[ تجمع ] : الشعور اللي تجاهك غير حروف القوافي

[2COOL]

،'

من معطيات التجارب وإختصار الكلام
أنجح عقول الخلايق فـ الزمان.. أربعة

من فضّل" الصمت لازادت هروج الأنام
ومن ينثر" الطيب لاشاف العرب تجمعه

ومن شاف زلّة رفيقه في طريقه وشام
ومن برّ في والدينه . . برّه . . بينفعه"

،'

[2COOL]

،'

انشد يتيم الأب و الرد يغنيك
لاطاحت دموعه علشان طرياه

ما يبغي الدنيا لا ذي و لا ذيك
وده يشوف ابيه و ي❤_ب ماطاه

،'

[(مشعلي)]

‏وين أنت يا ورد الغرام اللي على العاشق بعيد
‏انت الجواب اللي عجزت ألقا و ادوّر لك سؤال
‏َ
‏و وين أنت ياساعي البريد أبطيت ياساعي البريد
‏تعبت و أنا من جفا شمسك أدوّر لي ظلال
‏َ
‏الله كتب ليلة عمر تنقص من العمر وتزيد
‏و الله فرقها لي مثل فرق الحرام من الحلال :)

[2COOL]

،'

لا صار مابه لـ الحلول أنصاف
العذر " ما يملا بطن . . جايع

عندي يقين أن السكوت إنصاف
فـ الساعه اللي حكيها . . ضاايع

،'

[قعناص]

و راحوا كل من
مروّا على قلبك
بلا توديع

تلملمهم من أطراف
الجفن لكنهم طاحوا

وبعد ما تشعرك
كل الوجيه
إنك بديت تضيع
يجي واحد
وبعده
تحمد الله إنهم راحوا

[(مشعلي)]

‏طواريك تبلى خاطري كل مَاسجيت
‏تمثنى الضلوع وتدحم الصدر وتفجّه

[2COOL]

،'

لو ماحققته من الأحلام كثر اللي تبخر"
كان ماحنيت للماضي .. ولحقته حسافه

علم اللي في هوى نفسه ورغباته مصخر
الهوى والنفس والرغبات .. مامنها مرافه

يالله اغفر ماسبق من كل ذنب وما توخر
ماطلب عبدك رضاك و مغفرتك إلا مخافه

،'

[2COOL]

،'

الشعر مثل الكيف دله و فنجال
يا سايق الفنجال .. لا عاد تملاه

ماكل ما يخطر على البال ينقال
ولا كل شعر يبيض الوجه معناه

،'

[2COOL]

،'

من لا بدا في عاليات المراقيب
وخاض الصعاب وكل قمة رقاها

وثنى لفعل النايبه و المواجيب
ونفسه عن الدرب الطمان يحداها

بكره ليا من بان في راسه الشيب
يصبح طعامٍ للحياة أو وزاها

الوقت يمضي والمنايا مناديب
وياسرع دورات الزمن ومْغزاها

،'

[2COOL]

،'

الرزق مكتوب والأقدار مكتوبة
لا تشغل البال بالدنيا وما فيها

احرص على طاعة المعبود والتوبة
وباقي أمورك . . ترى ربك يسويها

،'