همسآآآت رباعية الأبعــــــاد #

[البعد الرابع]

لك مكآن لو عرفته مآهنى نومك وطآب
ولك حنين في فؤآدي من لهيبه آحترق


إن بغيت آكتب شعوري آنقفل للبوح بآب
ولآذكرتك بين نآسي غآب فكري وآنسرق

[البعد الرابع]

قرّب شويّه وإفتح إيدينك ،
وهاك (روح وشعور وقلب وأنفاس وعيون)
أمّا أكون فـ باقي سنيني، معاك
ولا عساني في حياتي ما أكون

[البعد الرابع]

ياشين مس الشوق في كبد مشتاق
مثل الجمر لا شـبْ من تحت دلّـه



يبطي به العاشق من الشوق مافاق
ويحــط فـي كبــده ثمانيـــن علـه

[البعد الرابع]

تدري وش اللي يحتضر له وجـودي؟
.......................... ( غيّاب صبح ) .. بليلته كانـوا احبـاب



راحوا بعـد مـا جَمّعتهـم حـدودي!
.......................... شعب ونفر من موطنه .. والوطن ذاب



اعطيتهـم أرضـي ونبتـي ونــودي
.......................... وطشوني بلحظه ورى (صبح غيّـاب )



ولبَسنـي الليـل/ ( وبقايـا وعـودي؟
..........................دفنتها ) مـع كـل الاحـلام وعتـاب

[البعد الرابع]

أحلى مقادير الزمن جلسة إثنين
يقضونها بين الدلع والمودة




هذاك يعبث في صدر كامل الزين
والزين يلعب في خيوط المخدة




مااحدٍ درى عن شرقة الشمس من وين
أحظانهم مع بعضهم مستبدة

[البعد الرابع]

مـن سـرت يمـي وأنــا مـالـي خـيـار إلا قـدرهـا
كـنـهــا كــــل الـسـنـيـن المـقـبـلـة والأولــيـــة

مـن غــدت هـمـي وأنــا مـالـي ديــار إلا ديـرهـا
جالـهـا بـيـن الضـلـوع الظـامـيـة روحـــه وجـيــه

جـادل(ن) كـل الـدروب المعشبـة تنبـت بأثـرهـا
جـت تبـي جـرح وقصـيـد وخـلـت الثنتـيـن لـيـه

مــن يحدثـنـي حـديـث الثـلـج للجـمـر بثـغـرهـا
والله إنـي كنـت نــاوي لــي بـهـاك الجـمـر نـيـة

من نشد هاك الوساع الخرس عن دنيـا حورهـا
وش جمع سحر الغموض بسودهـا والنرجسيـة

الـوكـاد إنــي بـشـط الـكـحـل غـنـيـت لبـحـرهـا
مـاحـلا هـوسـة هدبـهـا والـمـسـا والسـامـريـة

من يعلـم مستريـح الريـح عـن فوضـى شعرهـا
الحريـر اللـي كسـا هــاك المـتـون العسجـديـة

علـمـوه إن مــازح الـغـرة ونـشّـد عـــن قـمـرهـا
لايخاف إن شاف له ظلما وشاف الشمس حيه

[البعد الرابع]

إليا اقبلت برقٍ يسوق المخاييـل

وإليا ادبرت قلبي جروحه نقضها

الـثـوب قـــد ذاق الـعـنـا والغـرابـيـل

ومشـاعـري يـامــا ويـامــا نفـضـهـا

لكـنـهـا راحـــت عـسـاهـا تـسـاهـيـل

ماهي فريضه حكـم ربـي فرضهـا

يالله عـسـانــا فـالـلـيـال الـمـقـابـيـل

نلقى مع الركب المروّح عوضهـا

[البعد الرابع]

الصمت لو تدري وش اللي ورى الصمت
اكفاكـ عن بعض القصايد اسكاتي

ماهو دليل اني ونيس ان تكلمت
لو هو دليل اتعب لساني اشفاتي

ياما تهاونت الجروح وتبسمت
وأتحفت جلاسي بطرفة حكـاتي

ماقد شكيت الجرح ولا تظلمت
عشقت معنى الصمت عشقي لذاتي

هأذا وانا اللي في زماني تعشمت
حتى خذا مني عزيز امنياتي

كم خانني وجه الدهر ماتندمت
وش عاد لو إنه تزعزع ثباتي

يكفيني اني من جروحي تعلمت
من يستحق لسيتي وحسناتي

[البعد الرابع]

ليت الهموم المزمنات استكنـت
ماجابت الي باالهواجس يجينـي

لاهب ذعذاع الشمال استجنـت
ماعاد تقظب راجفاتـه ايدينـي

[البعد الرابع]

الحب صدفه دون موعد ~ وتوقيت
يــبـرك على قلب البشر .. ثم يـفـلـي

وإن كان ماتعشق وفـا ؟ ماتهنيت !
وش تـنـفـع الدلــه بلا هـيل ؟؟ قــلـي

مثل العجوز اللي سنـعها بلا صيت
تـدعـي على العالم وهي ما تـصلـي