[ استفسار ] ساعدوني في جدولي ماعندي وقت طويل

[طالبة لغة E]

الله يسهل كل امر شيكت ع البنر ومنزلينها كلها اف ومعدلي من 4.30 الى 3.70
والله انقهرت كانت الضروف تمنعني لكن عساها خيره ان شاء الله وبشرونيفيه امل يرتفع معدلي

[سرالقمر]

باْذن الله يرتفع بس شدي حالك وذاكري اول بأول والله يفرجها عَلَيْكِ وعلينا والمسلمين جميعا

[Hend Alqahtani]

good luck

توكلي على الله , وتواصلي من الجامعة عشان تتأكدين من وضعك ,

مـآقصروا الاخوان الله يجزاهم خير ..

[ابو حنونه]

المشاركة الأصلية كتبت بواسطة حماااده

يا عزيزه ، بخصوص المواد اللي ما تدرين وش وضعها منحرمه ولا كيف

وتبين تتاكدين وش وضعها < تقدرين تشوفين السجل الاكاديمي < في الخدمات الطلابية ، وتشوفين ( وش نتائجك ) يعني حاطين عليها اي رمز وتعرفين وضعك

وضروري اولا تعرفين هل عندك مواد مؤجله الى هذا المستوى ؟
يعني اذا قبلوا عذرك > ينقلونها دايركت ولازم تتركين لها محل ساعات لانك لو ما تركتي .. بيحذفون الجديد المضافة ،بحيث انها ما تتجاوز 18 ساعه

اذا ما قبلوا اعذارك > يعني رسوب
وبكيفك تنزلين
----
اما بخصوص جدولك بقولك حاجة مهمة قبل ما تصميمه
المستوى الخامسفيه دفعه مومياء < يعني صاير مستوى محطه ( رحاله (يعني مؤجلين )، او راسبين ) < بسبب انهم وقفوا التسجيل في هالفتره فيعني الترم الجاي بيكونون السادس ، وهكذا
فعندك الروايه الحديثه < اعتقد فيه كثير يأجلها < يعني ممكن تشوفين ناس بالدفعه السادسه
مهارات التحدث < دفعتنا احنا مستوى 7 بعضهم مؤجلينها وبينزلونها < بس تاكدي
بس اعتقد الاغلب اخذ الفكر ، وادب قرن 17 < فيعني بتكوني مع المومياء هنا

ومهم تتاكدي انهم يتعدون الـ 100 طالب علشان ما تتوهقين بـ مقالي
^ وهذه المعلومه تتداول انا ما جربتها ، ولكن انقلها للاحتياط ، ولكن اشك في مصداقيتها

^ اذا جاز لك السبب " اوك " اذا ما جاز لك ، تخيلي انك ما تشوفينه
واي ماده بالمستوى الرابع حاولي تخلصين منها مع الدفعه اللي جايه

اخوي حماده وشلون يعني بالنسبه للمواد اللي ذكرتها يعني فيه احتماليه انها تكون مقاليه
انا مابعد اخذت الادب في القرن 17 وناوي اخذها هالترم

[روى نجد 1]

الفريدان قال بعد ماصدر قرار المقالي اذا لم يكتمل العدد 100 في الاقسام الثانية لكنه قال لنا مرة في المباشرة ان قسم الانجليزي لن يكون مقالي وسيستمر بالاختياري يعني اختبار من متعدد بس المواد العامة في قسمنا هل يشملها كلام الفريدان او لا مدري اتوقع لن تكون مقالي لانه يختبر معنا كل الاقسام فيكون العدد كبير وانتم تقدرون تلاحظون عدد المناقشات دائما فوق 400 مناقشة يعني فوق100 طالب

[ابو حنونه]

المشاركة الأصلية كتبت بواسطة روى نجد 1

الفريدان قال بعد ماصدر قرار المقالي اذا لم يكتمل العدد 100 في الاقسام الثانية لكنه قال لنا مرة في المباشرة ان قسم الانجليزي لن يكون مقالي وسيستمر بالاختياري يعني اختبار من متعدد بس المواد العامة في قسمنا هل يشملها كلام الفريدان او لا مدري اتوقع لن تكون مقالي لانه يختبر معنا كل الاقسام فيكون العدد كبير وانتم تقدرون تلاحظون عدد المناقشات دائما فوق 400 مناقشة يعني فوق100 طالب

كلامك يطمئن اختي يعطيك العافيه

[حماااده]

ابو حنونـه ،
انا قلت معلومه تتداول ،
انها فوق ال 100 لازم ، مدري هل هم يسون كذا والا مجرد طالب يقول وطالب ينقل .. او دكتور يقول من راسه ثم ينقل الطالب ويخاف .. بس الواقع يكون شي ثاني !! < انا مدري

المهم قسم الانجليزي ، وقسم ادارة الاعمال ، وعلم الاجتماع < هذا العدد فيه كبير
بس التسجيل صار سنوي

المهم اذا كان 400 عدد مناقشاتكم < فهذا شوي ترى ، مو كثير يعني اي خلل في دفعه مستوى خامس ممكن يكون اقل من 400
يعني مثلا يوم كنا في مستوى خامس ( سوينا تاجيل لمهارات التحدث البعض سوا تاجيل للظهور الروايه)

يعني مثلا بعض الطلاب يأجلون مواد < في هذي المواد اللي تؤجل ممكن تكون اقل من 100


انا ما اخوف ، انا مجرد ذكرت ملاحظه للاخت حتى لست مؤمن فيها ، مجرد انقلها
، والمقصد مو بس في الاختبار انها مقالي
اللي في الدفعه الخامسه :
= ناس معتذرين ترم ، يعني (ظروف) ، = ناس حاملين المواد = ناس مؤجلين
النتيجة : ( يعني مجموعة طلاب متششتين
^ طبعا هذي المعلومه فاهمه بسبب ان التسجيل موقف في تلك اللحظه

فيعني ممكن لو تغير الدكتور ، ما تلقون الشخص البطل اللي يسوي الملازم ! بسب العدد القليل وبسبب ظروف المعتذرين اللي ممكن تتواصل معهم

يعني هي مجرد تفصيل زياده ، اذا انت من الشخص معتاد على مذاكره عن طريق المنتدى وتهتم لهذه التفاصيل بان العدد عندك مهم وان ((((تنوع ))) مشاركه الطلاب في المنتدى مهم بالنسبه لك ، وتصليح الكويزات ، وتصليح الملازم < فانا اشوف انها تظل في دفعه متقدمه احسن من ان تجلس في دفعه الذي لا يوجد لها دفعه اصلا لذلك اطقلت عليها ( مومياء )

بعض الطلاب يقول ما يهمني ، اهم شي مذاكرتي ، < فهذا ما يهمه يكون في دفعه المومياء او غيرها < بس مجرد ملاحظه

بالتوفيق

[ابو حنونه]

اخوي حماده يعطيك العافيه بنستخير ونتوكل على الله والله يستر

[طالبة لغة E]

الله يجزاكم خير وانا باذن الله باسجل مواد سادس وباشوف وضعي وابلغكم
يعطيكم العافيه ماقصرتوا