هنا نستقبل استفساراتكم عن كلية الطب بالأحساء

[اورجوان]

رابط موضوع نبذة مختصرة عن سنة أولى طب للمستجدين


موضوع مفيد

و شامل


http://www.ckfu.org/vb/showthread.php?t=17504

[كبرياء الحب]

اختي ابسألك الحين اللي ما عنده لغه انجليزيه بيرفكت يعدي بالطب والا لا ؟

انا انجليزيتي متوسطه يعني افهم اللي ينقالي بس مو مرة رطنه

فخايف اني ما اعدي من الطب
بس سمعت ان مع التعود مايمديني اخر سنه اولى الا انا بيرفكت فيه
صحيح والا لا ؟؟

[اورجوان]

اختي ابسألك الحين اللي ما عنده لغه انجليزيه بيرفكت يعدي بالطب والا لا ؟

انا انجليزيتي متوسطه يعني افهم اللي ينقالي بس مو مرة رطنه

فخايف اني ما اعدي من الطب
بس سمعت ان مع التعود مايمديني اخر سنه اولى الا انا بيرفكت فيه
صحيح والا لا ؟؟

بيرفكت يعدي ان شاء الله

اصلا عدد الطلبة الي ما ينجحون بسنة اولى لا يتعدون 5 و بالكثير 10

[كيان إمرأة]

فتحي عيونك و اذانك عدل على موقع الجامعة و على تلفونكم

مفتحة عيوني وآذاني وكل شئ على الله بس يقبلوني


وبخصوص البعثة
يعني بعثة برا السعودية أو... ؟!
:c8:
مشكورة خيتـوو تعبناك معنا

[اورجوان]

يعني بعثة برا السعودية أو... ؟!

اي اكيد برا

ليش في بعثه داخل

حياك الله أختي

[حنين الأمل]

مشكوره خيوه ارجوان بس هم مافمت عليك بالضبط يعني نروح اول يوم واهم يعطونه كل شي والمواد والا احنا لازم نأكد على المواد
واله مو عارفه بالضبط
وعذرني على برودي وقلة فهمي
تحياتي
وفي انتظار ردك:c8:

[كيان إمرأة]

مشكورة خيتو أرجوان ماقصرتي يالغلا ع الرسالة والتنبيه

بس أبي أعرف فيه تسجيل ثاني بجامعة الملك سعود والا؟!

هل اللي قبلوهم "بأي تخصص بشكل عامـ" نسبهم عالية أو لا ...تقدرين تفيديني ؟؟

دخلت موقع جامعة الملك سعود مالفت إنتباهي أي إعلان كام نفسي أعرف نسب المقبولين..وأعرف إذا كان فيه تسجيل ثاني مثل جامعة الملك فيصل والا اكتفوا ..

مع خالص حبي & تقديري

[كيان إمرأة]

BaCk

أهلي شككوني يقولون الإعلان للطلبة الأولاد مو لنا؟!

[اورجوان]

مشكوره خيوه ارجوان بس هم مافمت عليك بالضبط يعني نروح اول يوم واهم يعطونه كل شي والمواد والا احنا لازم نأكد على المواد
واله مو عارفه بالضبط
وعذرني على برودي وقلة فهمي

اتذكر نفسي لما كنت في اولى جامعة و كأني كنت في أولى ابتدائي

دوم ما ادري وش السالفة

شعور طبيعي اختي

انتي اول يوم روحي كلية الطب بتشوفين اسماء معلقة على كل قاعه دوري اسمك بين هذي الاسامي ساعتها راح تشوفين انتي في اي مكان و تدخلين , بس مو مثل المدرسة يعني تجلسين قدام و خلاص حجزتي المحل طول السنة يعني كل يوم تجلسين في مكان و لكن - في نفس القاعه = القاعة ثابته و مستقرة -

لابد يعطونكم اجتماعات يوجهونكم فيها اضافة الى انهم يسجلونكم الخ الخ

انتي روحي ولا تحاتين شي و اذا ضعتي ثاني يوم قول وين اورجوان راح اطلع لك ان شاء الله و اتوقع انك ما راح تشوفيني لان حنا كرف من اول يوم دراسة فتشوفين في فسحة الصلاة

[اورجوان]

مشكورة خيتو أرجوان ماقصرتي يالغلا ع الرسالة والتنبيه

حيا الله

بس أبي أعرف فيه تسجيل ثاني بجامعة الملك سعود والا؟!

هل اللي قبلوهم "بأي تخصص بشكل عامـ" نسبهم عالية أو لا ...تقدرين تفيديني ؟؟

دخلت موقع جامعة الملك سعود مالفت إنتباهي أي إعلان كام نفسي أعرف نسب المقبولين..وأعرف إذا كان فيه تسجيل ثاني مثل جامعة الملك فيصل والا اكتفوا ..

مع الاسف ما عندي خبرة في جامعة الملك سعود

و لكن

المقبولين فيها - في الكليات الصحية - يدرسون سنة أولى و معدهم هو الي يحدد منو يدخل طب من يحولونه قسم اخر من الاقسام الصحية مثل علوم طبية .. الخ الخ

اضافة الى ان احتمالية القبول جيدة جدا

يعني اسمع في الغالب انه قبول فوري

تورينهم الشهادة يقولون خلاص مقبولة

هذا و الله اعلم

في بنات راحو تمريض و مدري ايش على عهدي و قبلوهم فوري

و من ناحية التسجيل

ما ادري هل هم بيسوون نفس جامعة الملك فيصل اريح لهم او يعيدون سالفة التسجيل

- مجرد توقعات - انهم يسون مثل جامعة الملك فيصل لان الاسماء الي سجلوا عندها موجودة فليش يتعبون الطلبة بالتسجيل من جديد

اقول لك شي اختي ؟؟

انتي خلك على فيصل و كل يوم روحي لهم لين يصدع راسهم و يقبلونك و خل ابوك يروح لهم بعد و يتفاهم معهم ساعتها قبولك 99%

اعرف ناس كذا :hahaha_2008: كان وحدة ابوها دوم يروح و يقول لهم ليه ما خذتوا بنتي و هي نسبتها كذا ووو لين قبلوها

و من ناحية ان الخبر للطلبة = مثل ما اخذنا في النحو الطلبة = مذكر و لكن تطلق على المؤنث و المذكر في حالة الحديث بشكل عام و بعدين لا تنسين انه مش بس الاولاد الى ما انقبلوا و نسبهم عالية في بنات كثير نسبهم عالية نفس حالتك يا اختي

الجامعة عليها حركات احيان يدقون ع الواحد قبل الدوام ب 3 ايام او اسبوع و يقولون له تعال داوم

يعني الا ما تداومين هالسنة في الجامعة ان شاء الله ..لا تنسين الحلاوة بس