⌡[ مجلس إستذكار مادة ' بـرامج الحاسب المكتبيـة ' ]⌠ ♥ / تمّ شرح جميع الدوال في برنامج الإكسل

[taghreed.Alotaibi]

-




تابع : شرح دوال الإكسل .

#شرح دالة المجموع .
#شرح دالة حساب المتوسط أو المعدل .
#شرح دالة العد او الحساب .
#شرح دالة أعلى قيمة و دالة أقل قيمة .

دالة " if " الشرطية :
هذه الدالة يبي لها شوي تركيز
لان فيها اشياء جديدة غير اللي شرحتها بالدوال اللي قبلها ..
كما هو معروف : if = إذا
و الشرطية يعني لابد فيها شرط !
يعني مثلاً هذه الدالة تنفعنا بالتقدير !
تكون درجة النجاح من 60 و فوق
و الرسوب اقل من 60 ..
نبي نحسبها بإستخدام الدالة
اي نطلع تقدير كل طالب باستخدام دالة if الشرطية
و كما ذكرت لازم شرط
والشرط هنا اذا كان معدل الطالب من 60 و فوق ناجح
واذا كان اقل من 60 راسب ..
شلون نكتبها بالاكسل ؟
الدكتور ذكر فقط طريقة وللاسف طبقتها ولا طلعت صحيحة
مع العلم ان الاكسل عندي " 2010 " فـ اللي عنده الاكسل 2007 يطبق مع الدكتور يمكن ينفعه ..
طبعًا انا مارحت بعيد استخدم ايقونة ادراج دالة ..
واخترت الدالة الشرطية if
و ظهرت عندي هذه النافذة :


طبعاً أو خانة او مستطيل راح نكتب الشرط ..
اللي قلناه قبل شوي
اذا كان المعدل اقل من 60 راسب
و اذا كان يساوي او اعلى من 60 ناجح
يعني بتكون الدالة كذا " مصورتها من شرح الدكتور "


انا مارضت تضبط معاي اضطريت ارجع لـ ايقونة ادراج دالة Fx ..
وكتبت كذا :



لاحظوا في خانة التقدير كيف جات الدالة !
اختلاف بسيط فقط الدكتور حط " , " و هنا ظهر لي " ; "
ممكن لان اللي عندي 2010
عموماً وصلت الفكرة
الحين بأشرح لكم اللي بالخانات
لما ضغط على ايقونة ادراج دالة و اخترت الدالة
ظهرت لي النافذة اعلاه
اول شي كتبت الشرط
الا وهو :
F2<60
F2 < المعدل لو لاحظتوا موجود بالخانة F وانا ابي احسب حق الطالب الاول فقط فـ كتبت F2
يعني اذا كان المعدل اقل من 60 كتبت بالخانة الثانية راسب
يعني حطيت التقدير اذا كان اقل من 60
والخانة الثانية اذا كان اعلى من 60 حطيت ناجح
مو لازم اعيده من جديد واكتب :
F2>60
لا خلاص
يكفي اننا كتبنا شرط و راح يضبط معانا
طيب لو حطيت :
F2>60 بأول خانة بدال F2<60
راح يكون التقدير اذاً ناجح
نستبدل الخانة الثانية بـ كلمة ناجح و اللي تحتها راسب :)
نضغط اوكي وراح يطلع لنا التقدير ..
الحين نبي نطبق هذه الدالة على كل الطلاب عشان اطلع تقديراتهم ..
سهل ..
نمرر الماوس او المؤشر على الخانة الأولى لحد مايطلع شعار + بالأسود
مثل هذا
هذا طبعاً رسمته انا لان وقت تصوير الشاشة مايطلع المؤشر فقط كـ تقريب لأجل تعرفون :



وبرضو شوفوا الدالة طلعت لنا نتيجة التقدير :)

المهم اذا طلع لنا هالزائد الاسود نسحبه لتحت لآخر معدل اللي هو 90.5 و بتطلع لنا تقاديرهم كلهم :



كلهم معدلاتهم فوق 60 حطيت لأجل كذا ماطلع لنا احد راسب

-

الحمدلله كذا انتهينا من الدوّال كلها ..
اللي عنده اي استفسار يتفضل

[taghreed.Alotaibi]

المشاركة الأصلية كتبت بواسطة وليدالزامل

يااخوان خلوها تكمل ، كملي اخت تغاريد وبالنسبه لطريقه الحل في الاختبار من الشرح راح نعرف اي داله وش خناتها
يعني count للاعداد
sum لحساب المجموع
min,max للاعلى والاقل
باقي الداله الشرطيه if

تمّ وانا اختك :)

[هنوش]

اخرى سؤال وبطلع ذكر الدكتور المصطلحات بالانقلش مش معنا \بس الدوال مافهمتتتتتتتت منه شي هو الوحيد الي مادخل مخي \

[taghreed.Alotaibi]

المشاركة الأصلية كتبت بواسطة هنوش

اخرى سؤال وبطلع ذكر الدكتور المصطلحات بالانقلش مش معنا \بس الدوال مافهمتتتتتتتت منه شي هو الوحيد الي مادخل مخي \

شرحت كل الدوال وبإذن الله فجر راح تضيفها في اول الموضوع ..
تابعي الشرح و طبّقي وراح تفهمين :)

[مانسيتك !]

ليتك تدرسينا بدل النجار كان مافيه احد راسب في الاحصاء خخخخخ

[اسن الورد]

ياالعالم وش اسوي مع الاكسل اتفخ راسي
بعدين الدوال هذي سالفة لوحدة وشلون يبي قمة انا ماقدمي برنامج هذا كله عملي

[taghreed.Alotaibi]

حبايبي ..
الاشياء مشروحه قدامكم و تسألون ؟
حاولوا تطبقوّن حبه حبه
واللي ماجاز له شرحي يشوف شرح الدكتور
اي سؤال انا حاضرة ..

[نوفتا الدارسه]

وش لون اطبق حل الدالات عالاله ؟
في طريقه معينيه ولا ال sum مثل اجمع الارقام وتطلع معي ؟

[توتيه]

المشاركة الأصلية كتبت بواسطة taghreed.alotaibi

مشكورة حبيبتي توتيه
لكن الحل صحيح !
اداة اسناد ترافقي في إدراج و في مراجع لكن نختار اللي موجود فيه اول
الدكتور كان يشرح على الوورد 2007 فـ اعتقد انه كان موجود في ادراج فقط
اما اللي عندي 2010 موجود في كل المسطرتين :)
ان شاء الله احاول اتواصل مع الدكتور بـ هذا الأمر .
موفقه

كلامك سليم 100%

[taghreed.Alotaibi]

المشاركة الأصلية كتبت بواسطة نوفتا الدارسه

وش لون اطبق حل الدالات عالاله ؟
في طريقه معينيه ولا ال sum مثل اجمع الارقام وتطلع معي ؟

لالالالا
وينك و وين الآلة !
شكلك ماقريتي الشرح انتي
شوفي اول الموضوع روابط للشروحات
افتحي برنامج الاكسل اول و طبّقي
لا حاسبة ولا هم يحزنون