزل عن العالم .. هذا غير الكتمه والصداع بسبب التركيز بالاشيا بالمحيط الخارجي .. جربت كذا مره بالعمره من جد تنحشر شياطيني..

قابل للتعديل .. بس ربك الهادي ..


ابقرا وردي على الموضوع من الحين طاح نصه .. الله يستر على النص الباقي .. لان النقاش بيصير فيه شد ومد ..

[منذو مبطي]

المشاركة الأصلية كتبت بواسطة عُرَيْب

الموضوع في الطرح لا يجلب الزعل

لكن صورك
لو اكتفيت بالمضمون لكان افضل فلكل يعرف اشكال النقاب إلا من كان ضريراً

أشكرك من كل قلبي لحرصك .. وكثر الله من أمثالك

أوضحت القصد من الصور في أحد المشاركات السابقة

ولكِ الشكر ..

المشاركة الأصلية كتبت بواسطة عُرَيْب

..

رداً على اجوبتك تريدها بعيده عن المنظور الشريعي لانك لست أهل لذلك ولست أنا كذلك ..

لكن لو بحثت عن الادلة والاحكام لوجدت الحل الشافي لجميع التساؤلات
الاسلام لم يضع حكم شرعي لغرض السيطره او التميز .. فنحن لا نجهل ما يجلبه التبرج من الفتن ومن اضرار ..
موضوعك أخي تناول تبعات تلك النقابات .. وللحد منها او محوها تحتاج للرجوع الي ماقبل النقاب فتضبطه
اعتذر لست بارعه في الجدل والنقاش ولا احب التقيد بأسئله معينه ..

شكراً أخي عـ الطرح ..

أمممم .. لا بأس

لنوضح نقطة معينة ..

لدينا كثير من المخالفات الشرعية .. وجميعنا لديه القناعة التامة أن الالتزام بالشرع من قبل الجميع يوصلنا لبر الأمان

هذا كلام لا خلاف فيه .. ولكن يبقى لدى البعض منا بعض التجاوزات
والتي تحتاج ايضاح بأسلوب آخر ..

وقد يكون استناد البعض في التجاوزات إما للتهاون أو لفتوى شرعية فيه اختلاف بين أئمة الفقه

لذا - وهذا ما اجتهدت فيه وأرجو التوفيق - فإن طرح بعض المخالفات بصورة تثير الاستفسارات لدى الشخص
قد - وأقول قد - يحرك ساكناً في قناعاته أو تهاونه ومن ثم يحصل التغيير

وهذا هو الهدف

المشاركة الأصلية كتبت بواسطة عُرَيْب

موضوعك أخي تناول تبعات تلك النقابات .. وللحد منها او محوها تحتاج للرجوع الي ماقبل النقاب فتضبطه

اعتذر لست بارعه في الجدل والنقاش ولا احب التقيد بأسئله معينه ..

أوضحت أعلاه رد لهذه الجزئية ..

وأنتِ ترين أن التهاون في الأمر هو السبب للنتيجة ..
هذا كلام منطقي .. وسنصل إليه في آخر الحوار

ولكن أن يكون الموضوع كليشة من مواضيع أخرى .. والبحث ينصب لاحقاً عن مشروعية النقاب وحدوده وما إلى ذلك

برأيي أننا لن نحقق تقدم نحو الهدف

ولكن أحياناً نحتاج لطرح موضوع لتخرج لنا النتائج التي نعلمها مسبقاً كوسيلة لدعم أو اقناع البعض


على كل حال .. أشكر لك اهتمامك ومرورك ..

[منذو مبطي]

المشاركة الأصلية كتبت بواسطة الفراق الصعب

هههههههههههههههههههههه اول صوره تسطحت من الضحك لو انها مغطيه وجها ابرك ههههههههههههه
اخوي لو الوحده تطلع العيون من غير مكياج ابدمستحيل تلتفت لها
بس الله يهدي البنات
فعلا العيون صارت لغه اشاره بين الرجل والمراْه والمشكله الي عندها ضعف نظر لازم تطلع عيونها في كل مكان

طبعاً المكياج يزيد الطين بلة

وهذا من الزينة .. وقد نهي عن هذا الأمر

ولكن ما دام أن عملية التواصل موجودة بين الطرفين .. فتظل المشكلة قائمة

ضعف النظر بنظري هو نسبي لحاجته ..

قد لا تحتاج المرأة لأن تنظر لمسافة تزيد عن 10 أمتار .. وبالتالي فالأمر يعتبر ليس ضروري

وفي حال الضرورة أعتقد أن الأمر في ذلك واسع


شكراً لكِ ..

[آبيات]

هل تلك الأنقبة وضعت حد للنساء بعدم النظر لأي طرف آخر ؟
مو النقاب اللي يضع حد لعدم النظر دينها وحياها وتربيتها وعقلها ورقابتها ع نفسها هي اللي تضع حد بعدم النظر الطرف الاخر .