]:[ ملتقى طآلبآت الدفعة 1430 - 1431 ]:[

[مافـ مثلي ـي]

وهاذي الكتب الي درسنا منها ,, اذا مارح يغيرونهم لكم وما أتوقع



هالكتب كلهم عطونا ياهم الجامعه توزيع مجاني ,, يعني فكونا لانروح ندور كتاب ولا نطبع ملازم

المشاركة الأصلية كتبت بواسطة forward

مشكورة اختي ما في مثلي ياليت تعطينا نبذه مختصرة على المواد <<< ادري زودتها هع

الكمبيوتر //
*نظري :: نفس الكتاب للفصلين خذنا تقريبا الفصل الاول 4 فصول منه , الفصل الثاني 3
*معمل :: الفصل الاول (وورد + بوربوينت + اكسل) سهل الا بعض الاشياء الجديده مثل الفهرس وخلافه , الفصل الثاني هو الي فيه شوي (اكسس + انشاء مواقع html)

رياضيات //
كل المناهج الي خذتوها تاخذونها بس انجليزي بدال س x ,وبدال ص y ,بدال جا sin .............الخ
وكل شي خذنا حتى القطوع
الي ممكن يصعب عليكم في البدايه مثلنا ان السؤال ماتفهمينه لانه انجليزي ماتدرين هو اثبتي ولا اوجدي الحل ولا وشو ,, بس مع الزمن تتعودين ويصير عادي وتعرفينه

الانجليزي //
الفصل الاول :: (الاصفر والازرق)
الفصل الثاني :: (الاخضر والبنفسجي)
وفيه كتاب احمر وهذا اصعب شي , على حسب مستوى القروب يحددون ياخذونه ولا لا

صحه ولياقه "الفصل الاول" // عن الاسعافات , الرياضه , الغذاء . الفيتامينات ................الخ

مهارات الاتصال "الفصل الاول" , مهارات البحث والتفكير "الفصل الثاني" // كيف تتواصلين مع الناس وتطوير التفكير ومن هالاشياء

العلوم الحيويه "الفصل الثاني " //
*فيزياء :: على قوله الي درستنا قشور القشور ,, والي درستنا ياه كانت راعيه سوالف وهذره فماخذنا كثير
*كيمياء :: "ياليل الليل" في شهرين خذنا كثيييييييييييييييييييييييييييييير


ماعرف اشرح اكثر من كذا

[quiet girl]

ألف شكر لك مافـ مثلي ـي

جزاك الله خير

بس حبيت أسألك انتي الحين سنه ثانية راح تدرسين تخصص و لا راح تكون عامة

لأني سمعت ان التخصص يبدا من السنة الثالثة صحيح و لا ؟؟

[مافـ مثلي ـي]

العفو ولو

لا ماتوقع هالسنه التخصص

بعدين احنا نعتبر سنه اولى مو ثاني

يعني انتوا تمهيدي

الله اعلم

[forward]

بجد الف شكر لك عطيتنا معلومات مفيدة

بالنسبة للتخصص اتوقع تتخصصين بعد سنه ثانيه

ههههه حنا تمهيدي روضه مو جامعه هع

ما في مثي اتمنى اشوفك في جامعه سي يو

[مافـ مثلي ـي]

بجد الف شكر لك عطيتنا معلومات مفيدة

العفو

بالنسبة للتخصص اتوقع تتخصصين بعد سنه ثانيه

كأنهم قالوا لنا كذا

ههههه حنا تمهيدي روضه مو جامعه هع

من جد اجل وش تسمونه قبل الجامعه زي قبل المدرسه

ما في مثي اتمنى اشوفك في جامعه سي يو

ان شاء الله

[forward]

طيب انا سمعت المبنى قديم ما يفكرون يسوون ثاني ان سمعت ان كليه الدراسات التطبيقيه اتنقلوا لمبنى جديد وحنا صرنا بمبناهم القديم >>>> واكيد المبنى قرف وحنا بعد نبي لنا مبنى حليو ما طلبنا حلو
وبالنسبه للوكر >الصندوق > سمعت ان الوحدة ما تلقا اللا بعد 3 سنين يعني قبل التخرج طيب اجل وين نحط شناطنا وعبايتنا معقول طول الوقت ما سكينهم بجد وضع لا يطاق

[بنفسجيّة]

امم .. مافي مثلي
عندي سؤال .. الحين الدراسة في الكلية 5 سنين ولا اربع ؟؟

[مافـ مثلي ـي]

المشاركة الأصلية كتبت بواسطة forward

طيب انا سمعت المبنى قديم ما يفكرون يسوون ثاني ان سمعت ان كليه الدراسات التطبيقيه اتنقلوا لمبنى جديد وحنا صرنا بمبناهم القديم >>>> واكيد المبنى قرف وحنا بعد نبي لنا مبنى حليو ما طلبنا حلو

شوفي الله يسلمك
الكلام الي قلتيه صحيح بالنسبه ان المبنى الي درسنا فيه ذيك السنه هو مبنى 30 الي كان حق الدراسات التطبيقيه
وفي نهايه السنه قالوا لنا بيفتتحون مبنى لنا ,, بس لكليه الحاسب
لان مبنى 30 مو كبير وفيه احنا والصيدله وبعض محاضرات الطب يعني زحمه وكذا
بس في نهايه السنه قالوا ان دفعتنا بتتم في هالمبنى
والدفعه الجايه لانها اكثر بيدامون في المبنى الجديد

بس اذا كانوا ماقبلوا بعد هالسنه كثير ,, ماتوقع يتركون مبنى كامل لكم بنت ,, الا اذا عطفوا علينا وبيخلونا ندرس في المبنى الجديد

والله اعلم

وبالنسبه للوكر >الصندوق > سمعت ان الوحدة ما تلقا اللا بعد 3 سنين يعني قبل التخرج طيب اجل وين نحط شناطنا وعبايتنا معقول طول الوقت ما سكينهم بجد وضع لا يطاق

يب يب هو صعب تلقين لك لوكر لان فتره انك تستأجرين فتره قصيره مايمديك تروحين الا قالوا خلصوا تعالوا بعدين :011:

بالنسبه لي واغلب صديقاتي ذيك السنه ماكان عندنا لوكر
بس كنا نخلي كتبنا والي تفصخ عبايتها في القاعه لان غالباً كل المواد في قاعه وحده بالنسبه للقروبات ,,
لان الطب لهم 3 قاعات والصيدله قاعتين ومابقى في المبنى غير قاعتين
حتى في الانقليزي لما ننقسم ل3 قروبات قروب ياخذ محاضرته في معمل الكمبيوتر , اما باقي المواد القروبين 1+2 يندمجون ونصير قروبين فكل قروب قاعه وبس ..

ومبنانا بالنسبه للمباني الثانيه امان يعني كنا نترك اغراضنا على الكراسي برى عادي ونرجع لهم

وماحبينا نستأجر لان في خاطرنا كانوا قايلين اننا بننتقل للمبنى الجديد ناخذ لوكر هناك بدال المشاوير وكذا بس مثل ماقلت اول ماآآآااش ,, وبنشوف وش بيقررون

-----

المشاركة الأصلية كتبت بواسطة بنفسجيّة

امم .. مافي مثلي
عندي سؤال .. الحين الدراسة في الكلية 5 سنين ولا اربع ؟؟

خمس سنين
(سنه تحضيريه + 4 سنوات باكلوريوس)

[forward]

السنه ما اتوقع قبلوا كثير لاني ما شفت حد اعرفه عساكم تكونون معنا ولا تقعد حالنا هع

وعساهم يفتحون المبنى هالسنه ما لنا خلق المبنى 30

[مافـ مثلي ـي]

ان شاء الله

الموهيم هالسنه نبسطوا فيها لان بتجيكم ايام بتحسون بالضغط والتعب وبتزهقون من كل شي

بس بجد بالنسبه لي هالسنه فيها ذكريااات مانساها بعمري

اشتقت لكارلين كانت عايشه في اسبانيا فتعرف تتكلم اسباني

ياما اوقات في المحاضره تقلبها تعلمنا كم كلمه اسباني ونعلمها كم كلمه عربي ,, نغير جو

خلاص الحين من بيعلمن اسباني :s11:

الله يوفقكم ويوفقنا اجمعين

وعسى يجونكم ناس وسيعين صدر مو جادين ويرفعون الضغط