[ استفسار ] لماذا هاجر فقط

[نكهة القهوة*]

باذن الله يرجع القسم مثل اول وأفضل

محتاجين شوي وقت وشوي تعاون ..

هالفتره الكل متوتر ومو مركز ويبغى إجابة سريعه عشان كذا الموضوعات ملخبطه وعشوائية

والله يبارك بجهود الجميع وخصوصا هاجر وسولاف وشجون ومغترب في عذاب والبقيه ..

[امطارليل1234]

بصراحه بيض الله وجيه المشرفين ماقصرو والله يكتبها في ميزان حسناتهم

[ريمووونا]

اختي هاجر وسلاف جزاكم الله كل خير ودي اشارك واساعدكم لاكن هذا الترم اتوحم وتعبانه هالفتره. وعسى ربي يرفع قدركم ويسسعدكم ويرزقكم ماتتمنون مثل ماتخدموننا فعلا فرق بين السنوات اللي كنا فيها مع بعض العام واللحين مع ان هالفتره لازم نشد حيلنا اكثر مابقى شي على النهايه وجزاك الله خير اخ تركي على طرح الموضوع واتمنى رفعة همة البعض ومساعدة اخواتنا واخوننا بالقسم وادعو ربي يخفف عني الوحم💔

[ابووتركي]

شكرا للجميع فنحن نكمل بعضنا بعض بتنسيق وابداع من من جميع القائمين على هذا الملتقى الرفيع
نحن بحمد الله يوجد طلبه في دفعتنا هذه كما سمتها اختي شجون دفعة (أبن خلدون) أكفاء ومبدعين كأبوخالد الحكمي ، وقصيمي بجده ، مشعل بسكلاني ، والمبدع بالكويزات أخي ضيف الله فهد ، منآآر ، ذكريات الرحيل ، أبومعاذ الروقي ، الجارح ، شاعر الجامعة ، كلي لك ، rixb ، يزيد الأسمري ، حائلي100 ، الغدراء .... ولا قصور في الباقين فذكري لهؤلاء لا ينقص من جهود من لم تسعني الذاكره لذكرهم نحن بحاجة لمن نقول له كفو بيض الله وجهك وجزاك الله عنا كل خير وهي مذكورة للجميع بإذن الله

[BERLANTY]

التمسوو العذر لبعضكم البعض خصوصاً ان الجامعه هالسمستر حشرتنا حشررر ويادوب نذاكر ونحل واجباتنا
الشكر كل،الشكر حق اللي يعطونا وقتهم ويخلصون من،كل
قلبهم بالمواضيع والاجابات عالاستفسارات ولو كانت مكرره
شكرا شكرا💞🙏

[العامري1]

الله يوفقكم ويكتب اجر كل من ساعدنا سواء شجون وقفاتها معنا كثيره او هاجر الله يوفقها وكل من كتب كويزات اواسئله يعلم الله اني مااقدر اوفيكم شكري واسال الله في هذه الساعه مثل ماجمعنا بالمنتدى ان يجمعنا بجنات النعيم يمكن اكون مقصره ومتابعه بصمت لكن يعلم الله اني ادعي لكل شخص يكتب في هذا المنتدى الرائع .
تحياتي🌹🌹

[ذكريات الرحيل]

السلام عليكم ورحمة الله وبركاته
يعطيك العافية أبو تركي ولا يهونوا الجميعْ
أولاً نلتمس العذر للجميعْ لظروف أكيد وليس لشيءْ آخر
اللي تزوج < ما أقصد نفسي طبعاً
واللي حذف ترمْ واللي حذف موادْ
واللي نقل من إدارته < مثل حالتي هههههه
وهذا لا يلغي الدور والجهد الكبير اللي يقومون فيه أعضاء الدفعة
مشرفتنا المتألقة هاجر ماقصرت ويعطيها ألف عافية رغم ظروفها إلا أنها لم تتوانى عن تقديم العون للجميعْ
شجون كذلك العضوة الأنشط في الدفعة رغم ظروفها إلا أنها تحاول بشتى الطرق
سلاف ومغترب في عذابك طبعا شهادتي فيكم مجروحة للأمانة أسمائكم تتحدث عنكم
وبعض الأعضاء يحاولون قدر استطاعتهم ويحاولون جاهدينْ
لكن للأمانة وإحقاقاً للحقْ، فيه مشكلة كبيرة ومعضلة حقيقية تحدث عنها أكثر من مرة
المواضيع العشوائية، يعني من غير المعقول إننا كل ترم نتكلم عن نفس المشكلة تحديداً
قبل فتح موضوع وسرد سطر ولا نص سطر فيه تسأل فيه ( ابحث عن المعلومة اللي ناوي تستفسر عنها )
ترى البحث يعتبر من مصادر المعرفة مو ضروري تدخل الملتقى تسجل دخول وتفتح موضوع وتكتب سؤالك وتنتظر نص ساعة ولا ساعة عشان أحد يجاوب؟ وإذا ماحد جاوبْ ترمي باللوم على الملتقى
بإمكانك البحث عن المعلومة في دقيقتين بالكثير، في أمور مهمة ومهمة جداً هذه تحتاج طرح أسئلة
وفي موضوع مثبت لطرح مثل هذه الأسئلة، أما مسألة موضوع ينفتح عنوانه كالتالي ( متى اذاكر، متى الاختبارات، وين احصل الملازم، كيف الدكتور الفلاني، هات طريقة مذاكرة سهلة، تتوقعون يمديني ألحق أذاكر،التدريب الميداني كل يوم موضوعين ثلاثة ينزلوا، رغم إن موضوع سلاف واضح وضوح الشمس في كبد السماء) لكن مدري اش أقول بصراحة، الأمور هذه تسبب إحباط أكيد وسببت في الآونة الأخيرة عزوف بشكل كبير عن الملتقى، صار الواحد يقول يالله ألحق على عمري وأخلص أموري، وأنا لسه والله ماخلصت أموري ههههههه حتى المناقشات ماخلصتها والله ولا التدريب حتى خلصته .
أتمنى وأرجو فقط إنها ماتكون عين صابت الدفعة هههههه
نقطة أخيرة لابد أن أذكرها بالنسبة للمواضيع شبه الغائبة بالعكس كل شيء واضح من ناحية :
(كويزات - أسئلة اختبارات - أسئلة واجبات - ملازم - كل مايخص التدريب الميداني- المحاضرات المباشرة " اللي ألوم الجامعة في جدولة مواعيدها المتضاربة" )
بالعكس لم أرى نقص يذكر في المواضيع، ربما يكون عزوف من البعض كما أسلفت وذكرت الأسباب
عموما باقي على الاختبارات 20 يوم بالضبط وقبلها ب10 أيام سوف تعود الحياة كما تعودتموها هنا
بدل الأعضاء المتواجدين حاليا (26) راح يكونون (260) على أقل تقدير وكالعادة يعلق الملتقى ونبلش ههههههه
خاتمة بحثي : أسأل المولى عز وجل أن يوفقني وإياكم لما فيه الخير والصلاح وآخر دعوانا أن الحمد لله رب العالمين.
والسلام عليكم ورحمة الله وبركاته

[7aaamed]

ما اشوف فيه نقص بالمعلومات ولكن اللي واضح تفاعل الاعضاء اقل مما هو عليه بالمستويات السابقة

المستوى هذا ما عطانا نفس سريع واعذرونا على تقصيرنا

جزى الله خير لكل من افادونا ولو بحرف .

[(فـ@ـد)]

السلام عليكم
والله مدري وش اقول لكنني ضيف عليكم هذا الترم وتحملوني خصوصا انه آخر ترم ان شاء الله
بصراحة لا اعرف هنا غير هاجر الله يجزاها كل خير
لكن طوال 7 اترام لم اشاهد الملتقى بهذا الهدوء وكأن الجميع قرروا هجره الى مواقع اخرى ..وهذا يضع علامات استفهام كبيرة ...مالسبب ياترى ؟ مالسبب؟
على الادارة ان تراجع سياستها او تتقبل الامر ..الطلبة اصبح لديهم خيارات كثيرة سواءا في تويتر وقروباته او قنوات التليجرام والواتساب اضف الى ذلك المنتديات المشابهه وهذا ماكنت اجادل الادارة وبعض المشرفين بخصوصه من سنين وان الأعضاء هم المكسب وليس المشرفين
اعتذر منكم ولكن هذا ما لاحظته ولاحظه غيري ...وهذه طريقتي في طرح الامور وقول الحقيقة بلا مواربة او مجاملة ..
اسأل الله لنا و لكم التوفيق

[ابو خالد 99]

شهادة حق المشرفين بيض الله وجيههم من زمان وليس من الآن
لكن للأسف الكل يبي شي قدامه ولا يبي يبحث بالمواضيع ، بالنسبه للأسئله المتكرره ما ألوم الاشخاص اللي ماترد .. مستوى 6 يعني عارف كل شي من محاضرات ومباشرات وواجبات مافيه شي جديد اضيف على وضعنا بالمستويات السابقه ماعدا التدريب الميداني ومع هذا فيه موضوع متكامل له ...
بالنسبه للكوزات فيه أسئله الاعوام السابقه منزله من زمان وهي نفسها يعمل منها كوزات ... وبالعاده الكوزات الاخوان والاخوات يسوونها قبل الاختبارات بسبوع أو اسبوعين .....
العتب مرفوع من الجميع واذا فيه تقصير من أنفسنا ... ندخل نبي شي معين ونطلع وبالآخير ننتقد .....
تحياتي للجميع