[ اسئلة اختبارات ] : الآلة الحاسبة .... وما ادراك ما الآلة الحاسبة

[thamer fahad]

ذولي الاغبياء ترا الماده محذوفه يعني مشو الطلبه مالها فايده الجدد ما يدرسونها عيب عليكم علي العموم انا بجي بالاله المطور وبدخل فيه وبحسب فيها

[thamer fahad]

انا جالس اذاكر لي اسبوع من الاله المطور والحين فكر طويل العمر يمنعها طيب امنعها من بدايه الترم قبل الناس ما يعتمدون عليها

[عزيّـز]

ابشركم محد منعني من الآلة




دخلت وحليت لين دخت وطلعت الآلة وحليت باقي المسائل الي تحتاج آلة


ولكن الأسئلة اصلا طلعت روحنا مافيها شي مفهوم
يعني ما حليت الا من راسي

[عزيّـز]

المشاركة الأصلية كتبت بواسطة ~أوتآار الحنين~

جعلهم ماسمحو هذا الاه تخلف نااس تطور وجامعتي ترجع للعصر الحجري
بالله هذي تنفع لويش ﻵ والاده من كذا مافيه غير ساعتين وتعبيت الاستباين ياخذ الوقت كله والله اصبع يدي انفع من حاسبتهم

عاد فيه بعض الاعداد والكسور تحتاج يد ثانية .. ما تقدرين تطلبين مساعدة من يد زميلتك لذلك عدي باصابع يدك ورجلك

[أفنان عبدالعزيز]

الله يعافيكم الاقتصاد والمحاسبه مافي اي ملاحظات مكتوبه في جدول الاختبار يعني عادي اجيب التي كاسيو

[نجلاءالعتيبي]

المشاركة الأصلية كتبت بواسطة أفنان عبدالعزيز

الله يعافيكم الاقتصاد والمحاسبه مافي اي ملاحظات مكتوبه في جدول الاختبار يعني عادي اجيب التي كاسيو

لا ياقلبي حاطين ملاحظة كبر راسك وراسي




كاتبين الاله العادية عساهم المر ان شاء الله هههههههههههههههههههه

[abo0od7890]

اليوم كان عندي اختبار مبادئ رياضيات2 وجبت اله حاسبه مطوره fx-99 وحليت فيها ومحد كلمني او جاب طاري اله حاسبه

[عزيّـز]

المشاركة الأصلية كتبت بواسطة abo0od7890

اليوم كان عندي اختبار مبادئ رياضيات2 وجبت اله حاسبه مطوره fx-99 وحليت فيها ومحد كلمني او جاب طاري اله حاسبه

نفس الوضع
طلعت آلتي FX991 ونزلت نظارتي ( عشان محد يشك فيني ) ثمن ادهرت في حل المسائل بالرياضيات 2
في النهاية ما عرفت احل شي مشربك الأسئلة في بعض .. مدري وش عنده مبتليني


المهم شفت الوضع متأزم قمت لبست النظارة وخليت الآلة فوق الطاولة لين صفر جرس المدرسة شلت الآلة وسلمت الورقة وطلعت افكر في مشروع بيع مساويك جنب المدرسة

[عزيّـز]

المشاركة الأصلية كتبت بواسطة أفنان عبدالعزيز

الله يعافيكم الاقتصاد والمحاسبه مافي اي ملاحظات مكتوبه في جدول الاختبار يعني عادي اجيب التي كاسيو

جيبيها معك ان شاءالله الامور بسيطة محد يطالع فيها

[مآريا]

هههههههههههههههه والله ياليت القى مثل هالحاسبه اللي تطبع
وفجآءه المملكه كلهآ مآفيها ولا حاسبه قديمه الله يرحم آيام الثانوي كنا نمر ونشوتها ههههههههههههه
طيب خلصنآ من الريآضيات وجينا للمحاسبه مادققوا المره اللي فاتت يمكن الحين يدققون
الله يعين ويسهل