شاب سعوي ينتحر بسبب فقدانه الأمل بالحصول على وظيفه

[يآرب وفقني]

..

بصراحه ضآق صدري من هالخبر ..

معليه الرجال عندنا يقدر يسوي اي شيء حتى لو يسوق تكسي ..

اعرف الكثير متخرجين من جامعات معروفه ووظيفته جدآ عاديه الدنيا تجيء بالتدريج الواسطه إذا خنقتكم اخنقوها بأنفسكم ، شدو الهمه حطو الملفات في كل مكان حتى لو وظيفه بالف ، من خلال علاقتك بالعمل راح تجيك وظايف بالهبل ..

مشكلتنا الواحد لاتخرج مهندس قال ايه ابي مكتب لوحدي واكون مسؤال نفسي ولاابي احد يشترط علي شيء

وحده من صديقاتي تقولي عن خالها تقول خريج ثنوي وش لون جمع تجارته عن طريق يبيع خضار وشوي شوي صار تاجر معروف وله محلات معروفه ..

اجل وش انقول عن حال البنت اللي لاتسوق سيارة وفرص العمل عندها قليله يامعلمة وان كثرت مكتب في مدرسه ..

وسعُ مداركم ، حتى لو انك متخرج بامتياز من جامعة ولالقيت وظيفه الاجدآ عاديه ولاهي بمستواك ارضى فيها

ماتدري يمكن هالشيء ابتلاء واختبار من رب العالمين


ماقول الا ياقلب امه هي المتضرره من الموقف ..


الله يرحمنا برحمته

[أشواااااق]

لاحول ولاقوة الا بالله

الله يرحمه

لاتكن للعيش مجروح الفؤاد ...... انما الرزق على رب العباد

[ابن فـــهـــد]

عندنا للامانه في جميع قطاعات الدوله بدون استشناء

خونه بكل ماتحمله هذه الكلمه من معنى وهناك مرتزقه منحطين مصلحتهم
فوق كل اعتبار لو يروح الشعب في حريقه

وبعدين ياناس ابي اشوف وزير شباب كلهم شيبان رجل في القبر ورجل في الدنيا

والله الحكومه وحكامنا مايقصرون بشهاده من يشتغل عندهم
ولكن في ناس ماتبي الشعب يسترزق - خذ مثال ع ذالك

وزير الصحه : تخصصه طب وحاطينه وزير

ياخوي الوزير على الاقل يبيله شهاده اداره ماهب كل من هب ودب صار وزير
ما اقول الا حسبي الله على من كان السبب وجعلهم
يشوفون كل اللي سووه في الشعب في عيالهم علشان يحرفون ان الله حق

[نبض الوجود]

اقسم بالله اني غاصه بعبرتي وانجبرت دموعي تنزل
استغفرالله يارب احسن خاتمتنا فالامور كلها ..
تدرون للاهل برضو حمل كبيييييييير بنفسية الولد انا عندي واحد من اخواني مستهتر شويات والله يسامحهم يقولون له "انت حرمه انت تخلي الحريم تصرف عليك انت ... وانت "
بالله عليكم الواحد لمايسمع كذا وش يصير بحالته
أنتبهو لعيالكم واخوانكم وقرايبكم الله لايفجعنا ولايفجع كل مسلم يااااااااارب
والدنيا ماوقفت على وظيفه معينه أي وظيفه بالحلال تستر الحال كلنا بنروح الدنيا مادامت لأحد
كلنا عندنا أمنياااات وأمااني بس لو الواحد يفكر شويات يلقى انها كلها أمنيات عيش يومك وربك كريم
"وأعلم بأن الله ماخلقك ليعذبك"
سبحان الله وبحمده .. سبحان الله العظيم ...