خبرونـا عن أنطباعكم ومواقفكم في صيفي الحسـا :)

[حمود بن عثمان]

بصراحه التجربه ممتعه
رحت صدر رد من الرياض الى الاحساء
وباذن الله اذا فتحو ثاني مره راح اكررها

[انعاش حلم]

المشاركة الأصلية كتبت بواسطة غرشـوب

تجربــه ممــازه جدا وسأكررهـا مرات عديدة بمشيئـة الرحمــن

مشينــا أنا وأحد الأصدقاء من الدمــام قبل أذان المغــرب بنصف ســاعه . ومحملين بالسمبوسه والشوربـه والتمـر والقهــوه .. والبعض من الملخصات لمــادة الأخلاق الأسـلاميه ... أفطرنــا قبل بقيق بـ 10 كيـلو .. ركنــا السيــاره ونزلنــا بسطتنا وعدتنا وسمينا بالله ودعينــاهـ التوفيق في الحيـاة الدنيـا والأخرى..وأفطرنــا وذاركنـا قليلا .. ثم صلينــا المغرب والعشـاء ..ثم أكملنـا طريقنــا الى الأحسـاء.. وصلنا للأحســاء تقريبا الـ 8 وبضع دقائق .. وبإستخدام القارمن وصلنــا للجامعه واكتشفنا بأنه قسم الطــالبات .. لعبنا بالقارمن وطلع لنا مكان اخر بالجــامعه ولكـن به تحويله..ولا نستطيع إكمــالها.. السـاعه الان 8 ونصف لم يتبقى سوا ساعه ونصف ع الأختبــار..لم نجد حلا سوا دورية المرور وسألنــاه ووصف لنــا الطريق..مشينــا ع الوصف ونتفاجئ بقسم الطــالبات مرة أخرى
وبعد سؤال أمن الجامعه الذي أخبرنا بأن شطر الطلاب بجــانب الطالبات ولم يبعد عنه سوا بســور فقط
وصلنا للجامعه قرابه التــاسعه.. وقفنا السيــاره ونزلنــا بسطتنــا قهوتنا ومذكراتنا و التمــر ..استمرت المذاكره 40 دقيقه قبل الدخول للقــاعه..استغرق الأختبـار قرابه الســاعه خرجنا منه 11 و 5 دقائق توجهنـا بعدها الىمطعم فيتــامين لتناول الشــاورما مع الموز بالحليب ومنها الى سوق القيصريه المكتض بالمتسوقين..أعجبني الأجواء الرمضــانيه في الاحساء .. بساطه النــاس..روح المســاعده لديهم..بعدها الى الدمام مره أخرى وصلنــا قرابه الثانيه فجرا..

تجربــه كانت ممتــازه..خلصنــا مــادهـ كانت متطلبـه علينــا.. كنا نتمنى أخذ المزيــد من المواد ولكن في كل مرة نواجهه رسـاله الشعب ممتلئــه
العـام القــادم سأكرر التجربه بمشيئة الله...

ههههههه هذي طلعة شباب وحركات تخييم

ماهي روحة اختبار



بالتوفيق وعقبال امتياز

[انعاش حلم]

المشاركة الأصلية كتبت بواسطة فضيل

انا رحت الأحساء لإستلام الوثيقة! المهم كانت رحلة غير سعيدة.

أولاً، استخدمت برنامج الملاحة syge وضيعني لأني مفروض الف مع مفرق الإحساء من بدري من جنب الرياض، المهم رحت زيادة حوالي مية كيلو، يعني زودت ساعة في السفر

طبعاً وصلت الهفوف بعد التعب الساعة الثامنة وافطرت في مطعم متأخر عن موعد الفطور.

المهم رحت لشقق مفروشة في المبرز وسكنت وفي الصباح رحت الجامعة ( وضيعني بعد برنامج الملاحة تبع الآيفون) لكن الظاهر من كثر الحفريات، المهم وصلت بعد جهد جهيد الى الجامعة، ورحت لمبنى القبول والتسجيل ومن بعده لمبنى عمادة التعليم عن بعد، وكنت فرحان على بالي اخلص اخلاء طرف واستلم الوثيقة وامسك طريق الرياض، لكن للأسف قالو لي باقي لك مقرر لازم تاخذه قلت لهم اكيد فيه خطأ قالوا لي هذاك مكتب الدكتور مصلح روح له، رحت له وقال لي ادخل ع العميد وعلى طول رحت العميد الفريدان، وماقصر رحب وقالي باقي لك مقرر ، قلت انا اخذت مقرر يوازيه قال لي لا هذا اجباري قلت لكن مافيه اعلان انه اجباري المهم طلعت لأني ما أحب أناقشه زيادة.

ورحت للدكتور مصلح وكان جزاه الله خير متعاون ورغم انه صائم لكن ماسك العمادة كلها. وفهمته وطالع في الجهاز وقالي معاك حق المادة اختيارية وجنبها (أو) يعني مفروض انك متخرج، لكن خذ الورقة وارجع للعميد وكلمه ورجعت للعميد وقالي هذه المادة بعد اجتماع مجلس الكلية جعلوها إلزامية، ولازم تختبرها، قلت كأني أخذتها في جامعة الملك سعود من زمان قال جيبها، واحنا نحاول نعادلها مع انه يبي لها اجتماع مجلس الكلية! قلت له اجتماع علشانها قال نعم، وشكرته ومشيت، وبعدين حاولت في د. مصلح يكلمه وكلمه لكن ما أقنعه

قلت لدكتور مصلح الحين أتأخر على الماجستير قال نحاول نساعدك في الماجستير هنا انتظام.

المهم، مشيت الشقة وبعد المغرب مشيت الرياض وصراحة رحلة طويلة وتعب (وبعد انا ما احب السرعة) فصارت أطول من اللازم!.

الله لايخيب تعبك

صدمة بصراحة فرحة تخرج وتطلع مادة مدري من وين

ماسلتهم متي اختبار الماستر عندهم

[SCISSORS]

wenderful

[أمواج الامل]

المشاركة الأصلية كتبت بواسطة لينكس

وش رايش بالليمون
اممممممممم

حامض صح ، أمح



الان وقت الرطب
اوقات البيع اكثر شي في وقت العصر قبل اذان المغرب بساعتين او ثلاث ، في الطرقات ( على الارصفة ) عند المزارع ، وحتى في محل الخضار فيه .

ذكريني السنة القادمة على خير ان شاء الله

ومالش الا طيبت الخاطر

أبشرك كل يوم اسوي عصير ليمون بالنعناع من يوم شريته خخخخخخخخخخخخ

ماكنت اخرج من الفندق الا صلاة العشاء
بكتب عندي في التبيه عشان أذكرك
يعطيك العافيه ما تقصر

[ملكه في مملكتها]

أنا مشيت بنفس اليوم كان اختباري فقه السيرة والأخلاق الإسلاميه الشي اللي ما كنت مستوعبته أني ف الرياض باقي واختباري في الليل تحركت من الرياض 3 العصر وجت 5 ونص وانا ف قلب الاحساء ما صدقت عمري الحمد لله اول ما وصلت رحت شفت الجامعة وكان واضح مكانها مع اللوحات وتأكدت من البوابه اللي بدخل منها والحمد لله تيسرت مرت يومين كأنهم ساعه ومشكورين ي اهل الاحساء ع الضيافة الجميله وعن تجربتي ماني نادمه بالعكس خففت ع نفسي ساعات ......

[نوف بنت سعود]

اختي خالدية وبس وأخوي لينكس ما قصرتوا الله يغنيكم ويكثر خيركم وبأذن الله الصيف الجاي أحط موضوع عن التمر م

[لينكس]

المشاركة الأصلية كتبت بواسطة أمواج الامل

أبشرك كل يوم اسوي عصير ليمون بالنعناع من يوم شريته خخخخخخخخخخخخ

ماكنت اخرج من الفندق الا صلاة العشاء
بكتب عندي في التبيه عشان أذكرك
يعطيك العافيه ما تقصر

يم يم

سآل اللعاب




حاضرين




والله يعافيك

[لينكس]

المشاركة الأصلية كتبت بواسطة نوف بنت سعود

اختي خالدية وبس وأخوي لينكس ما قصرتوا الله يغنيكم ويكثر خيركم وبأذن الله الصيف الجاي أحط موضوع عن التمر م

ابشري
ربي يحفظك

[فضيل]

المشاركة الأصلية كتبت بواسطة انعاش حلم

الله لايخيب تعبك

صدمة بصراحة فرحة تخرج وتطلع مادة مدري من وين

ماسلتهم متي اختبار الماستر عندهم

لا،
لكن قلت للدكتور مصلح أخاف أتأخر عن الماجستير قال ان شاء الله ما تتأخر