كل شي ينتهــي وكلنا راحلــون لاتبقى الا الذكريـــــ♥ـ♥ــ♥ــــات

[احساس دلوعة]

أ.ندى: بقيت اشوف اذا غيرتي فستانك
رحيق: والحين تأكدتي ؟
(هالمرة رحيق التزمت بالنظام وكان مريولها حيل نظامي بس خلت طوق الرقبه والاكمام كاروهات )
أ.ندى : أيه
رحيق: طيب اقدر اروح الحين
أ.ندى : اصبري من عندكم الحين
رحيق: فنية ....أ.نجوى
أ.ندى : امممممم .... خلاص روحي فصلك ولاتخالفي والتزمي بنظام المدرسه
..رحيق : انشاءلله ...( وطلعت رحيق من عند أ . ندى ودخلت الفصل )................................................. .......
أ.نجوى: وين كنتي
رحيق: عند أ.ندى
أ.نجوى: ليه وش تسوين ..؟
رحيق: كانت تبيني بموضوع
أ.نجوى : طيب ادخلي و استئذني و اذا بتتأخري عن الحصة مرة ثانية ماراح اخليك تحضري
رحيق: ان شاء الله
شرحت أ.نجوى الدرس وطلبت من البنات يبدوا يرسموا وبعد فترة
رحيق :ماشاء الله رسمك حلو
البنت : مشكورة
رحيق: شنوا اسمك
البنت : اسمي هاجر
رحيق: عاشت الاسامي .... والي جنبك مين؟
هاجر: صديقتي سارة
رحيق: الله يخليكم لبعض
هاجر: وانتي شنوا اسمك؟
رحيق: اسمي رحيق
وجلست رحيق و هاجر يسالفوا عن انفسهم .......وحتى بعد حصة الفنية كملوا سوالفهم الى أخر الدوام
هاجر: يلا جاء الباص
رحيق: باي نشوفك بكرا
هاجر: ان شاء الله
.................................................. ............
في بيت رحيق
بعد ما دخلت رحيق بيتهم صعدت غرفتها بدلت ملابسها وجلست على سريرها تفكر لو صارت هاجر صديقتها شنوا راح تكون ردت فعل بدور ؟!
ونامت رحيق من تعب يوم الاثنين ...وصحت من النوم الساعة 9 م تعشت وحلت واجبتها ... دخلت عالمسسن
مرام : هلا
رحيق: هلا والله
مرام: اخبارك
رحيق : بخير .... وانتي اخبارك؟
مرام: تمام
رحيق: دوووم
مرام: ليه غايبة
رحيق: أنا
مرام: أي ما شفناك اليوم قلنا اكيد غايبة
رحيق : لا مو غايبة
مرام : اجل ليه مختفيه
رحيق : بس اخذتني السوالف مع هاجر وما حسيت بالوقت
مرام : مين هاجر... بعد اول مرة تكلمي عنها ..؟
رحيق : مين راح تكون يعني .. طالبه معي بالفصل
مرام : عدل جالسة تسولفي واحنا نحسبك مريضة
رحيق: ههههههه
مرام : طيب بسألك الى وين وصلتوا بالنحو
رحيق : بكرا بنحل تمارين البدل
مرام : انتوا متقدمين كثير عنا
رحيق : أي اكيد احنا علمي مو كل الدروس معانا
مرام: رحيق انتي مرتاحة بالعلمي ؟
رحيق : لا
مرام : ليه
رحيق : ما بعد اتعود على البنات
مرام : طيب رحيق انا لازم الحين اطلع من المسن باي
رحيق: بايات
دخلت شهد غرفة اختها رحيق
شهد : اليوم سألت عنك أ.صفية وقالت لي اوصل لك سلام
رحيق: صج ..... والله ودي اروح متوسط ابقى اشوفها
شهد : مالت ... طيب شتسوووي على اللاب ؟
رحيق : اكلم مرام عالمسن
شهد: عن شنوا تتكلموا
رحيق: صج لقافة فيك بس برد عليك ... تسألني اذا مرتاحة بالعلمي قلت لها لا
شهد : ليه
رحيق: اممم لأني من رابع ابتدائي الى الحين وانا ماأعرف احد وماجلست مع أحد وماأحتكيت بأحد وما سولفت مع احد إلا مع مرام و بدور والحين مو عارفة اندمج مع البنات حدي معاهم سؤال وجواب
شهد:انا قايلة لك من قبل بدور عندها صفة حب التملك يعني صحيح انه لابد الواحد تكون له صديقة عزيزة على قلبه بس لابد تكون له علاقات مع الآخرين يعني بتضحكي مع فلانة وتسولفي مع فلانة
رحيق : اخاف اتعرف على صديقات جدد وتزعل عليي
شهد : خلينا الحين من بدور وسوالف بدور تعالي ننزل تحت عندي سي دي مسرحية خلينا نشوفه من البلازما وندخل المطبخ نسوي فشار
رحيق : يعني بنسهر !!!
شهد : أيه
رحيق : خليها الخميس
شهد : لا يلا قومي نظل الى الساعه وحدة وبعدها نامي
رحيق : اوك يلا قومي
.................................................. ............ في المدرسة بالحصة الثالثة
أ.بشاير : السلام
البنات: وعليكم السلام
أ.بشاير : حليتوا الواجب
رحيق : انا حليت اسئلة الدرس كلها
أ.بشاير: بس أنا اشرت لكم يعني مو كل الاسئلة تحلوها طيب اشوف كتابك
رحيق: تفضلي
أ.بشاير بعصبية : ليش كل تمارين الكتاب محلولة مو بس تمارين اليوم
رحيق: أي من الملل حليت الكتاب كله
أ.بشاير : انتي من وين ماخذته
رحيق : انا الي حليته من نفسي
أ.بشاير : لا مستحيل اكييد ماخذته من كتاب قديم والا احد من اهلك حاله لك حلفي انه انتي ؟
رحيق: والله انا الي حليته
أ.بشاير : عطوهاا كتابها
رحيق اخذت كتابها وحطته بالشنطة وحطت رأسها على الطاولة وطنشت الحصة كلها
.................................................. ............ في الفرصة تجمعوا البنات على رحيق
البنات : رحيق ليه سويتي كذا
رحيق: والله قهرتني
البنات: ضحكنا لما قالت احلفي
رحيق: هع
البنات : بس المفروض وضحتي له انك قدها وشاركتي معها
رحيق: ما أحب اللي كذا هي الحين غلطت عليي
البنات : طيب بنروح نشتري من المقصف بتجي معانا
رحيق : أي
.................................................. ...........
في اخر الدوام بساحة المدرسة
رحيق : وفاء لوسمحتي
وفاء: نعم
رحيق: انتي معاي بالفصل
وفاء : أيه
رحيق: عطيني رقم بيتكم احتمال بكرا اغيب
وفاء: طيب اكتبيه ........59
رحيق : مشكورة يلا باي
البنت : بتروحين خلينا نجلس نسولف
رحيق: اسفة بس لاني مستعجلة جاء السواق
وفاء : اوك يلا باي
رحيق : باي

.................................................. ...........
طلعت رحيق من المدرسة و ركبت السيارة
شهد: تأخرتي علينا كثير
رحيق: عندي ثمان حصص
شهد : حتى انا ثمان حصص وكل مرة يوم الثلاثاء نكون مع بعض بالسيارة
رحيق: طيب اسمعيني مو امس لما سهرنا حليت كتاب النحو كله
شهد : أيه
رحيق: عصبت الاستاذة وهزئتني وحطيت راسي على الطاولة وطنشت الحصة
شهد : طيب بكرا عندكم نحو
رحيق : أيه
شهد : يؤؤؤ
رحيق: تتحديني بكرا اغييب
شهد : اتحداك مستحيل بترضى امي انك تغيبي
رحيق: خلاص بتشوفي شنوا بسوي
لما دخلت رحيق بيتهم رمت الشنطة على الأرض و انسدحت ع كنب الصالة
رحيق بصراخ : آآآآآآآآآآه آآآآآآآآآه
أم رحيق: شفيك
رحيق: آآآآآآآآه بطني آآآآآآآه
أم رحيق: قومي نوديك المستوصف
رحيق : انا مو قادرة اتحرك ... ولا أحب ريحة المستوصف
أم رحيق : طيب بسوي لك شي ساخن
رحيق : لا ماابي شي
أم رحيق : احط لك غداء
رحيق: لا مو مشتهية شي ابد
أم رحيق : قومي نروح المستوصف
رحيق: لا ماااابي بس بريح شوي واذا ماخف الوجع اروح المستوصف
رحيق: آآآآآآآآآآآآآآآه بطني كح كح
أم رحيق: طيب قومي ارتاحي

يمــــــــــــــــــــــــــــــــــــــــــــــــ ــــــــــــه
سَسآمححيِنـِي لَو خَطيييتْ وآعذريينـٍي لَو جَفييتك
وآعرفي آني حيِيلْ آندَم يُوِم اكذب عَلييك
مُسستَحييل آحَحبْ غِييرٍك ومُسستَحييل آنسَـِى غَلآك
يآ أوٍوٍل آنسَسآإـنه عَرٍرٍفتِڳ مآأظِن آوصَصلْ مدآإك
حُحبك بقَلبـِي يَزييدْ ومآعرِف غييِرك ملآآإك
يُــِـِمـِـِــــــــــــــــــــــــــــــــــــــ ـــــــــــــه
آنتي مِثلْ آلنُوِرِ عِنديْ آهتِديْ بُه في آلظلآآإم
آنتي قآإربْ نجآآتي وَسسطْ مُوجْ وعَوآإصفْ
يَآبعَدْ عُممريْ وقلبي يآبعَد كل هآلوَجُوِد
يُــِـِـِـِـمَـِـِــــــــــــــــــــــــــــــــ ــــــــــــــِـِه
آنتي غِييرْ عَنهمْ وآششرَف وآطهَر ملآآكَ
آنتي شَشمسْ لآلآ
آلشَشمسْ يُمَه تَغييبْ وبعدَهآإ يبدأ آلظلآإم
وآنتي في حَحيآإتيْ شَشمسْ لآيمكَن تَغييبْ
يُــِـِـِـِـمَـِــــــــــــــــــــــــــــــــــ ـــــــــِـِـِه
مِن عَرفتك وآنتي تَهديني آلحنآإن
بَس فِييك عِييبْ وآحد غييرْ عَن ڳل آلعيُووبْ
طيبتك يمه غَريبه زآيدهْ عَن آلحدُوودْ
يُــِـِـِـِـمَـِـِــــــــــــــــــــــــــــــــ ــــــــــــِـِه
ڳنتْ آححسبْ آلنآإس مَثلِڳ
في حَنآإنك., فـِي صَصفآإتك ., وطيبَة قَلبِك و صَصدقك

رحيق صعدت غرفتها وجاءت لها اختها
شهد : عليك تمثيل
رحيق : وشرايك
شهد : سبحان الله كأنك الهام فضالة
رحيق: ههههههههه افا عليك
شهد: بتخاف بكرا أ.بشاير بتحسب فيك شي
رحيق: هذا المطلوب وانا مسوية كل هذا علشان هي تخاف ولا تحرجني قدام الطالبات مرة ثانية
شهد : يلا اخليك ترتاحي يا تعبانة

[احساس دلوعة]

باأأأأأأأأأك رجعت بعد 5 أياااااااااام

أكييييييييد اشتقتوا لي ما يحتاج تقولون داخلي أحساس <<<أووم الثقة

و أنا أشتقت لكم برشا

و أشتتتتقت للكتابة في مدوونتي

و بكتتتتب لكم أحدااااث هالأسبووووووع ِ

[احساس دلوعة]

البارت الخامس
وفي الصباح
أم رحيق: يلا رحيق قومي أجهزي للمدرسة
رحيق : لا إنا لسى تعبانة ما بروح اليوم
أم رحيق : يلا رحيق قومي والله ما عرفنا لك مستوصف ماتبي تروحي والحين ماتبي تروحي المدرسة يلا قومي بلا دلع
رحيق: لا اليوم ما أبي أروح تعبانة
أم رحيق: راح اسمح لك اليوم بالغياب بس ما تعيديها
طلعت امها من غرفتها أخذت رحيق اللابتوب وجلست تصفح بالنت ولما صار العصر اتصلت رحيق على وفاء
رحيق: هلا
وفاء: أهلين
رحيق: عرفتيني صح
وفاء : أي رحيق
رحيق : ابقى اسأل مين غاب من المعلمات اليوم
وفاء: ولا وحدة
رحيق: بل عليهم
وفاء: هههههه
رحيق: طيب سألت عني أ.بشاير
وفاء : أيه قالت وين رحيق قالوا البنات غايبة قالت ليه شفيها غايبة ما حد رد عليها بس مبين عليها انها خايفة عليك صحيح انتي ليه غايبة ؟
رحيق: هااا....لا بس مريضة
وفاء: سلامات ماتشوفي شر
رحيق : الله يسلمك
وفاء: تأمري على شي
رحيق : لا سلامتك
وفاء: باي
رحيق: باي

(يوم السبت بعد حصة الأحياء طلعوا البنات من المعمل بيدخلوا الفصل)
البنات: تتوقعوا من علينا الحين
رحيق: صالحة
وفاء : لا بدرة
رحيق: قلت لك علينا صالحة
وفاء : انا عندي بالجدول بدرة
رحيق: بنشوف قلت لك صالحة
( رحيق و وفاء دخلوا الفصل قبل ما يجوا البنات وكعادات البنات بعد معمل الاحياء التهرب من حصة الكيمياء والتأخير وكانت عليهم أ.صالحة)
أ.صالحة : رحيق مين جالس يقول صالحة صالحة
رحيق بكل ثقة : أنا
أ.صالحة بهدوء : لا اقصد اللي طول الممر تقول صالحة صالحة
رحيق: أي انا
أ.صالحة بعصبية : طيب وتقولي صالحة كذا من دون أستااذة
رحيق تغيرت ملامح وجهها من الخوف وردت بصوت خفيف: إلا قلت ابلة صالحة
أ.صالحة : تحسبيني ما أسمع خلك واقفة على قلة أدبك
ودخلوا باقي البنات الفصل وتفاجاو رحيق واقفه
تعالت أصوات البنات : ليه ليه ليه وش سوووت
أ.صالحة : خلاص اسكتوا مابي أسمع ولا نفس وحدة منكم
البنات جالسين يكلموا رحيق: رحيق وش سويتي
رحيق: اقول لكم بعدين خلاص سكتوا
أ.صالحة : طيب اجلسي ياقليلة الأدب ولا تعيديها مرة ثانية
رحيق: انا قليلة أدب
أ.صالحة : اجلسي و انتي ساكتة
بعد الحصة الاخيرة طلعت سارة وهاجر ورحيق يتمشوا بالممرات
الا شافتهم بدور انصدمت انه رحيق تمشي مع احد غيرها فصدت عنهم ونزلت تحت بالساحة
نزلت وراءها رحيق وراحت رحيق مكان تجمعهم بس ماكانت موجودة الا مرام
مرام : هلا بالقاطعة
رحيق : أهلين
مرام : وينك اسبوعين ماشفناك ولا تكلمنا معك
رحيق: اممم تعرفت على بنات معاي بالفصل حييييييييييل فله وناسه
مرام: مين البنات؟
رحيق: ما تعرفيهم
مرام : أي قولي يمكن اعرف وحدة منهم
رحيق: طيب هاجر وسارة معي بالفصل و وسام واروى و ولاء بأدبي كلهم شلة
مرام : أي اعرف وسام و ولاء
وجاءت وسام : رحيق رحيق
رحيق: هلا والله
وسام : قومي تبيك هاجر تجلسي معانا
تغير وجه مرام انه صديقتها صارت تجلس مع غيرهم
رحيق : اوك ...قومي مرام معانا
مرام: انا بروح اجلس مع بدور جالسة لوحدها
مرام تقول بداخلها : مستحيل رحيق تروح مع وسام اكيد بتجي معاي نجلس مع بدور
رحيق : اوك براحتك ..يلا وسام نروح للشلة
راحت رحيق وجلست مع الشلة بس كان تفكريها في بدور ومرام فقررت انها كل يوم تجلس مع بدور ومرام شوي..... وشوي مع صديقاتها الجدد بس كانت اذا جلست مع مرام وبدور مايتكلمون واذا قامت رحيق يبدوا يسالفوا واذا طلبت منهم يتمشوا بالساحه ما كأن احد جالس يتكلم واذا حبت تسوي جو يطنشوا واذا صارت الفرصة تروح فصل بدور ومرام فتقوم بدور تطلع برا الفصل واذا غابت رحيق بدور ما تهتم ...... فتاثرت صداقتهم وانهزت
فكلمتهم رحيق ليه تعاملوني كذا اذا جلست عندكم كله ساكتين
وما تبوا تكلموا معي شوفوا هناك الكل يرحب فيني انتو حتى اذا غبت ماتسالوا عني
واذا جلست مع بنات الشلة تبدأ الفلة والوناسة والضحك والاستهبال واذا قلت لهم خلونا نتمشى الكل يقول لي لبيه واذا غابت رحيق الكل شاغل تفكيره يتمنوا انها تكون بخير صحيح في فرق
ردت بدور : انتي اللي تغيرت
رحيق: انا ما تغيرت بس تعرفت على بنات جدد
ليه ما نصير كلنا ربع انتو صديقاتي وحبيابي وخواتي
بدور ومرام :لا يارحيق اختاري يا حنا ياهم
زعلت رحيق وظلت تفكر قالت في نفسها كيف احنا اصدقاء ونفترق لسبب تافه واول مشكله بينا تفرقنا
.................................................. .............................................
الأختبارات النهائية الترم الثاني قررت رحيق انها تترك بدور ومرام وتروح تجلس مع الشلة
لا قلت لك وش فيك .. كني معاديك
واصير انا الغلطان والعيب فيني

أنا أحبّ رضاك وآحب مرضيك
وانتي على ماظن . . ما تكرهيني

وياك ما قصرت واحييت طافيك
في يد لك عيني والاخرى سنيني

كذا اظن الحال ماهو بخافيك
قدمت لك روحي وغمضّت عيني

مادام حبي بين صدقٍ وتشكيك
ابفتح الشباك وارمي حنيني

يجزاني الله خير والله يجزيك
هنا انتهى المشوار بينك وبيني

المعذرة مليت ماني بباغيك
وارجو السموحه منك ولا تْجادليني




^^^^^^^^^^^
هذااا من تصممممميمي

برررب تكملت البارت برد ثاني

[احساس دلوعة]

مرت العطلة من دون أي احداث وابتدت الدراسة من جديد طبعا هالمرة تغير مكان جلوس رحيق قبل كانت تجلس مع بدور ومرام قريب من المقصف بس الحين بتجلس وراء المدرسة كانت بالفصل لوحدها بس الحين معاها هاجر وسارة كل شي تغير
أول يوم بأخر الدوام تجمعوا الشلة مكانهم وراء المدرسة
وسام : بنات فكرت في شي قلته لهاجر بس الحين بقوله لكم
الشلة: شنوا
وسام : بسوي مقلب خطييييييير
فكرت أني بكرا اجيب باكيت دخان فاضي وولاعة واحطهم بالحمامات علشان اسوي فوضى وشوشره في المدرسة
أروى : يؤؤؤ
الشلة: أيه سويها
رحيق: لا ما تسويها تشوهي سمعة المدرسة ويقولوا عن بنات المدرسة انهم يدخنون وكذا
وسام : ياليت سويتها من دون مااقول لكم
رحيق: لا لا تسويها اذا سويتي كذا انا ما راح اجلس معاكم ولا بكلمكم
وسام : طيب طيب خلاص هونت
رحيق : أي خليك شاطرة
سارة حبت تغير الجو لايصير زعل
سارة : بنات بنات اسمعو بسألكم سؤال وجاوبوا بكل أمانة
الشلة : طيب
سارة : اذا كنت تحب احد تتمنى انه يخونك او يموت؟
رحيق: يموت ولا يخوني
ولاء: يموت ولا أشوفه مع احد غيري
أروى :يموت
وسام: يخون لأن إذا مات انا اللي راح أتعذب أما إذا خاني يمكن يصير له مثل ما سوى فيني
سارة : اقنعني حييييل جواب وسام
رحيق :ليه هالسؤال ؟
سارة : حبيت اغير جو التوتر فهذا اللي جا على بالي
ضحكو البنات
سارة: مادري يمكن تأثرت بالمسلسل التركي اللي تابعته امس
ردت وسام : جاب نتيجه معاك هالمسلسل طلعتينا بنكته ههه اقصد سؤال لطيف
وراتفعت اصوات البنات بالضحك والسوالف وماحسوا
بالوقت
المعلمة : يلا بنات خلص الدوام اطلعوا
رحيق: يلا باي بنات نشوفكم بكرا
.................................................. .......
يوم الاربعاء وقت الفرصة جاءت وسام فصل رحيق
رحيق : هلا وسام
وسام : اهلين ... أخبارك
رحيق: تمام
وسام : وين هاجر
رحيق : هاجر نزلت بغرفة المعلمات تبغاها أ.كاظمة
وسام : طيب و سارة
رحيق:سارة غايبة اليوم
وسام : طيب قومي نتمشى بقول لك شي
رحيق : اوك يلا
طلعت رحيق ووسام يتمشوا بالممرات مسكت وسام يد رحيق
وسام : ابقى اقولك شي
رحيق: طيب قولي اسمعك
وسام : رحيق أنا أحبك
رحيق : ...........
وسام : رحيق تسمعيني
رحيق : انتي صديقتي مو أكثر
وسام : وأنا احسك بأنك حبيبتي
رحيق : وسام أتركي يدي ما أحب احد يمسك يدي وخلينا نرجع الفصل يمكن رجعت هاجر
وسام : طيب
دخلت وسام ورحيق الفصل وكانت موجودة هاجر
هاجر : وين كنتوا
وسام : نتمشى
رحيق : وش عندك مع أ.كاظمة
هاجر : كالعادة تبغاني ارسم لها
رحيق : راح تحسبه لك نشاط
هاجر : أكيد
وسام : طيب اسمعوا جبت لكم معكرونة وسلطة وحطيتها بثلاجة المقصف وعرفت المديرة وقالت عقاب لي ما راح تعطيني وياها
رحيق : وبعدين
وسام: بروح اكلمها يمكن تقتنع
هاجر : بجي معاك..
دخلت هاجر ووسام غرفة المديرة
وسام : السلام
المديرة : وعليكم السلام
وسام : أستاذة انا اللي جبت طبق وحطيته بالمقصف
المديرة : أيه وليش جايبة طبق وانتي تدري انه ممنوع بالمدرسة أي طالبة تجيب اطباق و...و...و...
وسام : احنا ما ندري انه ممنوع
المديرة : والحين شنوا تبي
وسام : أبقى اخذ طبقي من المقصف
المديرة : انا الحين مشغولة تعالي لي اخر الدوام
وسام : اوك
في أخر الدوام استئذنت وسام من المديرة أنها تأخذ المعكرونة والسلطة من ثلاجة المقصف وطلبت منها مفتاح التدبير علشان يأكلوا فيه وكانوا ولاء ورحيق وهاجر واروى ينتظروها عند باب المديرة
وسام : يلا بنات بنأكل بالتدبير
رحيق: كيف اخذتي المفتاح ممنوع احد يدخل التدبير
وسام : مثل ما جبت الطبق جبت المفتاح
رحيق: هع خطييييييرة
دخلوا الشلة التدبير وقفلوا الباب الا سمعوا احد يطق الباب
وسام : نعم
أ.بدرة: بنات افتحوا الباب
وسام: لحظة
فتحت وسام الباب
أ.بدرة: وش عندكم متجمعين بالتدبير
وسام : اممم جبت معكرونة للبنات علشان يذوقوا من يدي
أ.بدرة : عليكم بالعافية .. بس قلت بكلم هاجر ابقاها ترسم لي ..خلاص انا بطلع علشان ترتاحوا
رحيق: استاذة حياك أكلي معانا
أ.بدرة : لا يمكن فيه إزعاج لكم
هاجر : لا أستاذة عاااادي اجلسي معانا و إلا يا أستاذه ما تحبي تجسلي معنا
أ.بدرة : اوك بجلس معاكم ولا تزعلوا
رحيق : حياك
كل الشلة اكلت من المعكرونة إلا رحيق
هاجر : يلا رحيق أكلي
رحيق : لا ما أبي
هاجر : ليش
رحيق : بس كذا
وسام : أكلي والله بيفوتك
ولاء : يلا أكلي
رحيق : لا ما أكل معكرونة
أ.بدرة : خلوها براحتها لا تغصبونها
بعد ما خلصوا الشلة الأكل طلعت أ.بدرة من التدبير وقفلوا الباب ...شافت أ. امنة (معلمة تدبير) أ.بدرة طالعة من التدبير وتجي تضرب باب التدبير بدفاشة وبقوة
رحيق : لا تفتحوا الباب
هاجر : أي لا تفتحوه يمكن طالبات النظام
اروى : أي لا تفتحوا الباب ما نبقى احد يخرب علينا جمعتنا
وسام : اوك ما راح نفتح
سمعوا صوتها معصبه : بنات يلا افتحوا الباب
هاجر : هذي أ. امنة
ولاء : افتحيه
فتحت وسام الباب ودخلت أ.امنة
أ.امنة : مين عطاكم المفتاح
وسام : اخذناه من المديرة
أ.امنة : وبأي حق تدخلو التدبير مايدخلوه إلا بنات التدبير
اروى : بس احنا اخذنا أذن من المديرة ما دخلنا وبس
أ.امنة: بس المفروض تجوا تستأذنوا مني انا
أروى: أستأذنا من المديرة في أكبر من المديرة بهالمدرسة ؟؟؟
أ.امنة: طيب طيب ما تطلعوا الا وانتوا مرتبين هالعفرة الي سويتوها سامعين
الشلة : ان شاء الله
طلعت ا. امنة من التدبير وبدوا البنات ينظفوا وباقي غسيل الصحون
رحيق : أنا بغسل الصحون
وسام: بغسل معاك
رحيق :طيب
وهم جالسين ينظفوا
وسام : زعلت عليك
رحيق : ليه
وسام : لأنك ما أكلتي
رحيق: ما أحب المعكرونة
وسام : طيب ما تحبي المعكرونة ليه ما أكلتي من السلطة
رحيق: بس مو مشتهية وهذا الشي ما يزعل
وسام : ما تأكلي من يدي وتقولي ما يزعل
رحيق : طيب هالمرة طوفيها لي
وسام : اوك بس هالمرة
رحيق: خلصنا .....يلا بنات نطلع
عطت وسام المديرة المفتاح وشكرتها وصعدوا البنات فصولهم واخذوا شنطهم وعبايتهم وطلعت كل وحدة على بيتها
.................................................. .........
في غرفة رحيق تدق عليها اختها الباب
شهد : هلا
رحيق : هلا والله
شهد : يلا عطينا التقرير شنوا صار اليوم بالمدرسة
رحيق : هههه وانتي كل يوم بتجي تسمعي سوالفي
شهد : أي وفي احلى من سوالفك
رحيق : اممم اليوم جابت لنا وسام معكرونة وجلسنا بالتدبير وكل شوي نحصل تهزيأ
شهد: ليه من هزأكم
رحيق: المديرة و أ.امنة يعني ما ارتحنا بس فليناها
شهد : أهم شي
رحيق : وامم وطلعت اتمشى مع وسام وقالت لي احبك
شهد : شنوا شنوا
رحيق : مثل ما سمعتي
شهد : طيب وسام هذي من أي نوع
رحيق: وسام عربجية
شهد: عربجية!!!
رحيق: أيه
شهد: طيب لازم تتركي الشلة علشان ماتتأذي من وسام
رحيق : لا البنات حيييل حبوبين وجلستهم ماتنمل
وذا على وسام انا بحاول اتفادها
شهد : براحتك
يرن جوال رحيق (المتصل مرام)

[احساس دلوعة]

أوووووك تربعوا و أسمعوا السوالف هع

يوووم ألاثنين جلست أرتب ملابسي

الشتوية خلاص رفعتهم لأن ما جاء لنا شتاء علشان أقول
راح الشتاء هع هع

و بعض ملابسي جمعتهم و قلت برميهم
بس حرأأأأأم في ناس محتاجييين فوديناهم للتبرع

و قضيت اليوووم على الملابس

[احساس دلوعة]

الذين يشاهدون محتوى الموضوع الآن : 2 ( الأعضاء 2 والزوار 0)
‏احساس دلوعة, ‏دنيا الغموض

ي هلا والله منوووورة

لك وحششة

[احساس دلوعة]

يوووو الربوووووع أول دوااام لي

نممممممت متأخر

و أنا نااايمة قررت أني اسحب هع

و رن المنبببببه و طفيته و كملت نووومة


طبعا نفسي تقووول لي قووومي داووومي

و الشيطان لا النوووم أحسن لك

و نفسي لاحقة على النوم

و الشيطان اليوم ارتاحي .... لاحقة عالتعب

و نفسي داومي داومي دوامي

و الشيطان لا داومي لا دوامي لا داومي

و نفسي يمكن تحتاجي هذا اليوم تغيبي فيه

و الشيطان : شنوا يضمن لك أنه اليوووم بيعطوك كيم فيزيائية >>> اللي قاهرني حتى المواد حافظنها هع كل شيء خبرة فيه

و نفسي حتى لو ما في شرح بتشوفي صحباتك

و الشيطان بداومي بكيفك بس خسرانة وبتقولي قال شيشو <<< يدلع نفسه هع

و بعدها لعنت الشيطان و قمت و فرحت نفسي هع

و الساعة 7:31 أتصلت على السواق و قلت لها بداووووم الساعة 9

و داووومت و شرحت الدكتووورة

و عالطوووول خلصت المحاضرة و طلعت

طبعا صحباااتي في سااابع نووومة

[احساس دلوعة]

يوم السبت ذاك الأسبوع
وزعوا النتايج على طالبات الثانوية
لأن بعضهم ما فتح معاهم موقع النووور

و ابتدت دعوات البنات على المعلمات

اليوووم اللي بعده جاءت معلمة الأنقلش محروقة يدها

كانت تغلي ومن الغباء و الفهاااوة شالت بيدها الغلي أأأأأح

و يوووم الأثننننين معلمة الرياضياااات طفر بوجهها الزيت
واحترق وجهها و قامت تغيب ما تحظر

و عقبال البااااااااقي يارب

ذا من ظلمهم يستأهلووون اللي يجيهم

(الظلم أسرع شيء إلى تعجيل نقمة وتبديل نعمة)

[احساس دلوعة]

هذي من كتابات أوختي

أحبها أي أحبها و ب أعلى صوتي أقولهآ
أ
دري بتقولون الحيا وينه بس شنوا ذنبي أحبها

أنا ما قلت لأجل تعرفون أنه بقلبي حبها

لآ أنا جيت أشكي قصتي و أدري بتلوموني إن قلتها

عسى من اللوم ما يطيعكم قلبي ويشيلها

عذبتني كلما عطيت وعطيت أبد مآ يهمها

تعبت و بالأخير اللي عطيتها وياه يطلع عندها

كل ماقلت تعبت يتمآآآدى القلب في حبها

آآآآآآآآه ياليتكم شفتوني في أول يوم شفتها

ناديت يا ويلي مو ذي الكل يتكلم في حسنها

بس يغيظني البعض أن جاء في شتمها

يقولون ي خيية ما تشوفين كثر عيوبها

أي عيوب ي ناس و القوافي تشيب في وصفها

ترى العيب فيكم و إلا هي ما حد يساوي قدرها

أدري تقولون أني ابالغ في وصفهآ

و ما تدرون أنه أكسجين حياتي سميتهآ






ترآآآآها مادة الكيمياء إن ما عرفتها

[احساس دلوعة]

برررررررررب بأخذ لفة عالمدوناااتكم

صار لي كم يوووم ما دخلت عالملتقى

بشوووف خربشاااتكم