[ اسئلة اختبارات ] : بخصوص الدكتور حسام صالح ... مجرد وجهة نظر وكلمة حق ...

[@abrar@]

نبي درجة السؤال الغلط ..اولا ثانيا قال ماراح اجيب تعريف واقول تبع مين من العلماء والدليل بالمباشره الثالثه مسجله وجاب تعريف وقال من العالم تبع التعريف وشكرا

[ابن السلطان]

نصحية لكم اعزائي
يحق لكل واحد يرى انه ظلم في الاختبار رفع شكوى في ايقونة التظلمات
وهي حق مكفوله للجميع
والشكوى بحد ذاتها لا تعتبر تجني على الدكتور انما حق يراه الطالب

لكن هناك من يتحسب على الدكتور ويدعو عليه وهنا نختلف على هذا التصرف

ومن باب تجربة مرة علينا السمستر الماضي رفعنا تظلم على دكتور مادة حقوق الانسان
لوجود اسئلة من خارج المنهج
ولم نجد جدوى من تقديم الشكوى للأسف

انا ضمن الطلاب اللي تخرجوا السمستر الماضي لكن شهادة لله
الدكتور حسام بيض الله وجه ما قصر معنا اثناء دراستنا الجامعية

وفق الله الجميع

[المقرصة]

انا استغرب وشوله التعقيد بالاسئله ومالنا اي مستقبل مافيه احد يقبل شهادة الانتساب الموظف صح ممكن يستفيد لكن العاطل عاطل ماراح يستفيد يعطوننا الشهاده الجامعيه بلاتعقيد ويغيرون الاسئله بكيفهم انا مااعتمد الا على المحتوى فقط بس برضه عندنا مسئوليات صعب علينا حفظ الماده صم يعني يراعون هالشي يخلون الاسئله واضحه ماله داعي تلقط بالمنقاش من بين السطور حنا انتساب وشهاداتنا غير مقبوله بالوظايف

[طالبةعلم اجتماع]

والله والله اني الملزمه بس قراءه واسئلة الاعوام والمراجعة من ملزمة ابو فيصل ويارب لك الحمد حليت حسام واضح يعني مايجيب خيارات اتحير الا سؤالين3 واتقو الله ترى الله بيحاسبنا لو ظلمناه واسلوب الفزعه اللي انا حليت بس برفع معكم اكبر غلط لان الله بيحاسب كل شخص على فعله

وجهه نظر..

[N O R Z]

المشاركة الأصلية كتبت بواسطة علياء2013

شوفي اخصائية
سالفة اني أخلِي نفسي من المسؤلية وأحطها على الدكتور أو غيره هذا غير منطقي وظلم
فهو ما خرج عن المنهج كله موجود في الملزمة ..

وأنا الحمد لله ذاكرت وتعبت ودققت في كل معلومة وكان عندي خطائين
من ضمنها عالم التعاريف ولا راح اقدم شكوى لاني أستاهل هذا تكاسل مني المفروض في المنهج خلاص أذاكره
لكن الدكتور برضه عليه حق
مثلا كان أسلوبه في بعض الاسئلة غير واضح ولما ندور المعلومه تبعها كأننا ندور ابرة في كومة قش "رغم مذاكرتي "
وكمان ذكر أن العلماء في التعاريف غير مطالبين فيهم وعلى كذا جاب أحدهم .. طيب مدام هو مو قد كلامه ليه يتكلم !!!
ولا راعى أن هناك فروق فردية لما وضع هالأسئلة
فالطلاب مو مثل بعض في الاستيعاب وكمان في الظروف الي موظف والي عندها مسؤليات زوج وعيال وبيت

والله كنت احس رأسي منتفخ من كثر المذاكرة ودفس المعلومات وزادها بإسلوبه في الاسئلة السؤال أقرأه عدة مرات وبكل وجه عشان بس أربطه بشيء في ذهني
الله يهديه بس مو بهالشكل
والي بيشتكون
يحق لهم يقدمون الشكوى على السؤال الخطأ وهذا حقهم لأن الخطأ عليه
غيرها محد راح يلتفت لشكواهم
لأن الجامعة أهم شيء عندهم الأسئلة تكون من المنهج ~ أسلوب ما أسلوب ما يعنيهم

والله يعوض عليهم يارب
وننتبه لحقوق الانسان لتجي الطامه الثانية

اضم صوتي ل علياء بدون زياده ولا نقصان .

[أبو مرضي]

السلام عليكم
لا ارغب الإطالة وسأختصر بالتالي
أولاً - اشكر الاخت كاتبة الموضوع واتفق معها تماماً في كل حرف كتبته .
ثانياً - يجب علينا لا ننكر فضل الله علينا ثم الدكتور حسام صالح حفظه الله في المواد السابقة .
ثالثاً - الدكتور لم يخرج عن محتوى المقرر وهنا لا نملك الاعتراض نهائياً .
رابعاً - وبكل وضوح الدكتور صرح بآلية المذاكرة من المحتوى في المباشرات وهنا ينتهي الامتعاض .
خامساً - يجب ان لا نلوم الدكاتره بل نلوم انفسنا بطريقة المذاكره والمصادر و الوقت الذي نخصصه لكل مادة .
هناك من يذاكر ساعتين وهناك من يزيد وهناك من يقل وهناك من يبرمج وقته لايام مقسمة لكل ماده
وهنا الفرق بالتحصيل العلمي والنتائج المرجوة .
ختاماً كل الشكر والتقدير
لكم ودكاترتنا الفضلاء اتفقنا او لم نتفق
هذا واجب علينا الاعتراف به وان اختلفنا
فلهم الفضل علينا شرعاً .

[Jolie 444]

القضيه مو ع ننجح او نرسب أنا ذاكرت قبل الاختبار بفترة ماخليت شي ماذاكرته مو ع أساس انجح لا طبعاً كنت ابي الامتياز بصراحة الاسئله فيها مراوغه وتشابه وأسلوبه مختلف جذرياً عن قبل اكبر غلط يعيشه الشخص ان كل شي يكون ضده دايم يحط اللوم ع نفسه!!

[صالح الحربي 11]

المشاركة الأصلية كتبت بواسطة ضي الشهررري

لاتقول نحن قل انا ولا تعمم
انا ذاكرت وناجه ان شا الله بس ابغا اي بلس
انا وترتني صياغته والله اني اقرا السؤال يجي اربع مرات

اولا الله يوفقك وتحصلين على ما تتمنين في جميع المواد
ثانيا قلت نحن لأن صعوبة الأسئلة ضرر على الجميع وليس على من تسبب فيها وتعميمي ليس حكماً على الجميع بانهم سبب ماحصل بل استنادا الى حالات خاصة

[ابو نوره الشمري]

الصراحه انا مؤيد للي يبي يرفع تظلم على الاختبار لان الاسئله مهي واضحه ومن بين السطور ما أقول الا الله يسامحه

[ayoosh49494]

المشاركة الأصلية كتبت بواسطة اخصائيةاجتماعية

السلام عليكم ورحمة الله وبركاته ,...

بخصوص اختبار الدكتور حسام صالح يوم الاربعاء بصراحة أنا ما أشوف ان الاختبار يحتاج نرفع عليه شكوى وتظلم .. بالعكس انتوا كذا بتظلمون الدكتور بشكواكم والظلم ظلمات يوم القيامه
لأن الدكتور بالمباشره نبه بطريقة ما على انه : لا نذاكر اسئلة الاختبارات لان اللي بيذاكرها بيرسب وهذا كلام واضح وصريح من الدكتور عشان نذاكر الملزمه وكمان لو تذكرون بعد قال ركزوا على الاشياء الدقيقه
والدكتور حتى لو جاب اشياء دقيقه هذا حقه .. لانه ماخرج عن المنهج ولا جاب من بره المنهج .. طبعا بغض النظر عن السؤال اللي غلط في صياغته وهو محسوب اكيد لكم

انا بصراحه ماني دافوره وعندي اغلاط كثيره بالاختبار بس ما احط الحق على الدكتور بقدر ما احط الحق على مذاكرتي .. احنا بالنهاية بجامعه مو بمدرسة والملخص كله على بعضه 37 ورقه يعني لو انكم انتظام بيكون المقرر من 200 صفحه فإحمدوا الله .. ولا تدعون على الرجال هذي غلطتكم اعتمدتوا على اسئلة الاختبارات مو غلطته
واكبر دليل على كلامي رأي سلاف يوم تقول : وانا معكم ايضا رغم عندي كذا خطا بس !!!
يعني لانها ذاكرت الملزمه جاوبت وعندها بس كم خطأ معدود
بس اللي معتمد على الاسئلة طبيعي بيرسب
ومايحق لنا نرفع تظلم لانه لم يخرج عن المنهج بلمره وهذي الحاله الوحيده اللي ممكن ترفعون فيها تظلم

مجرد وجهة نظر اتمنى عدم التجريح بالردود

صراحة انا معك في الكلام وانا عني ماذاكرت المحتوى ذاكرت الاسئله والحمدلله ماعندي اغلاط كثيره هذا اولا ثانيا السوال يبغاله تركيز واجابته سهله وبعدين لو تركزون في موادنا من المستوى الاول تلاحظون ان اغلب الكلام في المحتوى مكرر مايبغاها فلسفه تستنتج الاجابه من السوال انا عني ولله الحمد راضيه على الاختبار والله لاني دافوره ولا شي على قد حالي
والله يوفق الجميع وما اعتقد ان احد جاب العيد في الماده
وسلامتكم