[ جامعة فيصل ] : العد التنازلي لمواعيد النتائج

[أغلى حبيبه]

موقع الجامعه الآن فيه حوسه
عسى يارب خير

صار بهذا الشكل قبل يومين وصار فيه اعلان نتائج الانتساب

إن شاء الله يكون حوسته هذي المره على نتائجنا

[أغلى حبيبه]

تعرفون صحيفة تواصل الالكترونيه
ودي ارسل لهم المعاناة
طولوها كثير
يبون يختبرون صبرنا؟
أو يختبرون ايش؟

[Dreamer1989]

شلون يعني حوسه؟!!
بصراحه نفذ صبرري خاصه بعد رد الاخ الي يقول انهم يقولون مو هالاسبوع الاسبوع الي بعد الجاي
حرااااام كذا

[NaWaF9o9]

المشاركة الأصلية كتبت بواسطة dreamer1989

شلون يعني حوسه؟!!
بصراحه نفذ صبرري خاصه بعد رد الاخ الي يقول انهم يقولون مو هالاسبوع الاسبوع الي بعد الجاي
حرااااام كذا

هذا اللي حاصل
أقول له بجيك يوم السبت قال مايحتاج تجي لأنه ماراح يصير شي هالإسبوع

لكن وعد مني راح أمر الجامعة يوم الأثنين إذا لم يستجد شي بخصوص النتائج

الله يعين ،،،،

[Dreamer1989]

الله يعطيك العافيه وماقصرت
والله يعنيا عليهم

[مساعد اكاديمي]

اعلم ان البعض من ...؟؟؟؟؟؟؟... يتابع ما يطرح هنا وهناك اول بأول ، ولكن اقول:
صدق رسول الله – صلى الله عليه وسلم - :
(ولا يزال الرجل يكذب ويتحرى الكذب حتى يكتب عند الله كذابا )

مادام أن الكذب وسيلة ناجحة – في نظرهم – فليجعلوا منه سلما يرتقون به لتحقيق أطماعهم ومآربهم .ولو تتبعت وسيلتهم وطريقتهم لرأيت الواحد منهم لا يفتؤ يختلق كذبة حتى يتبعها بأختها .

عذراً يا صناع القرار لاشئ شخصي
ولكن
لن نتحمل تبعات اخطائكم وضبابية اساليبكم بعد اليوم!

[أغلى حبيبه]

سأكتب خطاب بإذن الرحمن غدا واعرضه عليكم هنا
واحاول ارساله الى صحيفة تواصل او اي صحيفه الكترونيه اخرى

[Dreamer1989]

مساعد اكاديمي صناع القرار هاليومين ماصارو يستحون من الكذب واختلاق الاعذار بكل وقاحه مثل مديرتي الي تقول بالنص" جيبي واسطه" عشان ايش؟!!
عشان اخذ حق من حقوقي زيي زي الي قدام عيني اخذوه وبكل بساطه ،، لكن الله هو اقوى واسطه واعظم سلاح لي وماخاب من توكل ع ربه
اختي اغلى حبيبه اوافق ع الفكرة وبقووة اذا ماصار شي عشانا هالسنه يمكن يصير لناس الي بعدنا المهم توصل معاناتنا للاعلام وتعرف الجامعه الوضع السيئ الي تعيشه!

[اسياد البشر]

يا ناس هونوها واتهون
ماصار الا كل خير
وش يظر اذا طلعت النتائج اليوم او الغد

اذا طلعت النتايج اليوم محد بيسوي شي
كل الاجرائات والمعاملات للقبول بتكملونها مع بداية الدراسه للعام الجديد

يعني اعملو حسابكم حتى لو طلعت النتايج مابتسون شي الا بعد الاجازه
ريحو مخكم ولا تشغلون بالكم نعم ترقبو ولكن لا تحترقو
كل شي بهون
قايلكم لا يلعبون عليكم خلوكم احسن منهم اذا هم باردين خلوكم ابرد منهم

مافي شي يستاهل في هذي الدنيا احرق اعصابي علشانه

مهما تاخرو في الفرز سياتي يوم ويعلنون عن الفرز
يعني غصبا عنهم سيعلنون سواءا عاجلا ام اجلا
ولكن سانتظر ولن اتحرى

[هكذا القمم]

المشاركة الأصلية كتبت بواسطة اسياد البشر

يا ناس هونوها واتهون
ماصار الا كل خير
وش يظر اذا طلعت النتائج اليوم او الغد

اذا طلعت النتايج اليوم محد بيسوي شي
كل الاجرائات والمعاملات للقبول بتكملونها مع بداية الدراسه للعام الجديد

يعني اعملو حسابكم حتى لو طلعت النتايج مابتسون شي الا بعد الاجازه
ريحو مخكم ولا تشغلون بالكم نعم ترقبو ولكن لا تحترقو
كل شي بهون
قايلكم لا يلعبون عليكم خلوكم احسن منهم اذا هم باردين خلوكم ابرد منهم

مافي شي يستاهل في هذي الدنيا احرق اعصابي علشانه

مهما تاخرو في الفرز سياتي يوم ويعلنون عن الفرز
يعني غصبا عنهم سيعلنون سواءا عاجلا ام اجلا
ولكن سانتظر ولن اتحرى

كلامك سليم لكن الناس عندها ارتباطات والواحد منا لازم يحدد مصيره السنه الجاية هو في بر ولابحر , وبعدين فيه جامعات تشترط في التقديم انو ماتكون مقدم في جامعة اخرى فهذا التاخير في اعلان اسماء المقبولين يضر في مصلحة الطالب فيكون لا الى هؤلاء ولا الى هؤلاء , لاهو الي انقبل في جامعة فيصل ولاهو اللي قدم في جامعة اخرى وبعدين هذا التاخير مبالغ فيه جدا الله يكون في عونكم طلاب جامعة فيصل .

لكن فرج الله قريب