[ تصاريح ] : نواف بن فيصل عن واقعة اسم والده بحفل التتويج: اجتهاد شخصي وقبلت الاعتذار

[صَعب]

المشاركة الأصلية كتبت بواسطة .perfect

.


بغض النظر عن نية كاتب الموضوع اللي استغربها شخصياً ,
اللي قدم الاعتذار للامير الاتحاد السعودي وهو المسؤول عن منصة التتويج واللي تحتوية
ولاعبين الهلال وادارتة مالهم دخل بالموضوع كامل !!

هل يعقل ان النادي البطل هو اللي يسوي له منصة للتتويج ؟
لاتحاول تصطاد بالماء العكر وتثير مواضيع مالها سنع !! هداكم الله يالنصراويين

[عازف الكلمه]

المشاركة الأصلية كتبت بواسطة سـلـطـان♕

قبول الاعتذار من شيم الرجال والامير نواف شخصية محببة للجميع ووالده لا احد ينكر فضله على الرياضة السعودية فهو باني امجاد الكرة ومشكور اخوي على نقلك الرائع للموضوع

العقاب عشان يصحصحون المره الجايه والا لو اسأنا الظن كان طالبنا بشطب النادي

شرفت اخي سلطان ..

[عازف الكلمه]

المشاركة الأصلية كتبت بواسطة ريمنقو

العفو او العقاب امر شخصي اعتقد مال احد دخل فيه .. فأبناء الامير هم المسؤولين وغيرهم مجرد بلبله ..

والله انه كفو ماهتم لمثل هذي الحركات اللي ماشفتها الا ايام الطفوله
فهو ترفع عن هذا الظن واحسن الظن بفاعل هذا الفعل .. وعفى عنه فهو ماكتب آيه قرآنية او اسم الله حتى يُثار الموضوع بهذا الشكل

ولو انه قرر العقاب لكان هذا عيب وقطع وجه ..
مهزله أعاقب علشان اسم تحت اقدامهم ، فعل طفولي بصراحه ومن أيد العقاب عليه مراجعه نفسه
فهذا الخطا اول مره ولو كانوا يستقصدون الاهانه لكان شفنا مناظر كثيره ..
ولكن احسان الظن والعفو سلامه للقلب والعقل ورفعه قدر ومكانه

الخطأ وقع بحسن ظن او بسوء ، بمقصد او بغيره .. والعقاب ليس للفعل ولكن لعدم تكراره.
كيف فهمتي اني اسأت الظن بانهم يقصدون هالفعل ..!!

[عازف الكلمه]

المشاركة الأصلية كتبت بواسطة خطوة بخطوة

وش خانة الاسم وابوه بشحمه ولحمه وعظامه تحت التراب ؟؟
الله يكفينا شر الكبر وشوفة النفس والتعالي في الدنيا

المشاركة الأصلية كتبت بواسطة خطوة بخطوة

بعض الردود فيها مبالغة جدا جدا والله لو انها اية قرأنية والا شعار توحيد والا حديث شريف

شكراً لمرورك ..

[عازف الكلمه]

المشاركة الأصلية كتبت بواسطة .Perfect

.


بغض النظر عن نية كاتب الموضوع اللي استغربها شخصياً ,
اللي قدم الاعتذار للامير الاتحاد السعودي وهو المسؤول عن منصة التتويج واللي تحتوية
ولاعبين الهلال وادارتة مالهم دخل بالموضوع كامل !!

هل يعقل ان النادي البطل هو اللي يسوي له منصة للتتويج ؟
لاتحاول تصطاد بالماء العكر وتثير مواضيع مالها سنع !! هداكم الله يالنصراويين

ههههههه
لا غرابه من استغرابك .. تعودنا عليه .. اصلاً لو ما استغربتي انا بستغرب
طبيعي ردك الهلالي و متوقع ولو مارديتي كذا كمان بستغرب

انا في كل مواضيعي جالس اصيد سمك ..

المشاركة الأصلية كتبت بواسطة .Perfect

شوف الميول وتعرف وطنّش :)

هذي ماهي لك

هاردلك وشكراً لمرورك ..

[ريمنقو]

المشاركة الأصلية كتبت بواسطة عازف الكلمه

الخطأ وقع بحسن ظن او بسوء ، بمقصد او بغيره .. والعقاب ليس للفعل ولكن لعدم تكراره.
كيف فهمتي اني اسأت الظن بانهم يقصدون هالفعل ..!!

وكيف فهمت اني أقصدك انت ؟
انا اتكلم عن الامير وإحسان ظنه مب عنك

العفو اجمل درس .. فهل تعتقد بأن هذا الفعل راح يتكرر بعد ماحدث ؟!
ماراح يتكرر وان تكررت فالثانيه تاكيد للأولى وهنا يصدر قرار ناسف
ولكن الجميع ماعنده جرأه ان يكرر هذا الفعل من العاملين فماحدث راح يكون في عين الاعتبار دائماً ولن يكرره الا متعمد

[عازف الكلمه]

اجل يمكن خسارة الهلال في نتيجة المباراة الليله اثرت في فهمي للمقصد .. وشطحت

[عازف الكلمه]

/

ارجوا عدم الرد لمن يرى ان الموضوع بلبله عشان ما تزيد البلبله ..

وترا الموضوع رياضي يعني وسعوا صدوركم ولا تتشنجون .

[-PEARL-]

الله يهديك

وش اللي يغلقون نادي عشان اسم !!

وسووا سالفه وعتذار وحاله ؟

طيب اليوم الوطني والاعلام اللي تدعس
ويتوطونهاا الناس بكل مكان مو الاولى
يتعاقبون عليها ؟

لفظ الجلاله , هو اللي ينحسب له الف حساب

غيره ... لاراح ولا جاء !

لو اسم ابوه عبدالله - عبدالعزيز .... الخ

قلنا .. معليه

لكن والله اسم حاله حال اي اسم

ف مع نفسه صراحه


فيه اولويات المفروض ينظر لها


وانت اقعد طارد ورا الهلال تبي تسكره اجل

[ريمنقو]

المشاركة الأصلية كتبت بواسطة عازف الكلمه

اجل يمكن خسارة الهلال في نتيجة المباراة الليله اثرت في فهمي للمقصد .. وشطحت

ليش كان فيه مباراه ؟ خساره ؟ فيها جحفله الأهداف


ياعازف ماهو تشنج ولاشي .. هذا رايي بفعل الامير
والا لازم اكبر الموضوع وأتكلم كأن اللي صار جريمه لابد يعاقب عليها عقاب تعزيري ويكون عبره للغير. ؟

اذا تكرر هذا الفعل ذكرني ياعازف