 |
|
||||||
| منتدى كلية الآداب بالأحساء منتدى كلية الآداب بالأحساء ; مساحة للتعاون و تبادل الخبرات بين طلاب و طالبات كلية الآداب بالأحساء و نقل آخر الأخبار و المستجدات . |
 |
|
|
أدوات الموضوع |
2013- 7- 26
|
#191 |
|
متميزة بكلية الآدآب بالإحساء
|
رد: استفسارات المستجدات بكل شي يخص الكلية ( هنــآ )
و رجعت لكم بكذا نصيحه حبيت احطها لكم و ان شاء الله تسفيدون منها :
بالنسبه للتنانير بقولكم شيء التنوره القماش المستقيمه ماتروح موضتها ابد خذي لك وحده قماش ميدي طبعا الميدي الطويل اما القصير مو حلو ابد :/ وفي تنوره طايحين فيها اللي يجي قماشها قطن وقصتها مستقيمه ، حلوه مره وخذتها من زارا و من محل فريز بالعثيم مول بالاحساء تلاقون نفسها بما ان مافي بالحسا زارا وبالاخير نجي للتنوره السكيني حلوة للناس الضعيفه اما السمينات ماحس تجي حلوة و انيقه عليهم * التيشيرات والقمصان وما الى ذلك خذي اللي تبين ما عدا أشياء شفافه وراعي الذوق العام لوسمحتي يعني مو منظر جميل ولا متحظر اذا جيتي بشي شفاف ومقرف! وغير كذا بيقفطونك ويسحبون منك بطاقتك وتوقعين وبلا بلا بلا وأشياء انتي في غنى عنها * وبالنسبه للشنطه تكفيك وحده تكون حلوه وعمليه للكرف حتى لو كان سعرها عليه القيمه و نصيحححه لاتحاولين تاخذين الشنطه االلي جلدها قاسي مثل هالشناط :  لأنههها مممره مو عمليه و جلدها مو عملي اببداً خذي اللي جلدها يعيش معك لمدى طويل وش لازم يكون بشنطتك ؟ اول شيء واهم شيء شنطة للميك اب لو انت متعوده ماتشيلين معك الاروح وبلشر عادي اشتري الشنط الصغيره مره انا كنت اقول مو لازم ماراح احتاجها لكن او ما ادخل تبداء الحرب العالميه الثالثه مع شنطتي وتدوير الروج بين القش تحتاجين مناديل لو تحبين نظاره انا عني ما احتجتها كثير عشان كذا استني اول اسبوع شوفي الوضع كيف اذا تحتاجين اشتري واكيد عطرك اللي تفضلينه و حبذا يابنات تختارون عطورات ريحتها باردة تصلح للصباح ولدوام لأن احياناً في عطورات فرنسية ماركات تصلح للسهرات و المناسبات و حطي بعد مطهر ديتول و مناديل ديتول المعقمه هذا يفك ازمات محفظتك و شاحن للجوال حقك عشان يمكن يخلص شاحن جوالك خذي لك اي زوايه و اشحني جوالك بها  ( يمكن يقولون ممنوع بس لازم لازم يكون عندك خصوصاً اللي مثلي يجون من بعيد و بنات الدمام و الخبر و بقيق ** وسكتيهم قولي لهم انا وراي طريق ضروري اشحن جوال  * - الشوزات أهم شي خذي لك شي مرييييييح ورجاء رجاء الكعب لا تقربين منه! ترا حتى الدكتورات ما يلبسونه عشان تكونين في الصوره وان لبس احد منهم ما يتجاوز ثلاث الى خمس من جميع الدكتورات * و اممم اما عن الميك اب الصباحي عني انا اكتفي ب بي بي كريم جدا جمييييل هذا صورة له عشان اللي ماتعرف ( وتحصلينه بصيدلية الدواء و بنده و أي سوير ماركت متوفر )  بلشر خذي بلشر كريمي مره جميل ويعطيك لو طبيعي لانه موب بودره مسكره اذا تحبين او كحل وروج ^^ مع الكرف اسحب على كل الميك اب واكتفي بالروج والمسكره * نجي عند نقطه مهمة : النظاااااااااافة يابنات شي مهم جداااا مزيل العرق والاستحمام , ترا والله انك بنت وعيب تمرين من جنب أحد ويشم روائح جدا سيئه كفيله بأنها تخليه يبرطم طول اليوم لاتقولين بحط عطر وخلاص لالالالاااا لأن العطر يزيد السوء سوءً و اهتمي بإزالة شعر جسمك وكذا من باب الجمال للي يشوفك و من باب انك بنت لازم تكونين ناعمه و يكون فيه فرق بين يدك و يد الرجل اهتمي بقص الاظافر ترى مو كشخه اذا طولتي اظافرك الا قرف قرف قرف شعرك احياناً يكون ماعندك وقت تغسلينه مثلاً قمتي متأخر وكذا ف عندي شي جممميل و سحري صراحه يخلي شعرك كأنك تروشتي وانتي اساساً ماتروشتي اللي هو هذا المنتج :  هذا كفيل بأنك لارشتيه على شعرك المدهن يسحب الدهون و يخليه كأنك تروشتي طبعاً ارجع اقول لاغننننننى عن الاستحمام يعني لاتتكسلين عن السباحه دام عندك وقت و تقولين برش الشامبو الجاف لا اكرر هذا المنتج اذا ماكان عندك وقت تتروشين استخدميه , ينفع للجامعيات مرره مره , للي حابه تشتريه و متوفر في صيدلية بوتس بالعثيم مول بالاحساء بالدور الاول .gif "(204)") خلصنا من باب الزينه والتزين نجي للباب اللي بعده بخصوص الدراسه والصديقات دراستك مهمه جدا ولازم تنتبيهن لها بنفسك لأنها بتحدد مصير مستقبلك اللي بيحدد هل بتتوظفين! هل بتتزوجين! لأن الشهاده في عصرنا الحالي مهمه وبعضهم يعتبرها أهم من الزواج! ( لذلك اجتهدي وبتحصلين ثمرة اجتهادك قدامك ) نقطه للتوضيح * الدكتوره مارح تلحق وراك تطلب منك تجيبين لها بحث أو تعطينها واجبك ! انتي مسؤوله عن نفسك لازم تتحركين وتسوين بحوثك وتستفسرين عن الأشياء اللي ما فهمتيها وتعتمدين على نفسك بكل شي !! بالنسبة للادوات الجامعية : اكتفي بدفتر واحد كبير و قسميه على موادك و كل قسم لخصي اللي يخص كل ماده و القلم خذي لك القلم هذا اللي 4 بقلم واحد هذا احلى واسهل من تشيلين مجموعه اقلام بشنتطك ~> انا عن نفسي اسميه قلم الجامعيات  هذا شكله  و اهم شي عندي اقلام الهاي لاير عشان التحديد وكذا وبخصوص الصداقات .. أولا الرسول وصانا بالصحبة الحسنه لذلك اعرفي ان الرسول صلى الله عليه وسلم ما وصانا بشي الا وفيه خير وصلاح لنا في الدنيا والآخرة عشان كذا حاولي تختارين لك الصاحبات اللي بينفعونك في الآخرة قبل الدنيا!! لأن باختصار اللي بينفعك وبيفيدك بشي لآخرتك تأكدي انه بينفعك في الدنيا ! ومن ناحية الأخلاق تكفيين خلي عندك حُسن خُلق مع اساتذتك والطالبات والعاملات وكل من قابلتيه ابتسمي بوجهه تراها صدقة وبتفتح لك أبواب كثيره وبس اذا افدتكم بشي ياليت تدعون لي ولوالديني والمسلمين أجمعين |
|
التعديل الأخير تم بواسطة soul_22 ; 2013- 7- 26 الساعة 06:34 AM |
|
|
2013- 7- 26
|
#192 |
|
أكـاديـمـي فـعّـال
|
رد: استفسارات المستجدات بكل شي يخص الكلية ( هنــآ )
-
آبيْ آسالكَ ، تخصص علم اجتماع حلو يعني سهل ولا ؟ |
|
2013- 7- 27
|
#193 |
|
أكـاديـمـي
|
رد: استفسارات المستجدات بكل شي يخص الكلية ( هنــآ )
بنآت السنه التحضيريه يدآومون تـآريخ 25 كمـآن ولـآ قبل !
|
|
2013- 7- 27
|
#194 | |
|
متميزة بكلية الآدآب بالإحساء
|
رد: استفسارات المستجدات بكل شي يخص الكلية ( هنــآ )
اقتباس:
سهل للي تذاكر و تجتهد و صعب للي تهمل المذاكره يبي لك مذاكره و تركيز اثناء المحاضره عند الشرح و دكاتره علم الاجتماع كلهم يهببلون  و متعاونين مع طلابهم |
|
|
2013- 7- 27
|
#195 | |
|
متميزة بكلية الآدآب بالإحساء
|
رد: استفسارات المستجدات بكل شي يخص الكلية ( هنــآ )
اقتباس:
25/10 للكل سواء السنه التحضيريه او اللي اكبر منهم
 |
|
|
2013- 7- 27
|
#196 | |
|
أكـاديـمـي نــشـط
|
رد: استفسارات المستجدات بكل شي يخص الكلية ( هنــآ )
اقتباس:
تخصص علم اجتماع سهل وجميل وممتع وله مستقبل في عدة مجآلات :) الأهم من كذا رغبتك وميولك اذا ما كانت رغبتك علم اجتماع بيكون صعب عليك وربي يوفقك ويسهّل لك
|
|
|
2013- 7- 27
|
#197 |
|
أكـاديـمـي نــشـط
|
رد: استفسارات المستجدات بكل شي يخص الكلية ( هنــآ )
لو سمحتوا أنا راح اسافر تاريخ 27 لديرة وديرتنا مقطوعة
 علشان كذا بسأل اسافر ولا اجلس لان ماراح ارجع الا 10-10  يعني فيه شئ ضروري يخليني اجلس علشان مايفوتني ولا اسافر واعيد عند ربعنا
|
|
2013- 7- 27
|
#198 | |
|
أكـاديـمـي فـعّـال
|
رد: استفسارات المستجدات بكل شي يخص الكلية ( هنــآ )
اقتباس:
20 خليش موجوده عشان اليوم التعريفي :) |
|
|
2013- 7- 27
|
#199 | |
|
أكـاديـمـي نــشـط
|
رد: استفسارات المستجدات بكل شي يخص الكلية ( هنــآ )
اقتباس:
|
|
|
2013- 7- 28
|
#200 |
|
أكـاديـمـي فـعّـال
|
رد: استفسارات المستجدات بكل شي يخص الكلية ( هنــآ )
طيب وين اقدر احصل بلوزات وتنانير حلوه للجامعه  ؟
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| استفسارات عن الكلية | 5wEeld | منتدى كلية الأمير سلطان العسكرية للعلوم الصحية بالظهران | 10 | 2013- 7- 19 10:34 AM |
| الكلية التقنية في الاحساء للبنات ( استفسارات ) | شدعوه | منتدى الكلية التقنية بالأحساء | 1 | 2013- 6- 12 08:00 PM |
