همسآآآت رباعية الأبعــــــاد #

[البعد الرابع]

تموت ( هل ) وتولد بخاطري ( هل )
وترجع تموت بحل مكسورة الهاء

صيغة سؤال وللأسف مالها حل
فرق الامل عن الألم غلطة املاء

ماتكتمل جمله بها حرف منشل
وش فايدة ( عندي ) اذا انشلت الياء

تعبت املّي هالقلم والورق مل
تعبت اصحح بالخطا نفس الاخطاء

تعبت ادوّر بالصحاري على ظل
وماتت طموحاتي عطش مالقت ماء

[البعد الرابع]

أثر الزمن كله دروس ومفاهيم
..... والبعض من غبن الصدور يتدفى

الصاحب اللي قد رفعته الى الغيم
..... في الموقف التافهه تصدد وقفى

أصيح لا شفته وأنا ميتٍ ضيم
...... يا راس لا تنصاه يا راس تكفى

[البعد الرابع]

لازم العَاشق ليّا حَب يعرفْ حاجِتين
بِ البدّايه والنِهايه قليل اللي سَلَم

البدّايه حُب واشواق بسماتْ وحنَين
والنِهايه هــمْ وفِــراق ودمُوع وألـم !

[البعد الرابع]

ياشين قـل الصديـق ومسـة الحاجـه
وفقدانك الحاجه اللـي كنـت ذاخرهـا

وجفاء أقرب الناس لك لاصرت محتاجه
تأثر على النفـس وتحطـم مشاعرهـا

واللي يزود عـذاب القلـب وأزعاجـه
مقابـل النـاس لا شانـت خواطرهـا

[البعد الرابع]

ياصاحبي ياللي حضورك نور وغيابك ظلام
انته هنا واسمع كلامي وافهمه وانـا هنـا

مهما حصل والله مايلحقك من صوبي ملام
تعال فهمني وقلّـي وش علينـا وش لنـا

[البعد الرابع]

الوقـت جــن ،، وقــام يلـفـح عجـاجـه
ما للضحـى وجـهٍ ،، ولا لسهرتـي ( ليـل )

والخاطـر إللـي فـاض فيـه إحتجـاجـه
على شحيح ( الحظ ) ،، ( والغيم ) ،، ( والسيل )

مـالـوم وقـتـي لا قـصٌــر بنـفـراجـه
مـا دامـهـا صـقـه اللـيـال المماحـيـل

أبـا أتمـنـى ،،،، مــا تمنـيـت حـاجـه
( أبــي سـلامـات اللـيـال المقـابـيـل )

[البعد الرابع]

اليوم شكلي بقفل المدونه مشاركات

هع

[البعد الرابع]

الليل .. وإحساس المعاناة .... وافــي ..
.....ماقصر بزود الغرابيـل ... مشكوور

كريم في مد التعب ..... والتجافي ..
.....إختار له بيتِ من الوصل ..... مهجور

كيف اتعايش .. مع سواد العوافي ..
..... وانا من الخاطر .. يقولون مكسور

[البعد الرابع]

يَآربْ وصّلنِيْ ( موَآطينْ آلآمَآلْ )
وإنزلْ علَى قلبَيَ هدوءٍ وسَكينه


وٍ زح عنّي همومٍ علَى قلبَيْ ثقَآإل
مَآخآبْ من يرفَع ل وجهكْ / إيدينَه

[البعد الرابع]

جيتك وانا مالي من الوصل حاجه
.... واقفيت اخاوي ضيقتي مثل ماجيت

ياليتني ماجيت ناوي المواجه
.... ياليتني عن سكتك رحت واقفيت

ظنيت ألاقي لجرح قلبي علاجه
....خيبت ظني ليتني ماتعنّيت ..!