أرائـكم بخصوص اختبـآر المحـآسبة !!

[I hope tomorrow]

اختبار صعب ومعقققد ...

[dream.a]

وش فيهم الدكاترة هالسمستر على اختيار لاشيء مما سبق

يضيق الصدر ويجيب الغلقة

في اختبار السلوك التنظيمي من مستوى خامس جايب لنا ٣٥ فقرة فيها لاشيء مما سبق
وهنا ٢٩ فقرة

ليه طيب !!!!!

غير القاعة برررررد تجمد المخ

يارب توفيقك

[ميلاد دمعي]

اسئلة المحاسبة كانت صعبه جدا فياليت اذا الجامعه يقدرون يعيدون الاختبار او يساعدونا في زياده الدرجات

عشان ننجح

[غيدو]

صعب صعب

[محمد المضياني]

السلام عليكم ورحمة الله وبركاته

زملائي الطلاب/ زميلاتي الطالبات

لاشك ان اغلب الطلبة قد عانا الامرين من المحاسبة 2

لذلك هذه مسودة للشكوى كتبتها واطلب منكم فقط النسخ والارسال للجامعة
على هذا الرابط

http://del.kfu.edu.sa/entisab_app/index.asp


شكوى مادة المحاسبة 2

الى عمادة جامعة الملك فيصل/ التعليم عن بعد

السلام عليكم ورحمة الله وبركاته

افيد سعادتكم بأن الوقت الممنوح لنا لحل اسئلة اختبارات مقرر المحاسبة 2 لم يكن كافياً
فساعتين لاتكفي لحل خمسين سؤال كلها مسائل تحتاج الى تركيز اكثر لاسيما وان الوقت هو من اهم الاسباب التي تؤدي الى التركيز ولقد فقدناه بسبب ضيق الوقت الغير مناسب بتاتاً البتة!
ولو قسمنا وقت الاختبار( ساعتين) توزيع النماذج على الطلبة اخذ منا 10 دقائق
وتعبئة النموذج اخذ اكثر من 10 دقائق
وتبقى لنا 100 دقيقة فقط من 120 دقيقة
وبالتالي فإن 100 دقيقة لو قسمناها على عدد الاسئلة الخمسين فأن حل السؤال الواحد لابد ان لايتجاوز الدقيقتين!!



الوقت كان يشكل ضغطاً نفسياً علينا نحن الطلبة وكان هو السبب الرئيسي في تشتيت المعلومة وعدم التركيز

لذا نطلب منكم اعادة النظر في اختبار هذه المادة والنظر في هذه الشكوى بعين الاعتبار




كل ماعليك نسخ الصيغة لكل مادة وارسالها على الرابط اللي حطيته لكم فوق

الهمة الهمة يالله خلونا ناخذ حقينا من المفترين علينا....,
طبعا بعد ماتدخل ع الرابط تدخل رقمك الجامعي والسري
وتختار مركزك حق الاختبار والمادة
وتحط الشكوى بمكان الملاحظات



ملاحظة منقول من الاخ طالب كويس ...

واللي عنده تعديلات علي الصيغة يتفضل يغير فيها ..


تقبلوا تحياتي


اخوكم محمد المضياني

[وايليه]

بحر كتبت لك كلام الصبح بس مادري وش فيه الموقع تقفل
المهم إني أهنيك ع الكلمات وكذا
لانه الكلام كتبته كبير بس نسيته ماعليش هه
وبعدين كان عندك تكمله كمل الله يخليك ووربي متحمسه قريته ع أمي رحمتنا

[وايليه]

اخوي محمد هذا الكلام كان لمادة الرياضيات العام

بعدين حنا مو قاصرنا وقت حنا الى مقعدنا كلمه لاشيء مما سبق هذي الجملة الى تعبتنا

[*كادي*]

اجل بتشتكوووووون

انا اقولكم لا تتعبون انفسكم

لانكم ما بتطلعون بفايدة

سبقناكم فيها قبل قالاقتصاد الجزئي

...

حسبي الله عليهم ونعم الوكيل

[وايليه]

المشاركة الأصلية كتبت بواسطة mshaweer

صبحكم بالخير جميعا

المسألة مهمه جدا في الاختبارات

الجميع في هالملتقى الله يجزاهم بالخير وخاصة الي يطرحون الاسألة والاجوبة لهم مليون شكر والاباقي

الي يدعي على الدكاتره ويسبهم ومقطع نفسه وهو الظاهر انه قبل الامتحان بعشر دقائق حصل قرطاسة(ورقة)

طايحة للمادة وقام يقرأ فيها ودخل الامتحان وقال صعب ومدري وش يبي لكل مجتهد نصيب

انا حامل الماده واخذته معي ونفس النظام ماذاكرت ولا شي الي اعرفة اني طبعة من المنتدى كم ورقة وذاكرتها مجرد مصطلحات ومعلومات والباقي على الله والله يوفق الجميع الي يبي ينجح من اول السنة يفهم للمادة ويعرفها وبتصير سهله عليه مو قبل الامتحان بيوم

المصيبة توني اعرف ان المحاضرات المباشره عليه درجات وانا ماحملتها اكتفيت بتحميل كل شي الا المباشر

واخير اقول ادعو لكل شخص بالخير لانه اخ لكم في الاسلام ولا تدعون عليه لان فيه ناس يحتاجونه

والله يوفقكم في الي جاي وعقبال الدراسات العليا والمنازل العليا في الدنيا والاخره

أخوي مشاوري أسفه لو قلت غلطان أختبار أمس كان صعب
إحنا ماخترنا إنتساب الا لنا ضروفنا مو مثل الانتظام هذا اولا
ثانيا الى مذاككرين من أول الترم صعب عليهم
السؤال متلخبط هذا شي بعدين الاجابات يجي يقول لاشيء مما سبق لو أنت متأكد تتلخبط
وبالتوفيق لك وللجميع ويهدي الدكاترة ويوفقهم لطريق النجاح

[شقررردي]

والله ياجماعة الخير

من اول مادخلت القاعه وانا جايب العيد كأني اول مره اختبر في حياتي

اقرا الاسئله وانا منصرررررع مفهي مندوش كل معاني التحطيم مرسومه على وجهي بقلم الرصاص hb2



لكن طبحت بورقة اللي جنبي والاقيه نفس النموذج <<< وركز على كلمة طبحت

كل مايظلل على سؤال اظلل معاه

كل مايمسح امسح معااااااه

لدرجة اخر شي يقعد يراجع واراجع معه لين قام قلت خلني ابقى 5 دقايق


عسى الله يستر بستره