؛¤ّ,¸¸,ّ¤؛°`°¤ صـوره و نـقـاش ¤°`°؛¤ّ,¸¸,ّ¤؛ - [ التعصب الجاهلي ] ص25 -

[دوحه غَنّاء]

^^^^^


لم ينجح احد وابو علي

الله يصلحكم ويغفر لكم



ذكرتوني بأخواني

كانوا مع بعض بس مااااا فيه اي تشاااااابه

لذالك ما احد يدري انهم اخوان الا المقربين من زملائهم

اما اكثر المدرسين ما يدرون برغم ان مرت سنوات وهم مع بعض بنفس الفصل


طبعا امممممم التغشيش والبرشمه بينهم

عدوووو واغلطووو

سراويل

غتر

براشيم يتبادلونها

واحد يطلع ويغشش الثاني من برى





واحد كانت رجله مكسوره وعليه جبس برشم على الجبس


لما جاء في آخر الثانوي كانو في فصل واحد

تعب واحد منهم ومرت عليه فتره يجيه شبه صرع ويغمى عليه

وجاته الحاله وهو بحصة الجغرافيا لا والمدرس معاقبه لأنه كان نايم

و فزع له اخوي الثانيه وشاله يبي يوديه للمستشفى

اعرفوا المدرسين انهم اخوان وركزوا عليهم

خاصة في الاماكن وقت الاختبار

[وينك يابوي]

انا لي صولات وجولات بالغش بذات بثالث ثانوي بدددعت يا الله تغفرلنا

ذاك اليوم كانت أختبارات نهائيه وكان علينا أحياء وانا كنت حاذفه فصل كاامل بكبره

بالإضافه أي تعريف اي تعداد اي وظايف اجهزه احذفهاا << وش ذاكرتي

بس كنت اتصفح الكتاب الأبله نحيسه ماعطتنا تلخيص من كتاب نذاكر عشان كذا

انا ذاكرت وأرهقت نفسي

المهم جاء الصباح والبنات بحووسه وقلق وخاايفين لأن اسئلتها معروفه صعبه ودش

وأنا وخويتي جايتنا حالة هيستيريا مواصلين وسوالف وضحك بالساحه

أذكر بنات المنازل كنت محيرتهم يقولون لي بالقاعه غشيشينا اقولهم ما أعرف شي ولما اطلع

يشوفوني اضحك يقولون حليتي شلون تقولين ماتعرفين قلت ياا أواادم

سواء حليت ولا لا بضحك تبوني ابكي

زي مهجه السودانيه إلي بس شاكه بإجابتها تبكي "" الله يذكرها بالخير ""

الزبده دخلوا البنات القاعه وانا بالعاده ما أدخل بدري << كل شي تتأخر فيه

عندي مخبأ سري بس لاتعلمون احد عنه

اروح اجلس بدورات المياه وأنتوا بكرامه واسكر الباب بقفل وأقرأ ومحد يدري عني

المهم دخلت وهم مسلمين الورق عادي مدرستنا مايدققون دخلوني

عاد ذيك المناوبه كانت قمممة العباطه الله يسعدها

فتحت الورقه إلا القى ست مصطلحات يعني الأبله جايبه التعريف وتقول هذا تعريف مين

حليت إلي اعرفه ونص الحل ما عرفته اجاباته دقيقه يعني مو بالفهم

انا وش سويت رحت صفطت الورقه على جنب ونمت لي شوي اريح انتظر البنات يخلصون

عشان يتفرغون لي ويغششوني تماام وبأريحيه تاامه

قمت من غفوتي إلي كانت موب قصيره والله شبعت وألتفت ألقى البنات
اغلبهم مخلص

الدفرات انا متفقه معهم قبل لا أدخل اصلا من قبل الأختبارات وانا معطيتهم خبر

بديت ب إلي جنبي وحده عتيبيه هذا لو بس اناظرها تضحك

اشك مكتوب بجبهتي نكته

فأسلها وتعطيني اجابات بس اقولها غلط لا امسحيها

تقولي وشدراك انتي << البنت من العشره الأوائل على الدفعه وجالسه اصححلها

فقلتلهاا ررووحي ما أبيك انتي وهي فاطسه ضحك ياحبي لها تزوجت << معلومه اضافيه

بغيت اروح للسودانيه بس مهي بحولي كانت خانقتها العبره شاكه بإجاباتها

شوفوا جالسه تصيح شاكه بإجاباتها ماتبي تجيب الاول مكرر تبي الأول حااف

ماشاء الله ماشااء الله تراها دخلت طب بالسودان <<<هم بعد معلومه إضافيه

فقلت لاحوول بروح للخيار الثاني خويتي القحطانيه

طبعا انا مضبطه وضعي مع الكل يعني إذا ماعطتني فلانه اجي للي بعدها وهكذا

ما أعتمد على وحده لاا لااا نوو نووو اخاف تنكبني يمكن تبكي

ولا تفهي ولا تخااف احجز اكثر من وحده

وإلي تجيزلي اغش منها << حشى بتخطبينها لأخوك

اللحين السؤال الأول غشيته وكل الفقرات بعد فهمته

العله وين بالسؤال الأخير إلي عليه 7 درجات او اكثر قلت هذا لازم لازم لازم

احله كامل ما أخلي فقره

بس هو كان يخربط ما ينفع أأشر بيدي على السؤال

لانه كله عباره عن تعداد واذكري وظيفة كل من وصاكه عظام الرقبه مدري وش أسمها محدده انواع محدده

المشكله عظام الأطراف مدري الأصابع حاطه اربع فراغات يعني شلووون

بغيت استهبل عليها اكتب نشيل القلاص , نطق اختنا , نسلم

زي مره النحو كتبت جمله مفيده

سجل ياسر فخسر النصر

نرجع للغش قلت ابي طريقه عشان اعلم خويتي الفرات إلي ابي حلها

فجات ببالي فكره

السؤال كان فيه طاري الاصابع قعدت اطق اصبع بالقاعه بس والله من دون صووت
وهي عرفت وعططتني الإجابه

العمود الفقري هينا طقيت ظهري جلست اطق نفسي كأني خبل

والبنات والله مساكين شوي وبيموتون من الضحك وانا اخزهم ما أبي المراقبه تحس
لأنها جالسه وهي شبه نائمه يعني لاهي إلي صاحيه ولا هي إلا تراقب
مابين وبين
الزبده ونجي للكتف وأهز كتوفي
بس شسوي اسقط يعني لا مش عاايزه عاايزه انجح
ذاك السؤال ماشفت اصعب منه اهمية وتعداد ومم يتركب وكل شي جابته بجسم الأدمي

عشان كذا بددعت بالطريقه يعني إن ماحليته كان جبت بالماده جيد

وحمدالله نجحت وجبت 25

بس والله لو يرجع فيني الزماان ماغشيت أحس ذنب المدرسات برقبتي

وسلاامتكم >> محد تحممس بالهذره
.......

تلقيت اعجاب : 3333

>>ملوكه أووخص يالمميزه

بس بخرب عليك شسوي أعجبني ردك

لا والله ما أخربه

يعطيييك العافيه ملوكه على هالموضوع

[الشاااامخ]

السلام عليكم .. موضوع النقاش المره هاذي المفروض نسميه استعاده الذكريات ,,
اشو الربع كلهم لهم بصمه واضحه في الغش ,, ويمكن ما احد سلم من الغش واساليب الغش الذي يتنافس فيها الطلاب .وعلى الارجح ان هذا الغش لا يؤثر على سمعه الطالب او مدى امانته لانها فتره الانسان فيها
مراهق ولا يزال يتلقى التربيه والادب ويتعلم ان الغش حرام وهكذا ..الشي الوحيد الذي فعلا’ يؤخذ بعين الاعتبار هو الاستمرار فا الغش بعد مرحله الدراسه في جميع امور حياته هنا نقف ضد الغش الذي ينطبق فيه قول الرسول (من غشنا فليس منا )
اما الغش ايام الدراسه فغش بري لايوثر في مسيره الحياه وقيام الحق ,, وكل انسان معرض للخطا ولكن الاستمرار في الخطا والتمادي هو الخطر الذي يجب ان نحذر منه ونوقفه .. اكيد ملاك اختارت هذا الموضوع في هاذا الوقت قبيل الاختبارات لتحذر الشباب والشابات من خطر الغش وحرمته وانها عاده ننتقص فيها من يمارس الغش بل ويجب الاعتماد على النفس. وهنا في هاذه المرحله ليست كمرحله المتوسطه والثانويه فقط اصبح الانسان موكلف ومحاسب امام الله وامام خلقه ...
لايفوتني في كل نقاش ان اشكر صاحبه الطرح
الذي ارى تفاعل الجميع مع الموضوع دليل ع نجاح الطرح
وقبوله فاشكرا’’ لك

[₪ حـكـاية روح|~]

المشاركة الأصلية كتبت بواسطة ابونواف1

^
موضوع حلو وجا في وقته ولي رجعه ان شاءالله

حياك الله

والموضوع تحت امرك طال عمرك

[₪ حـكـاية روح|~]

رجعت بسرعه

حياك الله

بالنسبه للغش مثل ما قلتي عاده غبيه بسبب مفاهيم غبيه
من أحد هذي المفاهيم عدم المذاكره لطلب العلم ولشرف العلم

فعلا غبيه ..
والمشكله لا صار الواحد كبير .. وعقله براسه
ومازال يغش
ولاخوف لا من الله ولا من خلقه

وانه سبب في تغير الأنسان وثقافته واسلوبه
المفهوم الغلط يقول ذاكر لتنجح فقط وبعدها تتبخر المعلومات
ف أي واحد يذاكر لينجح فقط هو اللي يتوجه للطرق الملتويه
لأنه اذا ضاق الوقت عليه يدور أي وسيله تساعده على الوصول لهدفه وهو النجاح وفقط لا غير
أما اللي يذاكر للشرف العلم وفضل العلم ومكانته في تقدم الأمم فهو لا يبحث عن أي طريق ملتوي
لأنه يطلب العلم لذاته وليس للنجاح فقط

كلام صحيح 100%
بس ماتحس ان الوقت اللي يقعد فيه يبرشم
مررره كبير ويمديه انه يدرس فيه بدال ما يدور طرق حرام

ولما يكون هدفي العلم نفسه يكون النجاح والتوفيق تبع.
طبعاً الجميع يعرف ان الغش حرام ومع ذلك يغشون وهذا بسبب ضعف الإيمان.

فعلا مشكله .. خصوصا ان حديث الرسول الكريم
واضح .. وضوح الشمس

(من غشنا .. فـ ليس منا) اي ليس من امة محمد

والله يوفق الجميع في طلبهم للعلم ومن ثم النجاح
يله شدو حيلكم بقى بس شهر ع الاختبارات

اللهم امين .. وقرب الاختبارات هو اللي خلاني اطرح القضيه
ابو نواف .. بكل مره تتواجد .. تنور الموضوع .. شكرا لك

[₪ حـكـاية روح|~]

الـــــــــــــــــــــــــــــغش

قبل ابدأ بذكر موقف بصراحه انا ما ادري ايش اصف هذا الموقف لكني قريته وانا اضحك ورديت وانا اضحك وكل ما تذكرته ضحكت <<<<<<<<<<<<<< درينا انك ضحكت النهايه

وانا بعد اضحك >> <<

كنا في نقاش هنا بالملتقى ايام الاختبارات بحكم تسريب بعض الاسئله
الا جاء احد الاعضاء ( على قولت واحد من اخواني ماشيء ميتين ومطفي النور )
يقول انه سمع فتوى بتحريم الغش مــــــا عدى في مادة الانجليزي
:hahahahaha h::hahahaha hah:

علميني منو خليني اروح اشوف المذهب حقه

تذكرت يحلونه عام ويحرمونه عام
وتذكرت و قالوا ما في بطون هذه الانعام خالصة لذكورنا ومحرم على ازواجنا
يعني ايش ي شيء حلال وفيه شيء حرام
خلاص الغش حرام حرام
في اي دليل يستثنيء بعض الامور ؟؟؟؟؟؟؟؟؟؟؟؟؟
لاااا والاعذار الواهيه
لاااا لاااا بطلت مش اعذار واهيه
الا يلعبون على انفسهم
يقولون هذي مساعده مش غش<<<< احلفوا

لـ الاسف عذر اقبح من ذنب .. الله المستعان

اجل وشوا الغش
ودي ادخل بمخ ناس اشوف كيف يفكرون ؟؟؟
المهم تعددت الاسماء والاساليب والذنبو واحدو

حتى انا ودي اعرف اذا هذا مو غش . اجل وش الغش ..؟


اسئله :
- ليش تدرس / ين ؟؟
لجل ينجحوون > بأي طريقه حتى لو بالغش ماعندهم مانع

- كيف بتعمل / ين بعد التخرج وانتم ما عندكم معلومات ؟؟
هذا اذا اشتغلز .. لان من حل بالغش مات بالفقر >

- هل هذه قدراتك التي قدمتوها وتستحقونها ؟؟
لا اكيد .. ما يستحقون الا انهم يقعدون بالبيت

- اليس الاولى في مضيعت الوقت في كتابة البراشيم هي المذاكره ؟؟
صح .. انا اشوف ان الوقت اللي يقعدون يكتبون فيه .. ويصغرون الورقه
ويفكرون كيف يدخلونها ..الخ .. كان ممكن يختمون الكتاب من الى

- لمـــاذا تخشى / ين وترتبك / ين عندما يرونكم المراقبين ؟؟
- اليست عين الله تراقبكم ولن تغب عنكم ؟؟
لـ الاسف يخافون من الخلق .. ولا يخافون من الخالق وهو اللي يعلم كل صغيره وكل كبيره
وما تخفي الصدور ( سبحانه )

عذرا ملوكه الفصلات زايده وما وفيت الموضوع حقه

مرورك بالموضوع يكفيني ..

( الاختبارات قربت والمخ مقفل + فقد الاحباب يضيق الخاطر <<<<<< تضيق فيني دنيتي واتعنى

الله يوفقك .. دنيا واخره .. وسلامة قلبك من الضيق يابعدهم

[₪ حـكـاية روح|~]

المشاركة الأصلية كتبت بواسطة دوحة غناء

ملاك مــــــــــــاشـــــــــــــاء الله جهازي حتى حب موضوعك شفتي

علقت صفحه على الموضوع وعيت تقفل يمين شمال مااا فيه آمل

الى الآن معلقه

بس دخلت بطريقة ثانيه

غش وسقط


ويااا كثرها عندنا وشفت طريقه جديده يبيعونها في المكاتب

وكلا وذمته واكل الحلال

يابعد قلبي والله ..

توني ادري اني محبوبه هالكثر >

مشكوره ع التواجد والاضافه

منووره

[₪ حـكـاية روح|~]

الغش أنا أذكر غشيت في أول ثانوي في الفيزياء وبصراحة شعور لاينوصف مع إني مذاكر بس اللقافه كتبت القوانين في ورقه وصورتها وصغّرتها ويوم دخلت الإختبار ضيعت اللي مذاكره وأطلع البراشيم والمراقب شايفني ومادريت عنه وشوي الا المراقب سحب ورقتي وصفر في الإختبار

ابو عقلين ما ينجح ..
يعني يا تحل من فهمك
يا تحل من البراشيم
وانت ما قدرت لا ع ذي ولا ع ذي
وجبت العيد

ونجحت بالنظام اي مادة غير العربي والدين إذا كانت مادة واحدة ينجحونكـ ومرة في الإنجليزي ماغشيت الا التعابير والمدرس محدد لنا ست تعابير وأنا مبرشم خمس قلت أكيد بيخيرنا بين تعبيرين وتفاجئت بتعبير واحد فقط لاغير وهو التعبير اللي مابرشمته ودخل المدير وقال ياشباب اللي معه براشيم يطلعها وأنا أطلع وأعطيها المدير

سبحان الله هههههههههههههه
هذا لجل ما عاد تعيدها

هذي كلها في أول ثانوي الله يغفر لنا
مع إني كنت ممتاز من الإبتدائية الى المتوسطة وبعدين نزلت لجيد جداً في الثانوي

انا كنت منتازه الى 6
وبعدها انواع المقوبلات
بعدين بالثنوي صرت شاطره > قصة حياتي

اللي يغش الله يهديه يضيع عليه الوقت خاصة اللي يتلفت اسمعوا في أول سمستر وفي قاعة الإختبارات فيه واحد أول يوم خلص قبل نصف الوقت قلت ماشاء الله هذا اللي مذاكر صح واليوم الثاني نفس الطريقة قلت ماشاء الله والإختبار اللي في آخر يوم خلصت أنا قبله وطلعت وإنتظرته ويوم طلع قلت له ماشاء الله عليكـ شكلكـ تذاكر أول بأول ويطلع البلاكـ بيري ويقول هذا اللي يخليني أخلص قبلكم يغش من البلاكـ بيري وفيه ناس يغشون من الآيفون الله يهديهم

استغفرالله .. هذي تعتبر مجاهره .. ليته سكت ولا علمك

وش تقول لهم كلهم يعرفون إن الغش حرام ولاخليته نصحته وقلت له يمكن تنجح وبمعدل جيد وبدون غش ويوفقكـ الله قال جزاكـ الله خير

زين انه تقبل كلامك .. في ناس اعوذ بالله
بس تنصحهم يهبون فيك .. ويبدون عاد يردون ع كل كلمه بعشر

شاكره لك تواجدك ... ومتابعتك لـ الموضوع

[₪ حـكـاية روح|~]

الغش ... هههه

اي

هي مره وحده اللي قررت اغش .. واشش الفصل كله معي ..
كان عندنا مدرسه مصريه .. >> دايم كذا شكله ..
المهم حطت الورق حق الامتحان وراحت تكلم احد عند الباب ..
واجي طالت عمرتس واسرق الورقه واحله كله واوزع الحل على الدوافير اللي مثلي
ونحل وبدقيقه نسلم اورق .. ويوم صار من بكرا وتجي الاستاذه معصبه .. انا احسبه اكتشفت ...
بس طلع معصبه عشان .. كلما اخذنا صفر واطلقنا اخذت 1 ..

عقبها ما كررت المحاوله .. حسيت انه فن ما يتقنه الا ناس محترفين خخخخخ

ههههههههه اجل فن هاا ..
لا عاد تعودينها

نجي للجد .. صراحه وباختصار .. اذا الواحد عرف ان الغش حرام وان يتطور الوضع لندخل في حدود مصدر الرزق الحرام .. هنا يكون فيه قناعه ان الموضوع ما يسوى .. والبعد عنه خير وبركه ومن ترك شي لله عوضه الله باحسن منه ..

صح ..

الظاهره للاسف احيننا تصل للتفاخر .. وان فلان بطل قدر يغش .. وش عليه ابطوله ..
نحتاج لطريقه توعويه اكثر تاثير على اطفلنا لاقناعهم ببشاعه الغش .. ولنقضي على مبدا انه شي حلوو ولكاعه ومدري ايش ..

اي والله .. صار اللي يغش بطل ..
اذكر الترم اللي طاف .. واحد غاش .. وجاي هنا الملتقى ومنزل موضوع انه غش
يعني مجاهره .. الله لايبلانا ..
والله قهرني .. اذكر اني دخلت موضوعه واعطيته كلام ع راسه
بس لـ الاسف شكل قلبه ميت .. ما هتم

ملك الموضوع يطول الحديث فيه .. لكني مضطره اختصر للاسباب اللي انتي خابره ..
احسنتي الاختيار تحياتي لكي

لبى قلبك .. شاكره لك تقديرك لي وحضوورك
وربي يوفقك .. وجميع الطلبه يارب

[₪ حـكـاية روح|~]

الحمدلله ماقد غشيت اثارينى عاقله << ماتقصد تشتيتى ابد < دوعابه يافتاه

لبى العقل بس

بصراحه ياملوك من وانا صغيره امى الله يحفظها عودتنا على طرق دراسيه صارمه واسست فينا ان الغش
حرام حتى اخوانى وهم عيال ماقد تاثروا بخوياهم الحمدلله صدز فيهم اللى رسب بس مافكروا يغشون

الله يحفظها ويخليها لكم

انا مره وحده صار لى موقف عن الغش وانصدمت من حفظ ربى
قبل كنت ادرس انجليزى انتظام بالكليه وعندنا ماده اسمها صوتيات لازم تدخلين المعمل وتستمعين
لنطق الحرف وتستخرجين رمزه وهيك اشياء طبعاً هذا اختبار اعمال السنه يعطون 5 كلمات
انا حليت 4 وفهيت على الخامسه شكيت بين رمزين جنبى عاد فى اللاب وحده الله يهديها ان شاء الله
من ناس غير [ عاد افهمى ] ما ابى اصرح ويتقفل الموضوع

اي فاهمه ...

كانت تحترمنى كثير وتقدرنى لان تعاملى معاها رسميه واذا شفت منها خير اقابله بخير ,,,’
المهم البنت ذى دافوره ماشاء الله وخلصت بدقيقه لتفت على واثاريها شافت ورقتى انى مدقره بكلمه
قامت نزلت ورقتها من تحت الطاوله وحطتها على رجلى عشان انقل انا ياحليلى متكيه على الطاوله على بالى طاح منها شى ومدنقه تاخذه يوم نزلت راسى وشفت الورقه على رجلى ربى عمااااااانى عنها وقسم بالله
شفتها بيضاء مافيه ولاكلمه الا قلت بصوت عالى لا لا بغت تسمعنى المعيده البنت انخرعت وسحبت ورقتها شكلها قالت ذى فيها جنى المهم يوم طلعنا قلت لها لاعاد تسوين هالحركه معى مره ثانيه

هههههههههههههههههههههههههه
يويو .. بغيتي تدوين البنت في خبر كان

بس سبحان الله كنا بالتحفيظ المعلمه تعزز عندنا الثقه سبحان الله ومنزله المراقبه لله
توزع علينا الاوراق وحنا تقريبا 50 طالبه بالحلقه وتطلع ولا عندنا احد والله ما احد يرفع راسه ويسال الثانى
والا يطالع بورقته وكلهم ساكتين كن عندنا مراقبه واقفه علينا
معلمتنا الثانيه تقول انا كنت ادرس قبلكم هنا وكانت وكيله المدرسه مدرستى فلما توزع الاوراق تطلع بس
كاتبه فى اعلى الورقه الايه الكريمه [ يعلم ُ خاينة الاعين وما تخفى الصدور ] تقول والله ما احد يرفع عينه خجل
من الله -

احنى بالمتوسط كانت ابلة الدين تعتمد نفس الاسلوب
وكانت تطلع وتخلينا او انها تقعد تقرا كتاب وهي جالسه
بس في بنات سبحان الله لا خوف لا من الله ولا من خلقه

الله يذكرهم بالخير مدرساتى اشتقت لهم بجد اهتموا بالايمانيات واعمال القلوب الله يجزاهم الجنه ..,’
يسلمو ملوك على الموضوع اللى جاء بوقته

الله يجزاهم خير .. ويعطيهم الف عافيه ..

وربي يسلمك يا الغلا .. وفعلا احنى بحاجه لـ مثل هالموضوع بهالوقت من الترم