[ استفسار ] رسالة الى من اشتكى الهجهوج في مادة الاقتصاد الكلي والى الاخ فارس !!!!!!!

[خيال الافلاج]

اول شي هو مستقعد لنا من السمستر اللي راح ولو انه بيتعدل كان تعدل من اول

الشي الثاني من حقنا نقدم شكوى على مدير الجامعه ونطالب بحقوقنا واذا لنا حق بينصفنا رب العالمين

عندنا ظروف وارتباطات والدكتور جاي يفرد عضلاته علينا بالاسئلة التعجيزيه

وفي الاخير وش لقى شكاوي ودعاوي من الطلاب والطالبات

ترى الظلم ظلمات يوم القيامه وحسبي الله عليه دنيا و آخره

[فيصل نوار]

طيب نقول الشكوى انقبلت وحولو الهجهوج للتحقيق.جاب اسئلة من برا المنهج كل الاسئلة الى جتنا من نفس المنهج . وسلامتكم . بس الى بيصير في المستقبل ان جميع الاسئلة بنكون من بين السطور وتمر الساعتين عليك زي الهواء وترجع وطالب الجامعة بزيادة الوقت 4ساعات.

[Rmad]

اخوي انت لاتشتكي

غيرك خله براحته فعلا ترا الاسئله صعبه وفوق الصعبه يعني اسأله باحث او رساله دكتوراه

مهما كان انا عطيتك شي مااطلع منه

يعني هو شرح نقطه ملزوم باللي شرحه مو يجلس يلف تقل ذبانه دايخه

اذا رسبنا الله لايحلله قرش واحد من اللي دفعناه لانه ظلمنا


وكلامك ماعجبني ماتو اللي يطبطبون ويهدون الوضع

[KHALID ALAYED]

المشاركة الأصلية كتبت بواسطة سلطان المغيري

^

لبدن مو صح كلامه مع احترامي وتقديري له :)
دكتور الماده هو اللي اوصل القضيه لهالحد , لو بيتعامل ويحلها كان حلها من اسبوع .
وجود المدير واستقباله لـ فارس دليل انه تجاوب بشكل مبدئي وهذا شي طيب ,
حنا هذي مشكلتنا نبرر للمخطئ ونتعامل مع المسؤول وكأنه شبح بيآكلنا ,
مدير الجامعه هذي وظيفه من وظايفه يحل مشاكل ويدفع بجامعته للاامام ويقفل
على مشكله وقضيه اصبحت راي عام :)
انت ياحبيبنا خذيت السالفه انها مثل اللي يقول ( ياويلكم بيقومون عليكم ويستخدمون سلطتهم )
الامور ماعاد مثل اول الحين مع الاعلام الجديد كلن بيخاف على منصبه ومكانه
يحل كل شي ممكن يفقده واحد منهن :)

اخ سلطان انت طالب جامعي تتعامل مع دكاتره مو مع موظف عادي في أي وظيفه حكوميه تشتكي ومدري ايش وكلام فااضي .. يمكن لو درست انتظام في الجامعه بتقول الكلام هذا صحيح ووضع الدكاتره هنا في السعودية وفي الجامعات يختلف كثير ..

عزيزي في الانتظام بالجامعه ممكن أي حركه من أي طالب سواها سوا مقصودهـ او غير مقصوده ممكن يجي ويقول الدكتور ترا انت راسب عندي ولا فكر فيك بعد ... وياكثر ماحدث من هذا الاشياء ..

يستقبلك عميد الجامعه وياخذذ اللي عندك وشكواك لكن الامر الاول والاخير يرجع لدكتور المادة ..

للمعلوميه .. هناك بعض الجامعات اذا بغيت تشتكي دكتور في الجامعه ياخذون منك مبلغ مالي في حال صحيحه الشكوى يرجعون المبلغ لك وفي حال العكس ياخذون الملبغ ويرسبونك في الماده ..

بعدين تقوول اعلام ومناصب ومدري وش بعد .. ياخي ماحد دراى عنكم ترا وللمعلوميه بعد على شان تقتنع فيه في مستوى السابع مشتكين دكتور محاسبه اداريه على ماعتقد ونزلوها في احد الصحف من شكوى وتذمر من الدكتور ... وش كان الرد باختصار بسيط ( يوجد ايقونه اكتب فيها شكواك ) يعني ظاهرياً فقط . بس يحسسونك انهم مهتمين فيك .. اقول ذاكر الصحه زين هههههههههههههه

وترا انا من الاشخاص المتضررين في الاقتصاد وولكن الشكوى لله ..

وماكتبت هذا الا من معرفه ودرايه وش بيحدث .. برغم اتمنى الافضل

[ابوجود2013]

اخوي مع احترامي لوجهة نظرك انت تقول المفروض يروح لدكتور الماده الهجهوج صدقني وش بيسوي بيقول الاسئله من المنهج والعيب فيكم هذا ابسط رد والتصحيح الي كماتعلم درجه مايقدر يعطيك الدكتور!فعلا الهجهوج الترم الماضي اسئلته واضحه وسهله وفي متناول الجميع في الاقتصادالجزئي والكل يعلم ذلك عكس الترم هذا طيب ياخي هات اسئله معقوله موتعجيزيه وش معني انت ولابيقلد دكتور القانون الترم الماضي وشوفوني. اعترض ع كلامك وتصرف الاخ فارس سليم جداراح لعميدالجامعه وشرحله الوضع وهو الشخص اللي بيتصرف سواء انصفنا ام لا. لاتنسى فيه رب فوق العباديستجيب للمظلوم!اشكر الاخ فارس للمره المليون وكلنا امل في الله ثم في عميد الجامعه ان ينظرفي موضوعنا وشكوانا!وتقبل خالص تحياتي

[KHALID ALAYED]

المشاركة الأصلية كتبت بواسطة عبدالله الخريصي

كلامك صح مليون في 1000
الدكتور له صلاحيات كامله
الاخوان علي بالهم هذا مدرسه متوسطه الناظر يتحكم
فيه

حبايب دكتور له صلاحيات مطلقه
انا دارس قبل وعرف نظام عدل

اصل لو واحد يروح الدكتور ويكلمه وتفهم معها دكتور يستطيع ينجح العمومه حتي طالب مادخل الاختبار

تعوذو من شيطان

هذا اللي ابي اوصل له وخاصه من لم يدرس انتظام في الجامعه .. يعطيك العافيه ..

الشباب يتوقعون يتعاملون مع موظف تشتكيه على رئيسه ..

يااخي هذا دكتوووووووووووور علم ركزو شوي دكتور علم صح كانت اسئلته صعبه وملخبط فيها لكن هذا مادته وبكيفه ترا ...

[سلطان المغيري]

المشاركة الأصلية كتبت بواسطة khalid alayed

اخ سلطان انت طالب جامعي تتعامل مع دكاتره مو مع موظف عادي في أي وظيفه حكوميه تشتكي ومدري ايش وكلام فااضي .. يمكن لو درست انتظام في الجامعه بتقول الكلام هذا صحيح ووضع الدكاتره هنا في السعودية وفي الجامعات يختلف كثير ..
.. اقول ذاكر الصحه زين هههههههههههههه
وترا انا من الاشخاص المتضررين في الاقتصاد وولكن الشكوى لله ..
وماكتبت هذا الا من معرفه ودرايه وش بيحدث .. برغم اتمنى الافضل

أبشر طال عمرك ابذاكر الصحه زين الله يعطيك الصحه الزينه
وسم اللي تبيه يصير وولاحنا معارضينك ابد ابد , خلاص
مااحد معطينا وجه وبيرسبونا وماحنا مستفيدين < هذا هو اللي تبي
سم سم وهاك >

[BoSauD]

كلام غير منطقي اخوي خالد

حنا نطالب في حق نعتقد انه صحيح

اذا كان هذا الشيء سيكون له تبعات تضر بالطلاب فهذا شيء يسى للجامعة قبل كل شيء

يعني نطالب بحقنا و نتعاقب بسبب تسلط احد المسؤولين

[هيام فهد]

نقول يارب وماخاب من دعا الله

وموفقين جميعاً

[KHALID ALAYED]

القصد من الموضوع ..

على شان مايروح فكرك بعيد بنسبه اللي مافهم وش اقصد ... كان من الافضل الذهاب اولاً لدكتور حسن الهجهوج وابلاغه ماحدث في الاختبار وانه كان فيه.. كذا ......وكذا .....

من كلامه او رده لك راح تبني على كل شي هو الوحيد اللي راح يعتمد ... اما تكون الشكوى لعميد الجامعه فهذا من الخطاء الفادح واللي راح يضر لكم ..

انا اتمنى من الاخ فارس وهو اللي تزهل بالامر الذهاب الى الهجهوج غداً وبنكلف عليه .. والدكتور راح يعطيكم الزبدهــ .