رسالة الى ادارة كلية الآداب

[أميره بذوقي]

وكل شي رـآقي حتى المواقف ما يجون بفتشوون عليك ويشوفون السواق وش يقرب لك بكل همجية<-- اقصد الهيئه

أخت ريم شكلك ماتحامله كثير ع الهيئه هم جالسين يقومون بشغلهم
وصدقيني مب قصدهم أنهم يضيقون عليكم بس تذكري دايم ياختي
أن (مافي دخان من غير نار) وشوفي الاسباب اللي خلتهم يشددون على الطلعه والدخله
وهم يسون واجبهم لان بكره هم محاسبين قدام رب العالمين على أشياء شافوها ومانصحو البنات ولا شددو عليهم
حتى أنا وأنتي وغيرنا لما نشوف الغلط ونسكت عنه محاسبين عليه
(الساكت عن الحق شيطان أخرص)
وربي يوفقنا وياك أختي على الخير

[sOo]

موضوع الهيئه مانقدر نقول فيه شي
لأن فعلا فيه بنات مانقدر نحكم تصرفاتهم وماينفع لهم الا الهيئه

بس موضوع رقي الكلية والتعامل والاحترام هذا يبيله صفحه كبيره وخاصه فيه
انا اشوف لو يحطون مكتب خاص بالاستشارات بالكليه (لان مو كل الناس عندها نت) ويكون مفتوح دائماً ومايتسكر ابداً من 8 الصبح الى 2 الظهر وبالنسبه للي يشتغلون فيه يتناوبون فيه (عشان الفطور) ويتحاسبون اذا ماتواجدوا في مكاتبهم (نجي للمحاسبه نبطي) ويصير عندهم علم بكل شي
كل مايستجد في الكلية من انظمه وقوانين وبعد ع جدار المكتب يتعلق بكل مايختص بأي نظام وتاريخه ومكان اصداره (لان القوانين الوضعيه من راسهم يعني واجده) وبكذا ترتاح روسنا وروسهم
ويكون احنا ياطالبات الانتساب مالنا اي حق بعدين بالنقاش لأن وفروا لنا مكتب استشـــــــــــــــــارات
والمفروض يكون فيه رقيب وحسيب ع معاملة الموظفات

طبعا الكلام اللي فوق مجرد ( حلـــــــــــــــــــــــم ) وليس ( واقـــــــــــــــــــــــــع )
أعتذر لاعادتكم إلى ارض الواقع

[ريـ الفلا ـم]

طـآيب فيه اسـآليب احسن من انهم يوقفون السيـآرـآت

فيه الطريقه يلي ذكرتهـآ لكم :)

لو يسونهـآ افضل بكثييير ورـآح تووفر عليهم

هـي لهـآ آليه معينه ونظـآم حتى فيه كيمرات عند البـآب تصور كل سيـآره دـآخله

بكذا تصير اررقىىى شووي

احسن من فرارتهم في الشموووس ويلحقون البنـآت الين يركبون سيـآرتهم


والهيئه على عيني ورـآسي و جزـآهم الله خير :) ..~

[ري ري]

ما أقووول غير حسبنآآآآ الله و نعم الوكييييييل << كل يوم أعيدها هالكلمه

من جد مافي كلام يوصف حالنآآآ الطاقم الاكاديمي كله يبي له تغيير واولهم العميده لانها ساكته عن
كل اللي يصير لا تقولون ما تعرف ,, شايفه وساكته

الواحد صار يكره يروح يراجع بالاداره انواع الاهانات والذل تحسين انك
تشحدين منهم ادخل عالمكتب واسلم مايردون ولاكنهم شافوا حد لو سمحتي ياهووو يالحبيبه << لاحياة لمن تنادي (((والله تجيني الصيحه عند هاللحظه
ماسكه نفسي لابعد حد ,,ماابغى اغلط

وقبل كم يوم دخلت مكتب السكرتاريه ل أ.سعاد الشايقي لاني لقيت مكتبها مقفل
المهم دقيت الباب ودخلت طبعااا محد عطاني وجهه ساعه اصارخ لو سمحتي لين تكرمت وحده ولفت علي سألت عنها قالوا مو موجوده بتجي شوي طلعت وانتظرت ربع ساعه وماجت رحت لمحاضرتي وبقت صديقتي تنتظرهااا بالاخيييير طلعت بالمكتب من اليوم لا بتجي ولا يحزنون ,,,
8
8
8

لآ تعلييييق ,,, يعني ايش رايها كم يوم تبيني اجي عشان تتكرم وتوقع عالافاده حقتي
ماعندي الا هم كل يوم اوقف عند المكتب لين ربي يرحمني ويروووق مزاجها و توقع لي


كل يومين اشيك ع المكتب القاه مقفل والسكرتاريه يا مقفل مكتبهم يا سفط مايردوون ~

<< كل هالمعانأه عشآآآآن توقيع ,,,

" حتى رحمه مافيه "

والا المراقباااات :: حدث ولا حرررج

***

صديقتي دخلت الاختبار ومعها جوالها وسحبته المراقبه ((كانوا مراقبتين)) ع اساس ممنوع تدخله المهم بعد ما خلصت الاختبار جت بتوقع والا تشوف المراقبه التانيه تحوووس بجوالها من تحت لتحت عشان محد يشوفها <<طبعا ما انتبهت لصديقتي لانها مندمجه مع الجوال ,,,
قالت لها : نعم ليه تحوسين بجوالي ,قالت: هاااا <<(بداية الصدمه خخخ انها انكشفت) وانتي ليه جوالك ما سكت من اليوم يدق , من اللي يتصل عليك؟((لا تعلييق)) مايدرون انك باختبار <<بالعافيه تقلب السالفه عليها,,ردت صديقتي: وانتي وش دخلك يدق يحترق ليه تفتحينه وخذت جوالها ومشت

_______ بس ابي أفهم من وين تجيبونهم !!!!!!!!!!!!

مآآآ في ابد اسلوووووب ,,, ولا غلطناا بالكلام بالمنتدى <<تكلمو باسلوب اكاديمي ما نرد ع الاسلوب الللي كيذااا (( يعني هم اللي اسلوبهم اكاديمي ,, زين يصير إنساني بس ,, نعمه ))

صدقوني ماغلطنا وتكلمنا بهالاسلوب الا من اللي شفناه

////



و هذا شعاااار الوزاره ((والا بس كلام ))

التربيه قبل التعليم ,,,
فالأخلاق قبل العلم لأنها القواعد التي تحكم ذلك العلم .. والعلم بدونها أداة للتخريب لا للبناء


(( إنما الامم الأخلاق ما بقيت ,, فأن هم ذهبت أخلاقهم ذهبواا ))


>مقوله اعجبتني> -إنّ الإنسان المتعلم حقا , لا القارئ الجاهل , ستجده خلوقا , لأنّ نتاج علمه هو التحلي بالأخلاق الفاضلة .. (( مدري شهاداتهم ايش زادتهم )) !!!

ولو اتكلم من اللحين لبكرااا مافيه فايده

مو فالحيييين الا تنزلون كل يوم نظام جديد وعقوبااات جديده تغث الطالبه واولها الحضور والغياااب اتوقع مافي جامعه تأخذ حضور وغياب بالعالم الا بالسعوديه مدري وش الحكمه منه!! أساسا اللي يداومون مغصوبين ما يسون الا ازعاج سوالف وضحك ويزعجون الطالبات واذا طفشت او شلتها مو معها حطت راسها ونامت <<وش استفتدوا من حضورها يعني ,,والا بس تحليل للمكافأه
والمشكله مافي الا عذر طبي ليه ما اغيب الا لهالسبب طيب مسافره لضروره , الام بالمستشفى وجلست عند اخواتي بالبيت والا مرافقه مع امي, تعبت بس ما يستلزم اني ارووح المستشفى
مو كل شي عذر طبي <<
الوحده حضورها او غيابها كله بيرجع عليها بالنهايه ماله داعي هالحضور الاجباري
8
8
|| دخلت بموضوع تاني|| خخخ

‘‘ بالنهآآآيه انآآ عآآرفه كلامنآآ ما بيجيب أي نتيجه .. بس ع الاقل طلعت اللي بقلبي
مع انه بااااقي ما طلع شي ,,


"وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ"

قلتي كل شي بخاطري كنت ابي اقوووله جد جد كفيتي ووفيتي


بس بنات جد انا اول مره اروح مبنى علوم من نقلنا منه يوم الاثنين والله يابنات جتتتتتتني صدددددمه

معقوله هذا مبنى يدرسون فيه بنات ابي اعرف كيف يدرسون فيه كيف مبنى زي كيذا يكون مهيء للدراسه ترى وربي النفسيه لها دوور
علىا لاقل يستاجرون لهم مبنى خارجي ترى عادي مافيها شي مبنى مستأجر لين يخلصون اصلاحات على كيذا يبي لهم 10 سنين قدام يصلحون فيها


الله يعين بس والله كليتنا ازفت كليه شفتها بحياتي

[ناريمان]

حرام الخطاب يوقف لحد هنا..




ارجوكم اوصلوه للمسئولين

وارجوكي ياشمس الشتاء..

اشركينا معك نحن ياطالبات الانتظام معك في الموضوع

لانن نختلف عنكم فقط بالمسمى ( والا حال اردى واردى )

[نووفه]

الله يرحم حالنا

[نديم السهر]

والله جبتيها

المفروض هذا الكلام توجهينه للعميده

بجد مظلومين

لكن الله يعينا

[شمس الشتاء]

بسم الله الرحمن الرحيم
ღ♥ღ
اشكركن على مؤازرتكن الأخوية ..
نحن نحتاج الى التكاتف و المشاركة في سبيل التطور و الإرتقاء ..
أحدهم أرسل لي هذه الرسالة

لقد قمت بحركة
إن شاء الله تتّم على خير
وأعتبرها هدية لكِ ولكل طالبات كلية الآداب باسمكِ

أتمنى أن تكون الهدية وصول صوتنا الى من لهم يد و مقدرة على اصلاح الأمور ..
شكرا لكم و شكرا لصاحب الهدية ^_^

ღ♥ღ
موفقين

[أحلى فراوله]

والله معك حق يا زين موضوعك وينه من زمان
فعلا احنا الانتساب مافي اي اهتمام لنا يعني انا متزوجه وعندي التزامات وماني من الدمام
والله احيانا اضرب مشوار وارجع عالفاضي والسبب تقفيل المكاتب ولا الاقي احد يعطيني اجابه على اي سؤال
في بالي يعني حرام موكل البنات المنتسبات يقدرون يجون وما صارو انتساب الا لظروف تحكمهم
ياليت احد ينظر بموضوعنا ويحلون هالمشكله لنا

[Rσ7 мάtάHв]

محد سامعكم > صار لها 5 سنوات تعاني بالكليه

كليه سايبه مافي حد يسمعنا نذاكر ونكرف ونرسب بالساهل

حلم حياتي اتخرج