[ تجمع ] : الشعور اللي تجاهك غير حروف القوافي

[رحال 2626]

ياوليفي دمعكم في غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله أنّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلى شوّي
مرتٍ أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي
بعد ما شتتوّ الفكر وأخليتو يديّ
كثرت أعلوم الشماميت وأفرحتو عداي
مابعد جاني من يوم التقو بي والديّ
ولابعد مرّ المحبين منّ حوّاء وجاي
لوّ خبر به حيّ يبكي على فقدان حيّ
كان يمدي من عرفني يشاركني عزاي
جعل يسقى يوم كان الهوى ماغير غيّ
فأول الرحله مثل مبتداك ومبتداي .

[Ibraheem Ro]

المشاركة الأصلية كتبت بواسطة نبض شاعر

لك عين شفت الحيا فيها
وتموت الحي لا لدت
متسلطنه كيف اداريها
وان شالت القلب ماردت

ماتت غصون الاسى فيها
وغصون محلها تثمر الطيب
وعيون الاقدار ما نامت
تكحل من افعالها وتصيب

[قنوع]

تبيني أفرح ؟ أضيق ؟ أشتاق ؟ آمرني
كل الأحاسيس مرهونه تحت أمرك

[السرالكاتم]

.
.
;

يا جعل من يكابر بالمحبة .. ينجلط

الاصول ان المحبة تجدد على طول

# بقلمي

[n0_0r]

مِن علّمك حكي القسٌى ؟
‏مِن قالِك : " حلو الغياب "

[(مشعلي)]

‏انت الفكر لا دار فيني و استوى
‏وانت الجهات اللي تسير خفوقي

[(مشعلي)]

تمكّنت في عوج المحاديب واستوطنت
‏وبان الغلا واشوف بعض العرب فاطن
‏َ.
‏وخليت صدري موطنٍ ماسكنه الا انت
‏ولا فيه غير القلب..في حكمك مواطن

[2COOL]

،'

عليك الغلا والشوق كنك تسوقه سوق
وعليك الشفـوف من المعاليق منتحيه

وعليك الضمير من التنهات فيه فتوق
وعليك السلوم من المشاريه مستحيه

،'

[نبض شاعر]

مذنب انا فالغرام وضعت
وافنيت باقي العمر تايب
ويش ينفع التايبين ان كنت
ياسيدي غاصب و غايب

[(مشعلي)]

المشاركة الأصلية كتبت بواسطة 2cool

،'

عليك الغلا والشوق كنك تسوقه سوق
وعليك الشفـوف من المعاليق منتحيه

وعليك الضمير من التنهات فيه فتوق
وعليك السلوم من المشاريه مستحيه

،'

الله الله صح الله ذوقك الفاخر


،'

حي الرفيق اللي يبادر بالوصل
لو إن شرهات الليالي جارحه

تغيب عنّه كم شهر وليّا أتصل
يكلمك كنك معاه . . البارحه

،'