إستفسار عن مادة الاحصاء ومبادئ علم الاجتماع ضررررروري الدخول

[YA 7 YA]

هالمادتين جبت فيها اسوء درجاتي في مسيرة الدراسة مابي اخوفك بس هذا الواقع

كلها يبي لها متابعة اول بأول الاحصاء فهم وتركيز ومبادئ علم الاجتماع يبي لها حفظ العلماء لانه مهم جداا وكثيررر ويلخبطون

وربي يوفقك

[مــجــازفــــ]

احب اطمنك انها مواد سهله ولكن مو معناته انك ما تذاكرينها الا ليلة الاختبار ..... ذاكريها اول باول وراح تجيبي a+

[ســــلآف]

الاحصاء يقولون سيف الدين تمام
اما علم الاجتماع الدكتور جديد >> ياليتك اخذتيه ايام صابر
انا ما انصحك تاخذينه حتى تشوفي اسلوب الدكتور الجديد لان علم اجتماع مستوى ثاني
مليان علماء ....

[المسا أ أ أ فر]

بتوفيق

[ઈઉ M L A M 7 ઈઉ]

مبادئ الإحصاء = (( د سعيد إبراهيم سيف الدين ))
وكان متعاون مره ، وطيييييب ، ومنزل اسئلة مراجعة واغلب اسئلة الاختبار كانت منها الحمد لله


اما مبادئ علم الاجتماع = كان " د صابر عبدالباقي "
لكن للاسف الششششديد ترك الجامعة

[هلاله العسيري]

حياكم الله حبايبنا
بالنسبة لإستفسارك غاليتي عن الإحصاء والإجتماع ( فكلا المادتين صعبة ))
الإحصاء مادة دسمة يبي لها حضور للمحاضرات المسجلة لابد من ذلك لأنك لو ما حضرتي مستحيل تفهمي ولو ما فهمتي مستحيل تحلي . حاولي تلحقي دكتورها سعيد سيف الدين جداً رهيب سهل المادة علينا كثير ونزل لنامراجعة في البلاك بورد كانت من 68 صفحة تقريباً لم يخرج منها الإختبار ولكن كان أسئلة التعاريف جداً قليلة لم تتعدى ال 10 أسئلة كان ثلاث أرباع الإختبار مسائل لابد من استخدام الآلة الحاسبة فيها طبعاً نفس مسائل المراجعة اللي منزلها في البلاك بورد التغيير في الأرقام فقط . يعني اتعبي نفسك فيها تجيبي نتيجة مرضية . جبت فيها الحمد لله 89 .
علم الإجتماع : مادة جداً غليظة ومعلومات متشابة ما تعبت في مادة مثلها تذاكري وتعيدي المذاكرة وتقولي خلاص فاهمة تجي بعدين والله تلخبطين يبي لها حفظ وربط للمعلومات وزيها زي الإحصاء يبي لها تعب مو شرط تشوفين محاضراتها المسجلة لأنها مادة حفظ أربطي المعلومات وأحفظي . من رحمة الله بنا أن أسئلتها كانت نسخ ولصق من أسئلة الأعوام الماضية والا لو كانت من الملزمة ومن المعلومات الدش اللي فيها كانت والله علومنا سيئة
الحمد لله جبت فيها 96
أنا ما أبي أخوفك بس والله المادتين كلها يبي لها تعب وأنا صراحة تعبني علم الإجتماع أكثر المواد اللي زيه ما أبلعها
الله يقويك ويوفقك وفالك التوفيق

[ام لجين 2009]

الاحصاء خذتها على ايام الدكتور اللي قبل الدكتور سعيد
كان مصعبها علينا من قللب واسئله خارجيه
اما الان الكل يقول ان الدكتور متعاون ومع كذا اقولك يبيلها مذاكره بتركيز وتاخذ معاك ايام
اما مبادئ علم الاجتماع صراحه ماده دسمه علماء وتعاريف لكن الدكتور سهلها لنا
الان تغير لكم الدكتور اذا في مجال تأجلين اجليها عشان تعرفين اسلوب الدكتور
واذا مافي مجال خذيها وذاكريها وخذي وقت معاها يبيلها حفظ وتركيز*
بالتوفيق

[المهاجرر]

ماعليك ناوي اخذها الفصل القادم وان شاء تكون سهلة ( بتعاووون الجميع )) ومادام الدكتور سيف متعاون لا مجال للتأخير في اخذ المادة .

[saudi-com]

ملاحظة للجميع .:::

فيه مواد صعوبتها تكون بسبب طريقه دراستها . يعني بعض المواد مثل ( المحاسبة + الاحصاء + الرياضيات + المالية تحتاج الى تدرج و تسلسل بدراستها . يعني يبي لها تدرس على دفعات محاضريتين لكل جلسة او 3 محاضرات لكل جلسة .. سبب رسوب البعض فيها انه يدرس المادة بيوم او يومين و هذا يسبب تشتت لذهن المتلقي لأن المادة دسمة! ..

و بعدين السؤال هذا بشكل عام غير دقيق هل المادة صعبه او سهله .. لأن استيعاب الطلاب و الطالبات يختلف من شخص لآخر فلذلك الافضل تعرفون المادة هل هي دسمة او متوسطة او خفيفة.

و مهما اجلت بالمادة هي جايتك جايتك .. فحاول انك ترتب امورك و تاخذها بوقتها و الله يوفق الجميع.


ملاحظة :: ايام محاسبة 1 و محاسبة 2 كانت فيه مواضيع اعتراض على الاختبار و نسبة الرسوب المرتفعه و في حقيقه الامر ان المادتين مقبولة جداً و منطقية لكنها تحتاج الى مذاكرة على دفعات ...