[ تجمع ] : جميع الراسبين في مادة الاحصاء الاجتماعي هنا بسرعه نرفع تظلم

[المقيرن]

والله الواحد ما عاد يعرف الخطأ من الاساتذه او الطلاب يعني اشوف الي نجح اكثر من الي رسب لاتنسون العدد فوق 1000 طالب في كل ماده من مختلف دول الخليج مب بس السعوديه على ما اعتقد يعني تظل نسبة الرسوب اقل وانا من وجهة نظري ولا احد يزعل مني اعتقد والله اعلم الي رسب ما فهم الماده وقوانينها واعتمد على اسئلة الاعوام الماضيه حتى لو في لفه بالاسئله والاجوبه اعتقد الي مذاكر يحل او بالاصح الي فهم الماده يحل انا ولله الحمد ما ذكرت الماده الا قبل الاختبار بيومين ولا افتح محاضره وحده من بداية الدراسه الا قبل الاختبار بيوم في الاغلب او يومين وجبت في هذي الماده 88 ومقتنع من درجتي يعني ما اشوف اغلب الاسئله الا سهله الا سؤال او اثنين تعتمد على الذكاء وهذا حق للدكتوره ولكل مجتهد نصيب طبعا في ناس راح تزعل مني بس اتمنى نناقش الموضوع بعقلانيه بعيدا عن السخريه وانا اقسم بالله اتمنى للجميع النجاح والتوفيق وازعل عليكم واذا فعلا لكم حق ان شاء الله ربي يعوضكم ويسخر لكم من يحل موضوعكم عاجلا غير اجل

[مستشاره]

انا الحمدلله نجحت فيها بس درجتي 82 ماهي قد تعبي في المذاكره وضيعني رخبطته الدكتور اخذ وقت علينا في المسائل وايجاباته غلط
رفعت تظلم قبل تطلع النتائج وماطلع فيه نتيجه والحين رفعت مره ثانيه والله يهمني معدلي ماابي انزل عن الامتياز

[تيم العتيبي]

تم رفع التظلم والله يكتب مافيه الخير للجميع

[العامري1]

اخوي المقيرن انا نجحت الحمدلله لكن شهاده حق انت شكلك مااختبرت معنا ولاكان فهمت وش نقصد الشرايح هو يشرح وحلها غلط والمسائل بالاختبار طويله وحلها برضو غلط والكل تضرر ودرجتي مره نازله بس الحمدلله اهم شي عديته ورفعت تظلم لاني متاكده اعطيت الماده حقها بالمذاكره

[ابوعلي فاضل]

المشاركة الأصلية كتبت بواسطة ترووكي القيصومه

يابوي الي ذاكر اسئلة العام الماضي والي قبله يجيب 70 وهو مغمض

انا معك اللى راجع اسئلة الاعوام السابقة يجيب 70 وهو مغمض

[دافورهـ22]

مع احترامي للاخ المقيرن

ولكن مو شرط الرسوب عشان نرفع تظلم

زي ماتفضلت الاخت اعطينا المادة حقها
ونتفاجأ بأسئلة اجاباتها خطأ وياليت سؤال او اثنين ٦ اسأله بمعدل ٨.٤ درجات
ماتفرق معاك ٨ او ٩ درجات تفرق عند غيرك
انا معدلي ثابت نفس الترم الماضي بسبب الاحصاء كل المواد كانت اي بلس باستثناء الصناعي بي بلس
والاحصاء +c
وتضررت منها كثير لاني على وشك التخرج ويفصلني عن مرتبة الشرف شي بسيط وهذي المادة كانت العائق
كذا ما اظمن اني اجيبها الا اني اجيب المواد كامله في المستوى الثامن اي بلس وهذا صعب يحتاج جهد كبير
ممكن يجي غيري ويقول المهم انه ممتاز او انك عديتي وتخرجتي .. صح .. هذا لو ان الفرق كبير لكن يكون تافه قمة القهر
اجيب ٤.٧٤ ومرتبة الشرف ٤.٧٥
ماتقههههر

[ام المشاغبين]

طيب اللي يرفع تظلم يستفيد والا مافيه فايده

[صالح محمد 1403]

كذلك انا رسبت ورفعت تظلم


Sent from my iPhone using ملتقى فيصل

[ســــلآف]

انا شاهدت اختباركم جدا سهل مثل الاعوام السابقة بالضبط ... يمكن الخلل كان بالاسئله اللي ذكرتم ونشغلتم فيها

يا رب تعدونها بتميز

[فهد 1983]

انا عديت ع الحفه وخايف ارفع تظلم يرسبوني