راسب بمشروع التخرج احد مثلي

[خيال الامس]

المشاركة الأصلية كتبت بواسطة عالم ثاني

مشروع التخرج مادة على كيف الدكتور يبي ينجحك تنجح او ترسب .


ليس لها منهج ثابت معروف او اختبار .


مثال بسيط : انا وانت نكتب نفس البحث ونرفعه للموقع واحد يرسب والثاني ينجح او كلنا ننجح .


مثال ثاني : طالب كتب مشروع التخرج بنفسه وتعب فيه وسهر الليالي واخرتها راسب او مرصود له درجه واحد بحجة انه ناسخ البحث وهو لم ينسخ البحث .


بينما طالب ناسخ البحث ولم يكتب فيه حرف واحد ناجح بتقدير ممتاز .



أذكر قصه طريفه احد اصحاب المكتبات رواها لي يقول :


أتاني طالب ممن اساعدهم في تحميل المحاضرات في اخر ساعه قبل اقفال النظام الجامعي لرفع التدريب الميداني ومشروع التخرج . وقال لي ارجوك ارفع لي التدريب الميداني باوراق فاضيه مسجل عليها بياناته فقط وباقي الاستمارات لم يكتب فيها حرف واحد يقول واصر الطالب بقوله انا راسب راسب ارفع وخلصنا .


يقول رفعت الاوراق الفاضية وعند ظهور النتائج ظهرت نتيجة الطالب ناجح بتقدير جيد جداً بنفس المادة .



هذا على ذمة الراوي صاحب المكتبة .



المشكلة ان الجامعة تقولك مكرر طيب يا اخي قاموس الكلمات الذي يستخدمه اي باحث نفس الذي انا استخدمه لأننا مسلمين وعرب ونتحدث العربية
شي طبيعي ان الكلام اللي اكتبة فيه تطابق مع ما يكتب من بحوث بالمنتديات مثال : كلمة ( ذهب ) التي اكتبها هي نفسها كلمة ( ذهب ) التي يكتبها مليار عربي


بالمعنى على معايير جامعتنا التي يدعون بعد كم سنة جميع البحوث على مستوى العالم مكررة ولا يوجد طالب ناجح بمادة اسمها مشروع التخرج لأنه الكلمات المستخدمة مكرره ههههههههههههههه
شر البلية ما يضحك .
حسبي الله ونعم الوكيل هذا ما نمر فيه وما تجرعناه من مشروع التخرج


إلى الله المشكتى حسبي الله وكفى .

كلامك ذهب ولله


واذا كانت القصة المذكورة صحيح فوالله ثم والله انها طامة كبرى وظلم عظيم تمرون فيه
والله يستر مايجي يوم وننظلم مثلكم

[محمد ابو رغد]

انا راسب بالبحث مشروع التخرج وتخصصي انجليزي وخريج وناجح بتقدير ممتاز وانصدمت اني ماخذ 9 درجات فقط واشتكيت وكلمت الدكتور فهد دهيش قال بحثك منسوخ اقسم بالله لو نسختة ماسالت عن المادة لاكن تعب شهرين وسهر بالبيت علشان انجز البحث وبالاخير راسب حسبنا الله ونعم الوكيل في من ضيع علي فرصة العمر انتظر وظيفة من زمان ومرتب اموري لاكن لله سبحانة وتعالى المشتكى لعل بالامر خيرة

[ميمي25552]

متابعة الموضوع ~ الدكتور الفريدان لم يرد على جميع وسائل التواصل لاخذ تعليقه على الرسوب الكبير بماده المشروع بصحيفة سبق / بكره ترقبوا الموضوع ينشر ..... انا استغرب مدام واثق ومتأكد من التصحيح وان الجهازعلى مستوى عالمي وان الطلاب ناسخين وناقلين عشان كذا رسبوا ليش مايصرح ؟؟؟!!!!

[mshamare]

كفوووووووووووووووووووو
ازعجوهم حتى ينصفونا

والله انظلمنا بقووووووووووووووه

[ميمي25552]

الله لا يحللهم ولا يبيحهم تعب وسهر وشقى واكتب لين دخت بالكمبيوتر واخر شي ٣ درجات وناجحه بكل المواد الدسمه وارسب ببحث تعبانه عليه / اقسم بالله العظيم صديقه لي مسوين البحث عند وحده من تويتر وحده نجحت والثانيه رسبت نفس الشخص ونفس الاسلوب لكن الموضوع يختلف والله مافي عدل ووحده ثانيه ناسخه التدريب الميداني من صديقتها كوووووبي ورب البيت نجحت وهي ناقلته بالحرف وشفته بعيوني هذا الي خلاني انقهر ولا انام ولا راح اسكت لان سياسه التصحيح بالبحوث غلط بغلط ،ماعندي مشكله احمل الماده بس اعدلوا وطبقوا النظام على الكل مو على المزاج وينظلمون الي سهرانين وتعبانين وكانوا بيتخرجون وبسبب هالماده تحطمت احلامهم

[عالم ثاني]

كفوا والله يا ميمي عزالله ما قصرتي ننتظر الخبر واتمنا تنسخين الرابط في حال تم النشر .

[خيال الامس]

طيب خذو بحوثكم زي العام وروحو للجامعه دامكم مظلومين
وتكو عند باب الجامعة وروهم شغلكم عشان تعبكم لايروح هدر

[fno]

الله يهديهم ويصلحهم ان شاء الله يعدلونها

[English Literature]

المشاركة الأصلية كتبت بواسطة mshamare

@mshamare: #تظلم_مشروع_التخرج_طلاب_جامعة_الملك_فيصل
@alfraidan نجحنا بكل المواد الا مشروع التخرج حاط لنا الدكتور درجة واحده على المشروع من سبعين

هذا الهشتاق ؟
انا معطيني صفر ..مع انه في الدرافت يقول موضوعك في البحث مكتم كانه فاينل ..واخرتها صفر

[مُلهمــــة]

المشاركة الأصلية كتبت بواسطة english literature

هذا الهشتاق ؟
انا معطيني صفر ..مع انه في الدرافت يقول موضوعك في البحث مكتم كانه قاينل ..واخرتها صفر

اذا صفر يعنى البحث ما ارتفع ابدا

لازم تسلم الدكتور يدا بيد

كثير طلبه صار معهم