[ المناقشات ] : طريقة المشاركة في المناقشات..

[عِصآميهة]

لاتكثرون لنا من ذا المواضيع خلاص يرحم آمهاتكم جلطتونا

[فهد كول]

تكرار مثل هالاسئله راح يحرمنا
امتيازات كثيره ، ماتدري يمكن بكره يلغون درجه المشاركه
والسبب نشرها من قبل الطلاب
يعني
شوفونا ننسخ ونلصق

الموضوع شبع طرحا مثله مثل الاعتراف بالشهاده

[اللورد 777]

الخلاصه الجامعه فيها مشاكل بنظامها عشان كذا مايفرق بين الطالب الي حل ولا اعتمد مكتبه ولايوجد لديهم سياسه مجرد تخباطات تبرر بأنها سياسة طول عمرنا ننسخ والفل مارك بس انا من زملائي انخصم علي فهي غلطة منهم ولاحل لديهم لها فتبرر بالسياسه لأنهم حطو نظام يبين للطالب شار ك ولا لا اسمه الخطة شي زي كذا كل واحد يخلص يصور الشاشة لهم انه شارك كامل يطلع له صح بالاخضر تابعوهم بالأدله تحسب لأي خصم

[منتسبة جديده]

كتاااااابة بعد التحذير الترم اللي راح

[الساهر 2013]

طيب كيف بيعرفون اذا كانت نسخ ولصق او كتابه ..... ما اعتقد فيه طريقه يقدرون يحددون ان المشاركه هذي نسخ والمشاركه هذا كتابه

اعتقد انه مخطئ من يعتقد انها تفرق

بس العماده تدخل تلقى مشاركه واحده او ثنتين وزيها عشرة الالاف او خمسة عشر الف زيها فا اعلنوا هالاعلان.

وانا مش مع لا النسخ واللصق والا النقل من مناقشات الاخرين

عندك ملخص وعندك الكتاب المقرر واهم من هذا وذاك عندك "عقل" حباك الله به دوناً عن باقي مخلوقاته

اللي بيجي يقول لي الوقت وما يمدي وعندي شغلات ثانيه, اقول له\لها اننا منذ ان ولدتنا امهاتنا وحنا مشغولين, ولا اذكر ان احد توفاه الله وهو مخلص كل اشغاله, الا ما يكون مات وعنده شي المفروص يسويه ولا سواه "بعد عمر طويل طبعاً"

لكن سيد البشر صلى الله عليه وسلم قال "ان الله يحب اذا عمل احدكم عملاً ان يتقنه"

الله سبحانه وتعالى يحب عملك "فيه اجمل ولا احلى من كذا" الله يرى عملك ويحبه بس بشرط .... يكون متقن.

بالتوفيق للجميع

[وليد الطائي]

اعتقد كيف يكشفون النسخ والصق هي المشاركات المتعددة في وقت قصير



يعني مشاركة من المفترض انها تأخذ 5 دقائق تجدها ومعها 4 مشاركات في اقل من دقيقة

يعني ما يبيلها تفكيرررر

[gogi]

الأفضل الكتابه أصدرت الجامعه تحذيرات راح تطبق من هذا الترم أن شاء الله
مو لازم تكتب الاجابه الطويله كامله يكفي سطرين أو سطر المهم كتابه هذا الافضل والله أعلم ..
وياليت يتقفل الموضوع مثل هالمواضيع تفتح لنا أبواب نحن في غنى عنها ...

[تركي العياش]

بطريق السحب والتضليل ارى انها طريقة رائعه وقد استفدت منها كثيرا ً

والاهم انك ماتحلين مناقشات كثيره لماده وحده بوقت واحد عشان مايصير لخبطيشن في النظام يعني حاولي توزعيها